Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

Ромӕгтӕм 2:1—29

2  Гъе уымӕ гӕсгӕ, чифӕнды+ ма у,– кӕд иннӕтӕн тӕрхон кӕныс+, уӕд дӕхи ницӕмӕй сраст кӕндзынӕ, уымӕн ӕмӕ, иннӕмӕн цы хъуыддаджы тӕрхон кӕныс, уыцы хъуыддаджы тӕрхон кӕныс дӕхицӕн дӕр, уымӕн ӕмӕ иннӕмӕн тӕрхон кӕнгӕйӕ+ дӕхӕдӕг дӕр ахӕм хъуыддӕгтӕ кӕныс+.  Ӕмӕ мах та зонӕм, ахӕм хъуыддӕгтӕ чи кӕны, уыдонӕн Хуыцау рӕстдзинадмӕ* гӕсгӕ+ кӕй тӕрхон кӕны.  Афтӕ ӕнхъӕл дӕ+, ӕмӕ ахӕм хъуыддӕгтӕ чи кӕны, уыдонӕн куы тӕрхон кӕнай, фӕлӕ дӕхӕдӕг дӕр ахӕм хъуыддӕгтӕ куы кӕнай, уӕд Хуыцауы тӕрхонӕй аирвӕздзынӕ?+  Ӕви Хуыцау афтӕ хӕларзӕрдӕ+, афтӕ быхсаг кӕй у+ ӕмӕ бирӕ кӕй фӕразы+, уый ницӕмӕ дарыс – нӕ йӕ зоныс, Хуыцау йӕ хӕларзӕрдӕйӕ ууыл кӕй архайы, цӕмӕй ды ӕрфӕсмон кӕнай?+  Фӕлӕ хивӕнд кӕй дӕ+ ӕмӕ дӕ ӕрфӕсмон кӕнын кӕй нӕ фӕнды+, уый тыххӕй дӕхи Хуыцауы фыдӕхы хай кӕныс+. Хуыцау йӕ фыдӕх ныккалдзӕн+ йӕ судзгӕ масты бон+ – раст тӕрхон куы кӕна*, уыцы бон+.  Уыцы бон Хуыцау алкӕмӕн дӕр бафиддзӕн йӕ хъуыддӕгтӕм гӕсгӕ+:  ӕдзухдӕр хорз хъуыддӕгтӕ чи аразы ӕмӕ афтӕмӕй кадмӕ, намысмӕ ӕмӕ, ӕнӕмӕлгӕ уа+, уымӕ чи тырны, уыдонӕн – ӕнусон цард,  загъдуарзаг чи у+ ӕмӕ рӕстдзинады* коммӕ чи нӕ кӕсы+, фӕлӕ фыддзинады фӕдыл чи цӕуы, уыдоны та баййафдзӕн йӕ фыдӕх ӕмӕ йӕ маст+.  Фыдхъуыддӕгтӕ чи кӕны, уыдонӕй алчидӕр бауыдзӕн маст ӕмӕ хъизӕмары хай, фыццаг дзуттаг+, ӕмӕ стӕй грекъаг+ дӕр. 10  Хорз хъуыддӕгтӕ чи кӕны+, уыдонӕй та алкӕмӕ дӕр ӕнхъӕлмӕ кӕсы кад, намыс ӕмӕ фарн, фыццаг дзуттагмӕ+, ӕмӕ стӕй грекъагмӕ+ дӕр, 11  уымӕн ӕмӕ Хуыцау никӕй хъулон кӕны+. 12  Закъоны дӕлбар чи нӕ уыд, афтӕмӕй тӕригъӕдтӕ чи арӕзта, уыдон се ’ппӕт дӕр амӕлдзысты, кӕд закъоны дӕлбар нӕ уыдысты, уӕддӕр+. Закъоны дӕлбар уӕвгӕйӕ чи арӕзта тӕригъӕдтӕ+, уыдон та тӕрхонгонд уыдзысты уыцы закъонмӕ гӕсгӕ+. 13  Уымӕн ӕмӕ, закъоны ныхӕстӕ хъусгӕ чи кӕны, Хуыцауы цӕсты рӕстгӕнджытӕ уыдон не сты, фӕлӕ, закъон ӕххӕст чи кӕны+, уыдон ӕрцӕудзысты рӕстгӕнджытыл нымад+. 14  Закъон кӕмӕн нӕй+, уыцы адӕмтӕ+ сӕхи ӕгъдауӕй, закъон куыд дзуры, афтӕ куы фӕкӕнынц+, уӕд уыдон, кӕд сын закъон нӕй, уӕддӕр сӕхӕдӕг сӕхицӕн сты закъон. 15  Уымӕй уыдон ӕвдисынц, закъоны хъуыды сӕ зӕрдӕты фыст кӕй ис+, ӕмӕ семӕ иумӕ ууыл дзурӕг у се ’фсарм+ дӕр, ӕмӕ куы фӕхъуыды кӕнынц, уӕд сӕм сӕ зӕрдӕ фӕдзуры, зӕгъгӕ, раст нӕ бакодтай+, кӕнӕ та – раст бакодтай. 16  Ӕз цы дзурын, уый уыдзӕн, Хуыцау адӕмы+ сусӕг+ хъуыдытӕн ӕмӕ сусӕг хъуыддӕгтӕн Йесо Чырыстийы къухӕй цы бон тӕрхон кӕндзӕн+, уыцы бон. Уыцы хабар ӕрцӕудзӕн, ӕз цы хорз хабар хъусын кӕнын, уымӕ гӕсгӕ+. 17  Гъеныр кӕд ды дзуттаджы ном хӕссыс+, закъонӕй+ ныфсджын дӕ ӕмӕ Хуыцауӕй – сӕрыстыр+, 18  ӕмӕ дын Закъон кӕй бацамыдтой+, уымӕ гӕсгӕ йын йӕ фӕндон зоныс+ ӕмӕ, ӕппӕты хуыздӕр цы у, уый ӕмбарыс, 19  ӕмӕ дӕм афтӕ кӕсы, ӕмӕ куырмытӕн+ фӕндагамонӕг дӕ, талынджы чи ис, уыдонӕн – рухс+, 20  ӕнӕзӕндтӕн – зондамонӕг+, сывӕллӕттӕн – ахуыргӕнӕг+, ӕмӕ, Закъоны цы зонындзинӕдтӕ ӕмӕ рӕстдзинад*+ ис, уыдонӕн сӕ сӕйраг фӕзилӕнтӕ ӕмбарыс+,– 21  уӕд, искӕй ахуыргӕнгӕйӕ, дӕхи куыд нӕ ахуыр кӕныс?+ Иннӕтӕн афтӕ куы дзурыс, ма дав+, зӕгъгӕ, уӕд дӕхӕдӕг куыд давыс?+ 22  Иннӕтӕн афтӕ куы амоныс, ма хӕт+, зӕгъгӕ, уӕд дӕхӕдӕг куыд хӕтыс? Мӕнгхуыцӕуттӕ дӕм ӕлгъаг куы кӕсынц, уӕд кувӕндӕттӕй куыд давыс?+ 23  Закъонӕй сӕрыстыр куы дӕ, уӕд закъон куыд халыс+ ӕмӕ Хуыцауы куыд худинаг кӕныс? 24  Ӕмӕ «сымах тыххӕй иннӕ адӕмтӕ Хуыцауы ном фауынц»+, фыст куыддӕриддӕр у, афтӕ. 25  Сунӕтӕн+ та тых ӕрмӕстдӕр уӕд ис, ӕмӕ закъон куы ӕххӕст кӕнай+. Кӕд закъон халыс, уӕд та дӕ сунӕт+ афтӕ у, цыма сунӕтгонд нӕ дӕ+. 26  Уӕдӕ, сунӕтгонд чи нӕу+, ахӕм адӕймаг Закъоны рӕстаг фӕдзӕхстытӕ куы ӕххӕст кӕна+, уӕд ын уый, кӕд сунӕтгонд нӕу, уӕддӕр афтӕ нымад нӕ уыдзӕн, ӕмӕ сунӕтгонд у?+ 27  Ӕмӕ сунӕтгӕндтӕй чи нӕу, уый Закъон кӕй ӕххӕст кӕны, уымӕй дӕуӕн – фыст закъон кӕмӕ ис ӕмӕ сунӕтгонд чи у, афтӕмӕй закъон чи халы, уымӕн,– уыдзӕн тӕрхонгӕнӕг+. 28  Ӕцӕг дзуттаг уый нӕу, ӕддаг бакастӕй чи у ахӕм+, ӕмӕ ӕцӕг сунӕт дӕр, ӕддейӕ, буарыл кӕй скӕнынц, уый нӕу+. 29  Фӕлӕ ӕцӕг дзуттаг уый у, ӕмӕ мидӕгӕй чи у ахӕм+, ӕмӕ ахӕм адӕймагӕн сунӕтгонд у йӕ зӕрдӕ+, фыст закъонмӕ гӕсгӕ нӕ, фӕлӕ Хуыцауы сыгъдӕг тыхӕй+. Уымӕн адӕм нӕ, фӕлӕ Хуыцау+ уыдзӕн кадгӕнӕг+.

Фиппаинӕгтӕ

Кӕнӕ «ӕцӕгдзинадмӕ».
Комк. «раст тӕрхон куы раргом уа».
Кӕнӕ «ӕцӕгдзинады».
Кӕнӕ «ӕцӕгдзинад».