Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

Ромӕгтӕм 10:1—21

10  Ме ’фсымӕртӕ, уый мӕ фӕнды ӕмӕ Хуыцауӕн дӕр уый тыххӕй фӕлӕгъстӕ кӕнын, цӕмӕй уыдон фервӕзой+.  Уыдоны тыххӕй мӕ бон зӕгъын у, ӕмӕ Хуыцауыл тынг ӕнувыд сты+, фӕлӕ, чи у, уый бӕлвырдӕй нӕ зонынц+.  Уыдон сӕхи Хуыцауы рӕстдзинады дӕлбар нӕ бакодтой+, уымӕн ӕмӕ, Хуыцауы цӕсты раст цы у, уый нӕ зыдтой+, фӕлӕ архайдтой, сӕхӕдӕг рӕстгӕнджытӕ кӕй сты, уый равдисыныл+.  Закъонӕн та Чырысти кӕрон скодта+, цӕмӕй, уырнындзинад кӕмӕ ис, уыдонӕй алчидӕр нымад ӕрцӕуа рӕстгӕнӕгыл+.  Моисей фыссы, зӕгъгӕ, Закъоны рӕстаг фӕдзӕхстытӕ чи ӕххӕст кӕна, уый цӕрдзӕн рӕстдзинады фӕрцы+.  Фӕлӕ, уырнындзинадӕй чи цӕуы, уыцы рӕстдзинады тыххӕй та афтӕ фыст ис: «Дӕхицӕн афтӕ ма дзур+: „Чи ссӕудзӕн уӕларвмӕ?“+, ома Чырыстийы+ ӕркӕнынмӕ.  Кӕнӕ: „Чи ныххиздзӕн дӕлдзӕхмӕ?“+, ома Чырыстийы мӕрдтӕй райгас кӕнынмӕ»+.  Фыстад та цы зӕгъы? «Уыцы дзырд дӕм хӕстӕг у, ис де ’взагыл ӕмӕ дӕ зӕрдӕйы»+ – уый у уырнындзинады «дзырд»+, мах кӕй хъусын кӕнӕм, уый+.  Ӕмӕ кӕд, «де ’взагыл цы дзырд ис»+, ома Йесо нӕ Хицау кӕй у+, уый ӕргом дзурыс ӕмӕ йӕ Хуыцау мӕрдтӕй кӕй райгас кодта, ууыл зӕрдӕйӕ ӕууӕндыс+, уӕд фервӕздзынӕ+. 10  Уымӕн ӕмӕ адӕймаг зӕрдӕйӕ+ куы ’ууӕнда, уӕд нымад ӕрцӕудзӕн рӕстгӕнӕгыл, йӕ уырнындзинады тыххӕй ӕргом куы дзура+, уӕд та фервӕздзӕн. 11  Фыстад афтӕ зӕгъы: «Чи йыл ӕууӕнды+, уыдонӕй фыдӕнхъӕл ничи фӕуыдзӕн»+. 12  Ницы уӕлдай у, дзуттаг уай ӕви грекъаг+, уымӕн ӕмӕ не ’ппӕт дӕр иу Хицауы* бын стӕм – уый йӕ хъӕздыгдзинӕдтӕй+ рӕдауӕй дӕтты, чи йӕм кувы, уыдонӕй алкӕмӕн дӕр. 13  Уӕдӕ, «Йегъовӕмӕ йӕ номӕй чидӕриддӕр кувы, уый фервӕздзӕн»+. 14  Фӕлӕ кӕуыл нӕ баууӕндыдысты, уымӕ куыд хъуамӕ кувой?+ Ӕмӕ кӕй тыххӕй нӕ фехъуыстой, ууыл куыд хъуамӕ баууӕндой? Ӕмӕ куы ничи хъусын кӕна, уӕд куыд хъуамӕ фехъусой?+ 15  Ӕмӕ куыд хъуамӕ хъусын кӕной, куы ничи сӕ арвита, уӕд?+ Фыст дӕр афтӕ у: «Куыд рӕсугъд сты, хуыздӕр цыдӕр кӕй уыдзӕн, уый тыххӕй хорз хабар чи хъусын кӕны, уыдоны къӕхтӕ!»+ 16  Фӕлӕ уӕддӕр хорз хабармӕ се ’ппӕт нӕ байхъуыстой+. Уымӕн ӕмӕ афтӕ зӕгъы Исай: «Йегъовӕ, махӕй цы хабар фехъуыстой, ууыл чи баууӕндыд?»+ 17  Уӕдӕ адӕймагмӕ уырнындзинад уӕд фӕзыны, ӕмӕ уыцы хабар куы фехъусы+. Ӕмӕ йӕ хъусгӕ та фӕкӕны, исчи Чырыстийы тыххӕй куы фӕдзуры, уӕд+. 18  Фӕлӕ ӕз фӕрсын: ау, нӕ йӕ фехъуыстой? «Ӕгас зӕххыл куы айхъуыст сӕ хъӕлӕс+, ӕмӕ сӕ ныхӕстӕ – зӕххы кӕрӕттӕм»+. 19  Ӕмӕ ма ноджыдӕр фӕрсын: ау, Израил ӕй нӕ зыдта?+ Фыццаг ӕй Моисей куы загъта: «Мӕ адӕм чи не сты, уыдоны фӕрцы ӕз афтӕ бакӕндзынӕн, ӕмӕ катайы бацӕудзыстут. Ӕнӕзонд адӕмы фӕрцы афтӕ сараздзынӕн, ӕмӕ мӕстӕй судздзыстут»+. 20  Исай та тынг ныфсджынӕй хъусын кӕны Хуыцауы ныхӕстӕ: «Мӕн ссардтой, чи мӕ нӕ агуырдта, уыдон+. Ӕз мӕхи раргом кодтон, мӕн тыххӕй фӕрсгӕ дӕр чи нӕ кодта, уыдонӕн»+. 21  Израилы тыххӕй та афтӕ зӕгъы: «Алы бон дӕр мӕ къухтӕ ивӕзтон, мӕ коммӕ чи нӕ кӕсы+ ӕмӕ мӕ ныхмӕ чи дзуры, уыцы адӕммӕ»+.

Фиппаинӕгтӕ

Грекъ. Ки́риос – ацы ст., гӕнӕн ис, амоны Хуыцаумӕ кӕнӕ Йесомӕ.