Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

Псалом 96:1—13

96  Зарут Йегъовӕйӕн ног зарӕг+.Зарут Йегъовӕйӕн, зӕххыл цӕрӕг адӕм иууылдӕр+.   Зарут Йегъовӕйӕн, арфӕ кӕнут йӕ номӕн+.Алы бон дӕр дзурут хорз хабар, цы ирвӕзындзинад дӕтты, уый тыххӕй+.   Адӕмты ’хсӕн хъусын кӕнут йӕ кад+,Ӕппӕт адӕмты ’хсӕн – йӕ диссаджы хъуыддӕгтӕ+.   Йегъовӕ у стыр Хуыцау+, уый у стыр кады аккаг.Уый адӕймагыл ӕппӕт иннӕ хуыцӕуттӕй тынгдӕр ӕфтауы тас+.   Адӕмты хуыцӕуттӕ иууылдӕр сты ницӕйаг хуыцӕуттӕ+,Йегъовӕ та сфӕлдыста уӕлӕрвтӕ+.   Йӕ разы – кад ӕмӕ намыс+,Йӕ кувӕндоны – хъару ӕмӕ рӕсугъддзинад+.   Сбӕрзонд кӕнут Йегъовӕйы, ӕппӕт адӕмты мыггӕгтӕ+,Сбӕрзонд кӕнут Йегъовӕйӕн йӕ кад ӕмӕ йӕ хъару+.   Сбӕрзонд кӕнут Йегъовӕйы, йӕ номы аккаг кад ын скӕнут+,Ӕрхӕссут лӕвӕрттӕ ӕмӕ бацӕут йӕ кӕртытӕм+.   Бакувут Йегъовӕйӕн бӕрӕгбоны сыгъдӕг дарӕсы+.Тӕрсут дзы*, зӕххыл цӕрӕг адӕм иууылдӕр!+ 10  Адӕмты ’хсӕн дзурут: «Йегъовӕ сси паддзах!+Зӕхх фидар ӕвӕрд ӕрцыд, ӕмӕ нӕ фенкъуысдзӕн+.Уый рӕстӕй ӕвзардзӕн адӕмты хъуыддӕгтӕ»+. 11  Цин кӕнӕнт уӕлӕрвтӕ, зӕхх цинӕй райӕд+.Нӕрӕд денджыз ӕмӕ йӕ мидӕг цыдӕриддӕр ис, уый+. 12  Цин кӕнӕнт быдыртӕ ӕмӕ дзы цыдӕриддӕр ис, уыдон+.Ӕмӕ хъӕды бӕлӕстӕ дӕр фырцинӕй зарӕнт+ 13  Йегъовӕйы раз, уымӕн ӕмӕ уый ӕрцыд+,Ӕрцыд зӕххӕн тӕрхон кӕнынмӕ+.Уый зӕххӕн тӕрхон кӕндзӕн рӕстӕй+Ӕмӕ адӕмтӕн – йӕ иузӕрдиондзинадмӕ гӕсгӕ+.

Фиппаинӕгтӕ

Кӕнӕ «Йӕ разы стыр рыстытӕ ӕвзарут».