Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

Псалом 24:1—10

Давиды псалом. Зарӕг. 24  Йегъовӕйы у зӕхх ӕмӕ йыл цыдӕриддӕр ис, уый+, Зӕхх ӕмӕ йыл чидӕриддӕр цӕры, уыдон+.   Денджызтыл ӕй ӕрӕвӕрдта+, Цӕугӕдӕттыл ӕй ӕрфидар кодта+.   Кӕй бон у Йегъовӕйы хохмӕ схизын+, Кӕй бон у йӕ сыгъдӕг бынатмӕ ссӕуын?+   Йӕ къухтӕ сыгъдӕг кӕмӕн сты ӕмӕ сыгъдӕг зӕрдӕ кӕмӕн ис+, Мӕ уд мын ницӕйагыл чи нӕ нымадта+ Ӕмӕ мӕнг сомытӕ чи нӕ кодта, уымӕн+.   Уый Йегъовӕйӕ ацӕудзӕн арфӕдзинадимӕ+ Ӕмӕ рӕстдзинадимӕ йӕ ирвӕзынгӕнӕг Хуыцауӕй+.   Ахӕм сты, чи йӕ агуры, уыцы адӕм, Дӕ хорзӕх* дын чи агуры, уыдон, о Иаковы Хуыцау+. (Села́)   «Уӕ сӕртыл схӕцут, кулдуӕрттӕ+, Уӕхиуыл хӕрдмӕ схӕцут, ӕнусон бахизӕнтӕ+, Цӕмӕй цытджын Паддзах мидӕмӕ бацӕуа!»+   «Чи у уыцы цытджын Паддзах?»+ «Йегъовӕ, тыхджын ӕмӕ хъомысджын Хуыцау+, Йегъовӕ, тохы ӕмбал кӕмӕн нӕй»+.   «Уӕ сӕртыл схӕцут, кулдуӕрттӕ+, Хӕрдмӕ сыл схӕцут, ӕнусон бахизӕнтӕ, Цӕмӕй цытджын Паддзах мидӕмӕ бацӕуа!»+ 10  «Уӕдӕ чи у уыцы цытджын Паддзах?» «Ӕфсӕдты хицау Йегъовӕ – уый у цытджын Паддзах»+. (Села́)

Фиппаинӕгтӕ

Комк. «дӕ цӕсгом».