Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

Псалом 140:1—13

Амонӕгӕн. Давиды зарӕг. 140  О Йегъовӕ, фервӕзын мӕ кӕн ӕвзӕргӕнджытӕй+,Бахъахъхъӕн мӕ тыхгӕнӕгӕй+,   Йӕ зӕрдӕйы фыдвӕндтӕ чи кӕны+,Цыма хӕсты стӕм, уыйау мӕм ӕнӕхъӕн бон чи лӕбуры, уыдонӕй+.   Се ’взаг калмы ’взагау сцыргъ кодтой+,Се ’взагыл ис сыкъаджын калмы марг+. (Села́)   О Йегъовӕ, ма мӕ бауадз фыдгӕнӕджы къухтӕм бахауын+,Бахъахъхъӕн мӕ тыхгӕнӕгӕй+,Мӕ къах мын фӕцудын кӕнынмӕ чи хъавы, уыдонӕй+.   Йӕхи чи бӕрзонд кӕны, уыдон мын мӕ размӕ сӕвӕрдтой къӕппӕг+,Фӕндаггӕрон мын хызау айвӕзтой бӕттӕнтӕ+.Ме ’рцахсынӕн сӕвӕрдтой хызтӕ+. (Села́)   Ӕз Йегъовӕйӕн загътон: «Ды дӕ мӕ Хуыцау+.О Йегъовӕ, фехъус мын мӕ лӕгъстӕтӕ»+.   О Дунедарӕг Хуыцау+ Йегъовӕ, мӕ хъомысджын ирвӕзынгӕнӕг+,Ды мын хъахъхъӕдтай мӕ сӕр тохы бон+.   О Йегъовӕ, ма сӕххӕст кӕн фыдгӕнджыты фӕндтӕ+.Сӕ фыдвӕндтӕ сын ма фӕрӕстмӕ кӕн, цӕмӕй сӕхицӕй ма ныббуц уой+. (Села́)   Алырдыгӕй мыл чи ӕртыхст, уыдонӕн сӕхи сӕр баййафӕд+,Сӕ дзых цы фыдбылыз хӕссы, уый+. 10  Судзгӕ цӕхӕр сыл ныккӕлӕд+.Ӕппӕрст ӕрцӕуӕнт арты+ ӕмӕ доны дзыхъхъы, цӕмӕй мауал сыстой+. 11  Стыр дзыхӕй чи дзуры, уый зӕххыл ма ’рфидар уӕд+.Тыхгӕнӕгӕн фыдбылыз йӕ фӕдыл зилӕд, йӕ цӕфтӕ йыл ӕмбӕлӕнт иу иннӕйы фӕдыл+. 12  Ӕз ӕй зонын, Йегъовӕ кӕй рахӕцдзӕн+Ӕфхӕрд адӕймаджы сӕрыл, мӕгуыртӕн кӕй тӕрхон кӕндзӕн рӕстӕй+. 13  Рӕстгӕнджытӕ дын кадджын кӕндзысты дӕ ном+.Рӕстзӕрдӕ чи у, уыдон цӕрдзысты дӕ цӕсгомы раз+.

Фиппаинӕгтӕ