Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

Марчы 16:1—20

16  Сабат+ куы аивгъуыдта, уӕд Марийӕ Магдалинӕ+, Иаковы мад Марийӕ ӕмӕ Саломи балхӕдтой хӕрздӕфгӕнаг кӕрдӕджытӕ, цӕмӕй ацыдаиккой ӕмӕ дзы Йесойы мард байсӕрстаиккой+.  Ӕмӕ къуырийы фыццаг бон* райсомӕй раджы+, хур куыддӕр скаст, афтӕ ӕрбацыдысты зӕппадзмӕ+.  Фӕндагыл кӕрӕдзийӕн дзырдтой, зӕппадзмӕ бахизӕнӕй нын дур чи афӕлдахдзӕн, зӕгъгӕ.  Фӕлӕ куы бахӕццӕ сты, уӕд кӕсынц, ӕмӕ дур фӕлдӕхтӕй лӕууы, кӕд тынг стыр уыди, уӕддӕр+.  Зӕппадзмӕ куы бахызтысты, уӕд уым рахизырдыгӕй федтой иу ӕрыгон лӕппуйы даргъ урс дарӕсы бадгӕ, ӕмӕ фыртӕссӕй цы акодтаиккой, уый нал зыдтой+.  Уый та сын загъта: «Ма тӕрсут. Сымах агурут, хъӕдыл кӕй байтыгътой, уыцы назаретаг Йесойы+. Ам нӕй – райгас+. Мӕнӕ, кӕм ӕй бавӕрдтой, уыцы бынат дӕр фенут+.  Фӕлӕ ацӕут, ӕмӕ йӕ ахуыргӕнинӕгтӕн ӕмӕ Петрӕн зӕгъут, куыд уын дзырдта, афтӕ Галилейӕмӕ уӕ разӕй фӕцӕуы+, ӕмӕ йӕ уым фендзыстут, зӕгъгӕ»+.  Ӕмӕ куыддӕр зӕппадзӕй рацыдысты, афтӕ лидзынмӕ фесты, уымӕн ӕмӕ фыртӕссӕй ӕмӕ фырдиссагӕй сӕхи дӕр нал ӕмбӕрстой. Ӕмӕ никӕмӕн ницы радзырдтой, уымӕн ӕмӕ сӕ тас бацыд*+. ЦЫБЫР КӔРОНБӔТТӔН Ӕмӕ сын цы бафӕдзӕхста, уый цыбыртӕй радзырдтой Петрӕн ӕмӕ, йемӕ чи уыд, уыдонӕн. Ӕппӕт уыцы хабӕртты фӕстӕ сын Йесо бафӕдзӕхста, цӕмӕй скӕсӕнӕй ныгуылӕнмӕ хӕссой ӕнусон ирвӕзындзинады сыгъдӕг ӕмӕ ӕнӕивгӕ хабар. ДАРГЪ КӔРОНБӔТТӔН  Къуырийӕн йӕ фыццаг бон сӕумӕраджы Йесо куы райгас, уӕд фыццаг фӕзынд Марийӕ Магдалинӕмӕ, авд дӕлимоны кӕмӕй расырдта, уымӕ. 10  Уый ацыд ӕмӕ хабар радзырдта Йесойы ахуыргӕнинӕгтӕн, уымӕн ӕмӕ уыдон хъыг кодтой ӕмӕ куыдтой. 11  Фӕлӕ, Йесо кӕй райгас ӕмӕ йӕ Марийӕ кӕй федта, уый куы фехъуыстой, уӕд сӕ нӕ бауырныдта. 12  Уый фӕстӕ ахуыргӕнинӕгтӕй дыууӕйӕ хъӕумӕ куы фӕцӕйцыдысты, уӕд сӕм Йесо йӕхи равдыста ӕндӕр хуызы ӕмӕ дарддӕр семӕ ацыд. 13  Уыдон фӕстӕмӕ раздӕхтысты ӕмӕ хабар радзырдтой иннӕтӕн дӕр. Фӕлӕ адоныл дӕр нӕ баууӕндыдысты. 14  Ӕппынфӕстаг фӕзынд йӕ иуӕндӕс ахуыргӕнинагмӕ сӕхимӕ дӕр, фынгыл куы бадтысты, уӕд. Ӕмӕ сын бауайдзӕф кодта, уырнындзинад сӕм кӕй нӕ уыди, хъӕбӕрзӕрдӕ кӕй разындысты ӕмӕ йӕ йӕ райгасы фӕстӕ чи федта, уыдоныл кӕй нӕ баууӕндыдысты, уый тыххӕй. 15  Ӕмӕ сын загъта: «Цӕут ӕмӕ ӕрзилут ӕгас дунейыл ӕмӕ хорз хабар хъусын кӕнут ӕппӕт адӕмӕн дӕр. 16  Чи баууӕнда ӕмӕ донаргъуыд чи райса, уый фервӕздзӕн. Чи нӕ баууӕнда, уый та ӕрцӕудзӕн тӕрхонгонд. 17  Уырнджытӕ та ӕвдисдзысты ахӕм диссӕгтӕ: мӕ номӕй сурдзысты дӕлимонты, дзурдзысты ӕндӕр ӕвзӕгтыл, 18  кӕлмыты исдзысты сӕ къухтӕм ӕмӕ, марг куы бануазой, уӕд дӕр сын ницы уыдзӕн. Сӕ къухтӕ ӕвӕрдзысты рынчынтыл, ӕмӕ-иу рынчынтӕ сдзӕбӕх уыдзысты». 19  Хицау Йесо семӕ ныхас куы фӕци, уӕд уӕларвмӕ ацыд ӕмӕ Хуыцауы рахиз фарс ӕрбадт. 20  Ахуыргӕнинӕгтӕ дӕр ацыдысты ӕмӕ алы ран хъусын кодтой хорз хабар. Хицау сын ӕххуыс кодта, ӕмӕ цӕмӕй, цы хабар хъусын кодтой, ууыл баууӕндыдаиккой, уый тыххӕй ӕвдыста диссӕгтӕ.

Фиппаинӕгтӕ

Кӕс Мф 28:1, фип.
Ахуыргӕндтӕ ӕууӕнчы аккагыл кӕй нымайынц, Библийы уыцы къухфыстытӕ фӕуд кӕнынц 8 стихыл. Фӕлӕ кӕцыдӕр рагон къухфыстыты ис, дӕлдӕр чи ис, уыцы даргъ кӕронбӕттӕн, кӕцыдӕрты та ис, уый бынмӕ чи ис, уыцы цыбыр кӕронбӕттӕн. Ацы кӕронбӕттӕнтӕй иу дӕр, Хуыцауы комытӕфӕй фыст чи ӕрцыд, уыцы Сыгъдӕг Фыстады хайыл нымад нӕу.