Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

Лукайы 4:1—44

4  Йесо схайджын Хуыцауы сыгъдӕг тыхӕй ӕмӕ Иорданы бӕстӕй ацыд. Ӕмӕ йӕ сыгъдӕг тых ӕдзӕрӕг быдыры ракӕн-бакӕн кодта+  цыппор боны+. Уым ӕй Хӕйрӕг фӕлвӕрдта+. Уыцы рӕстӕг Йесо ницы хордта, ӕмӕ цыппор боны куы аивгъуыдтой, уӕд сӕххормаг.  Ӕмӕ йын уӕд Хӕйрӕг загъта: «Кӕд Хуыцауы фырт дӕ, уӕд ацы дурӕн зӕгъ, ӕмӕ дзул феста».  Фӕлӕ йын Йесо загъта: «Фыст у: „Адӕймаг афтид дзулӕй нӕ цӕры“»+.  Уӕд ӕй Хӕйрӕг скодта бӕрзонд ранмӕ ӕмӕ йын цӕстыфӕныкъуылдмӕ равдыста, зӕххыл цыдӕриддӕр паддзахӕдтӕ ис, уыдон,  ӕмӕ йын загъта: «Ӕппӕт ацы паддзахӕдтӕ+ дын сӕ кадимӕ ратдзынӕн, уымӕн ӕмӕ мӕнӕн лӕвӕрд сты, ӕмӕ мӕ кӕмӕн фӕнды, уымӕн сӕ дӕттын+.  Куы мын бакувай+, уӕд иууылдӕр уыдзысты дӕу».  Йесо та йын загъта: «Фыст у: „Дӕ Хуыцау Йегъовӕйӕн+ кув ӕмӕ ӕрмӕстдӕр уымӕн лӕггад кӕн“»+.  Уӕд та йӕ Хӕйрӕг акодта Иерусалиммӕ, кувӕндоны алыварс цы къул+ уыди, уый сӕр ӕй ӕрлӕууын кодта ӕмӕ йын загъта: «Кӕд Хуыцауы фырт дӕ, уӕд дӕхи ардыгӕй аппар+, 10  уымӕн ӕмӕ фыст у: „Йӕ зӕдтӕн дӕ бафӕдзӕхсдзӕн, цӕмӕй дӕ хъахъхъӕной“+, 11  стӕй ма: „Сӕ къухтыл дӕ ахӕсдзысты, цӕмӕй дӕ къах дурыл ма скъуырай“»+. 12  Уӕд та йын Йесо загъта: «Афтӕ фыст у: „Ма фӕлвар дӕ Хуыцау Йегъовӕйы“»+. 13  Гъемӕ йӕ Хӕйрӕг алы хуызы дӕр куы бафӕлвӕрдта, уӕд ӕй ныууагъта, ӕндӕр хорз фадат ын кӕд фӕуыдзӕн, уӕдмӕ+. 14  Йесо та, Хуыцауы сыгъдӕг тыхӕй хайджын уӕвгӕйӕ, ӕрыздӕхт Галилейӕмӕ+. Ӕмӕ йӕ хорзы кой айхъуыст ӕгас бӕстӕйыл+. 15  Уым ӕмбырдгӕнӕнты* адӕмы ахуыр кӕнын райдыдта, ӕмӕ йын се ’ппӕт дӕр кад кодтой+. 16  Стӕй ӕрцыд Назаретмӕ+, кӕм схъомыл, уырдӕм. Ӕмӕ куыд ахуыр уыд, афтӕ та сабаты бацыд ӕмбырдгӕнӕнмӕ+ ӕмӕ ӕрлӕууыд адӕмы раз Фыстадӕй бакӕсынмӕ. 17  Радтой йӕм пехуымпар Исайы чиныджы тыхтон. Йесо йӕ райхӕлдта ӕмӕ дзы ссардта мӕнӕ ацы ныхӕстӕ: 18  «Ӕз хайджын дӕн Йегъовӕйы тыхӕй*+, уымӕн ӕмӕ мӕ уый байсӕрста, цӕмӕй мӕгуыртӕн хорз хабар хъусын кӕнон. Уый мӕ рарвыста, цӕмӕй уацайрӕгтӕн дзурон, кӕй ссӕрибар уыдзысты, ӕмӕ куырмытӕн – цӕстӕй кӕй ракӕсдзысты, цӕмӕй ӕфхӕрд адӕмы суӕгъд кӕнон+, 19  цӕмӕй хъусын кӕнон Йегъовӕйы хорзӕхы азы тыххӕй»+. 20  Стӕй йӕ фӕстӕмӕ стыхта, кӕстӕриуӕггӕнӕгмӕ йӕ радта ӕмӕ сбадт. Ӕмӕ ӕмбырдгӕнӕны чи уыд, уыдон иууылдӕр Йесомӕ ныккастысты. 21  Уый фӕстӕ сын загъта: «Ныртӕккӕ Фыстадӕй цы ныхӕстӕ фехъуыстат, уыдон абон сӕххӕст сты»+. 22  Уӕд дзы иууылдӕр райдыдтой ӕппӕлын ӕмӕ, цы ӕхсызгон ныхӕстӕ+ кодта, уыдоныл дис кодтой ӕмӕ дзырдтой: «Ай мӕнӕ Иосифы фырт нӕу?»+ 23  Йесо сын загъта: «Зонын ӕй, сымах мын ахӕм ӕмбисонд кӕй ӕрхӕсдзыстут: „Дохтыр+, дӕхи уал сдзӕбӕх кӕн“+, ӕмӕ мын афтӕ кӕй зӕгъдзыстут: „Мах фехъуыстам, Капернаумы+ цытӕ сарӕзтай, уыдӕттӕ, ӕмӕ-ма ахӕм диссӕгтӕ ам дӕхи горӕты дӕр сараз“»+. 24  Ӕмӕ сын уӕд афтӕ бакодта: «Ӕцӕг уын зӕгъын: иу пехуымпарӕн дӕр йӕ райгуырӕн бӕстӕйы кад нӕ вӕййы. 25  Бауырнӕд уӕ, Илийайы заман арвӕй ӕртӕ азы ӕмӕ ’рдӕг иу ӕртах дӕр куы не ’рхауд ӕмӕ ӕгас бӕстыл тынг ӕххормаг рӕстӕг куы скодта, уӕд Израилы бирӕ идӕдз устытӕ цард+. 26  Фӕлӕ Хуыцау Илийайы уыдонӕй иумӕ дӕр нӕ арвыста – арвыста йӕ, Сидоны бӕстӕйы, Сарептӕйы+ цы идӕдз ус цард, уымӕ. 27  Науӕд пехуымпар Елисейы рӕстӕджы Израилы бирӕ хъотырджынтӕ уыди, фӕлӕ дзы иу дӕр не сдзӕбӕх, сириаг лӕг Нееманы йеддӕмӕ»+. 28  Ӕмбырдгӕнӕны чи уыд, уыдон уыдӕттӕ куы фехъуыстой, уӕд мӕстӕй рафыхтысты+ 29  ӕмӕ фӕгӕппытӕ кодтой, горӕтӕй йӕ ӕддӕмӕ раскъӕфтой ӕмӕ йӕ, сӕ горӕт кӕуыл лӕууыд, уыцы хохы былыл балӕууын кодтой, цӕмӕй йӕ уырдыгӕй раппӕрстаиккой+. 30  Фӕлӕ уый се ’хсӕнты рацыд ӕмӕ уырдыгӕй ацыди+. 31  Стӕй ӕрцыд Галилейӕмӕ, горӕт Капернауммӕ+ ӕмӕ уым сабаты адӕмы ахуыр кодта. 32  Ӕмӕ сӕ куыд ахуыр кодта, ууыл дисӕй мардысты+, уымӕн ӕмӕ уый кодта барджын ныхас+. 33  Уыцы рӕстӕг ӕмбырдгӕнӕны уыд, дӕлимон+ уӕгъд кӕй нӕ уагъта, ахӕм лӕг, ӕмӕ ныхъхъӕр кодта: 34  «Цы дӕ хъӕуы махӕй+, назаретаг Йесо?+ Уый тыххӕй ӕрцыдтӕ, ӕмӕ нӕ фесафай? Ӕз ӕй зонын+, чи дӕ – ды дӕ Хуыцауӕй ӕрвыст*»+. 35  Фӕлӕ йын Йесо карзӕй загъта: «Ныхъхъус у ӕмӕ дзы рацу!» Ӕмӕ уӕд дӕлимон лӕджы адӕмы астӕу зӕххыл ныццавта ӕмӕ дзы рацыд, ницы зиан ын ракодта, афтӕмӕй+. 36  Адӕм уый куы федтой, уӕд сӕ дисӕн кӕрон нал уыд ӕмӕ кӕрӕдзийӕн дзырдтой: «Ай цы уа? Уыцы барджынӕй ӕмӕ фидарӕй дӕлимонтӕн фӕзӕгъы, ӕмӕ адӕймагӕй рацӕуынц!»+ 37  Ӕмӕ ӕгас бӕстӕйы Йесойы тыххӕй кӕм нӕ фехъуыстой, ахӕм бынат нал баззад+. 38  Ӕмбырдгӕнӕнӕй Йесо ацыд Симонтӕм. Симонӕн та йӕ усы мад уыди тыхст рынчын, йӕ тӕвд бӕрзонд уыд. Ӕмӕ йӕм бахатыдысты, баххуыс ын кӕн, зӕгъгӕ+. 39  Уый дӕр йӕ уӕлхъус ӕрлӕууыд+, йӕ низ ын фӕсырдта, ӕмӕ сылгоймагӕн йӕ тӕвд ӕрхауд. Ӕмӕ уайтагъд сыстад ӕмӕ сын лӕггад кӕнын райдыдта+. 40  Хур куы акъул, уӕд, алыхуызон низӕй рынчынтӕ кӕмӕдӕриддӕр уыд, уыдон ӕм сӕ ӕрбакодтой. Ӕмӕ дзы алкӕуыл дӕр йӕ къухтӕ ӕрӕвӕрдта ӕмӕ сӕ сдзӕбӕх кодта+. 41  Бирӕтӕй рацыд хӕйрӕджытӕ+ дӕр ӕмӕ хъӕр кодтой: «Ды Хуыцауы Фырт+ дӕ!» Фӕлӕ сын Йесо карзӕй уайдзӕф кодта ӕмӕ сӕ дзурын нӕ уагъта+, уымӕн ӕмӕ уыдон зыдтой+, Чырысти*+ кӕй у, уый. 42  Куы сбон, уӕд ӕддӕмӕ рахызт ӕмӕ хибар ранмӕ ацыд+. Фӕлӕ йӕ адӕм агурын байдыдтой ӕмӕ, кӕм уыд, уырдӕм куы бахӕццӕ сты, уӕд ын райдыдтой дзурын, ма ацу, зӕгъгӕ. 43  Уый та сын загъта: «Иннӕ горӕтты дӕр мӕ хъӕуы Хуыцауы паддзахады тыххӕй хорз хабар фехъусын кӕнын, уымӕн ӕмӕ уый тыххӕй ӕрвыст дӕн»+. 44  Гъемӕ ацыд ӕмӕ Иудейӕйы ӕмбырдгӕнӕнты хорз хабар хъусын кодта+.

Фиппаинӕгтӕ

Комк. «синагогӕты».
Грекъ. пне́вма. Кӕс Уӕлӕмх. 7.
Комк. «Хуыцауы Сыгъдӕг».
Кӕс Мф 2:4, фип.