Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

Лукайы 1:1—80

1  Бӕлвырд цы хабӕрттӕ зонӕм, уыдӕтты тыххӕй ныффыссынмӕ бирӕтӕ бавнӕлдтой+.  Дзургӕ та нын сӕ ракодтой, тӕккӕ райдианӕй+ сӕ йӕхи цӕстӕй чи федта+ ӕмӕ уыцы хабар+ адӕмӕн чи хъусын кӕны, уыдон.  Гъемӕ ӕз дӕр ӕппӕт дӕр кӕрӕй-кӕронмӕ сбӕлвырд кодтон ӕмӕ сфӕнд кодтон, цытджын+ Феофил+, хабӕрттӕ кӕрӕдзи фӕдыл куыд цыдысты, афтӕ+ дӕм сӕ ныффыссын,  цӕмӕй фидарӕй зонай, цы дын бацамыдтой, уыдон раст кӕй сты+.  Ирод*+ Иудейӕйы паддзах куы уыди, уӕд уым цард иу сауджын, йӕ ном Захари, Авийы+ къордӕй. Захарийӕн уыди ус, Елизаветӕ, зӕгъгӕ, Аароны+ хӕдзарвӕндагӕй.  Дыууӕйӕ дӕр Йегъовӕйы+ фӕдзӕхстытӕ+ ӕмӕ закъӕттӕ+ ӕнӕзӕрдӕхудтӕй+ кӕй ӕххӕст кодтой, уымӕ гӕсгӕ Хуыцауы цӕсты уыдысты рӕстгӕнджытӕ+.  Фӕлӕ сын цот нӕ уыд, уымӕн ӕмӕ Елизаветӕйӕн зӕнӕг нӕ цыд+. Сӕ дыууӕ дӕр уыдысты ацӕргӕ.  Иуахӕмы сауджын Захари лӕггад кодта Хуыцауы раз, уымӕн ӕмӕ ӕрцыд сӕ къорды рад+.  Ӕмӕ йӕм, сауджынтӕм цы фӕтк уыд, уымӕ гӕсгӕ ӕрхауд уыцы кад, цӕмӕй Йегъовӕйы кувӕндонмӕ+ буд судзынмӕ бацыдаид+. 10  Буд куы сыгъта, уыцы сахат адӕм та лӕууыдысты ӕддейӕ ӕмӕ Хуыцаумӕ куывтой+. 11  Кувӕндоны Захаримӕ фӕзынд Йегъовӕйы зӕд – лӕууыди, буд кӕуыл сыгътой, уыцы нывондхӕссӕны рахиз фарс+. 12  Захари йӕ куы ауыдта, уӕд хорзау нал фӕци, тас дзы бацыд+. 13  Фӕлӕ йын зӕд загъта: «Ма тӕрс, Захари, Хуыцау дын дӕ куывд фехъуыста+. Дӕ бинойнаг Елизаветӕ дын ныййардзӕн лӕппу, ӕмӕ-иу ӕй схон Иоанн+. 14  Уый дын уыдзӕн стыр цин ӕмӕ зӕрдӕрухсы хос+, ӕмӕ йын йӕ райгуырдыл бирӕтӕ цин кӕндзысты, 15  уымӕн ӕмӕ кадджын уыдзӕни Йегъовӕйы цӕсты+. Ӕрмӕст хъуамӕ ӕппындӕр ма нуаза нӕдӕр сӕн, нӕдӕр ӕндӕр нозт+. Ӕмӕ нырма йӕ мады гуыбыны уыдзӕни, афтӕ схайджын уыдзӕн Хуыцауы сыгъдӕг тыхӕй*+. 16  Ӕмӕ Израилы фырттӕй бирӕты сӕ Хуыцау Йегъовӕмӕ раздахдзӕн+. 17  Уый йӕ разӕй цӕудзӕн Илийайы+ зӕрдӕйы уаг* ӕмӕ хъаруимӕ, цӕмӕй фыдӕлты зӕрдӕтӕ+ сараза сывӕллӕтты ’рдӕм, ӕгоммӕгӕсты ӕргом аздаха рӕстгӕнджыты куырыхон зондмӕ, цӕмӕй Йегъовӕйы раз+ цӕттӕ адӕм ӕрлӕууын кӕна»+. 18  Ӕмӕ йӕ уӕд Захари бафарста: «Афтӕ кӕй уыдзӕн, уый мӕ куыд хъуамӕ бауырна? Ӕз мӕхӕдӕг зӕронд дӕн+, уӕдӕ мӕ бинойнаг дӕр ӕрыгон нал у». 19  Зӕд ын дзуапп радта: «Ӕз дӕн Гавриил+, лӕууын Хуыцауы раз. Ӕмӕ мӕ уый дӕумӕ рарвыста, цӕмӕй дын ацы хорз хабар фехъусын кӕнон+. 20  Фӕлӕ цалынмӕ ацы хъуыддаг не ’рцӕуа, уӕдмӕ уыдзынӕ ӕгомыг+, дӕ бон дзурын нӕ уыдзӕн, уымӕн ӕмӕ мын мӕ ныхӕстыл нӕ баууӕндыдтӕ,– мӕ ныхӕстӕ та сӕ афоныл ӕрцӕудзысты». 21  Адӕм та уыцы рӕстӕг ӕнхъӕлмӕ кастысты Захаримӕ+ ӕмӕ дис кодтой, зӕгъгӕ, кувӕндонӕй куыд ӕрӕгмӕ цӕуы. 22  Фӕлӕ куы рацыд, уӕд йӕ бон дзурын не сси, ӕмӕ адӕм бамбӕрстой, кувӕндоны цыдӕр диссаг кӕй федта+. Ӕмӕ йӕ цы зӕгъын фӕндыд, уый сын ӕмбарын кодта къухӕй, дзургӕ та нӕ кодта. 23  Захарийӕн кувӕндоны йӕ лӕггады бонтӕ куы фесты+, уӕд сӕхимӕ ацыд. 24  Уый фӕстӕ йӕ ус Елизаветӕ басывӕрджын+, ӕмӕ фондз мӕйы хӕдзарӕй ӕддӕмӕ нӕ рахызт. Елизаветӕ дзырдта: 25  «Ацы хъуыддаг мын Йегъовӕ сарӕзта ацы бонты, ӕркасти мӕм, цӕмӕй адӕмы ’хсӕн фидиссаг мауал уон»+. 26  Елизаветӕ ӕхсӕзӕм мӕй сывӕрджын куы уыд, уӕд Хуыцау йӕ зӕд Гавриилы+ арвыста Галилейӕмӕ, горӕт Назаретмӕ, 27  ӕрыгон сылгоймаг*+ Марийӕмӕ+. Марийӕ фидыд уыди Давиды байзӕддаг Иосифимӕ. 28  Ӕмӕ зӕд йӕ разы куы ’рлӕууыд, уӕд ын загъта: «Дӕ бон хорз+, Хуыцауӕн уарзон адӕймаг. Йегъовӕ+ демӕ ис»+. 29  Марийӕ уыцы ныхӕстӕ фехъусгӕйӕ тынг стыхст ӕмӕ хъуыды кӕнын райдыдта, цымӕ мын афтӕ цӕмӕн загъта, зӕгъгӕ. 30  Уӕд ын зӕд загъта: «Ма тӕрс, Марийӕ, уымӕн ӕмӕ ды ссардтай Хуыцауы хорзӕх+. 31  Ды басывӕрджын уыдзынӕ ӕмӕ дын райгуырдзӕн лӕппу+, ӕмӕ-иу ӕй схон Йесо+. 32  Уый уыдзӕн номдзыд+ адӕймаг ӕмӕ йӕ хондзысты Иунӕг Стыр Хуыцауы Фырт+. Уымӕн Йегъовӕ Хуыцау ратдзӕн йӕ фыд Давиды+ паддзахбадӕн+. 33  Ӕмӕ Иаковы хӕдзарвӕндагӕн ӕнустӕм уыдзӕн паддзах, ӕмӕ йӕ паддзахадӕн кӕрон никуы ’рцӕудзӕн»+. 34  Фӕлӕ Марийӕ зӕды бафарста: «Ӕз нӕлгоймагимӕ ӕмуат куы никуы ’рцыдтӕн+, уӕд уый куыд уыдзӕн?» 35  Ӕмӕ йын зӕд загъта: «Иунӕг Стыр Хуыцау дыл йӕ сыгъдӕг тых+ ӕруадздзӕн ӕмӕ дӕ йӕ хъаруйы фӕрцы йӕ дӕлбазыр бакӕндзӕн. Гъе уый тыххӕй, цы лӕппу дын райгуыра, уый хондзысты Хуыцауӕй ӕрвыст*+, Хуыцауы Фырт+. 36  Уӕртӕ дӕ хӕстӕг Елизаветӕ дӕр, зӕронд уӕвгӕйӕ, басывӕрджын, ӕмӕ, адӕм ӕнӕзӕнӕг кӕй хуыдтой, уый ныр ӕхсӕзӕм мӕй йӕ гуыбыны хӕссы лӕппу+. 37  Хуыцау цы зӕгъа, уый ӕнӕсӕххӕстӕй нӕ баззайдзӕн»+. 38  Уӕд Марийӕ загъта: «Ӕз дӕн Йегъовӕйы цагъар+. Мӕн тыххӕй куыддӕриддӕр загътай, афтӕ уӕд». Ӕмӕ уӕд зӕд ацыд. 39  Марийӕ йӕхи арӕвдз кодта ӕмӕ атындзыдта хӕхбӕстӕм, Иудӕйы горӕттӕй иумӕ. 40  Ӕмӕ бацыд Захаритӕм ӕмӕ Елизаветӕйӕн салам радта. 41  Елизаветӕ Марийӕйы ныхӕстӕ куыддӕр фехъуыста, афтӕ сывӕллон йӕ гуыбыны стӕлфыд. Уӕд Елизаветӕ Хуыцауы сыгъдӕг тыхӕй схайджын 42  ӕмӕ хъӕрӕй загъта: «Арфӕгонд дӕ сылгоймӕгты ’хсӕн! Арфӕгонд+ у, дӕ гуыбыны чи ис, уыцы сывӕллон! 43  Ахӕм кад мӕм цӕй тыххӕй ӕрхауд, ӕмӕ мӕм мӕ Хицауы+ мад ӕрбацӕуа? 44  Куыддӕр мын салам радтай, афтӕ сывӕллон мӕ гуыбыны фырцинӕй стӕлфыд+. 45  Амондджын у, чи баууӕндыд, уыцы сылгоймаг, уымӕн ӕмӕ Йегъовӕ сӕххӕст кӕндзӕн+, цыдӕриддӕр ын загъта, уый»+. 46  Ӕмӕ Марийӕ загъта: «Мӕ уд бӕрзонд кӕны Йегъовӕйы+, 47  ӕмӕ куыннӕ цин кӕна мӕ зӕрдӕ+ мӕ Хуыцауыл, мӕ Ирвӕзынгӕнӕгыл!+ 48  Ӕз ницы дӕн, фӕлӕ уый ӕркаст йӕ цагъармӕ+. Ӕмӕ мӕ нырӕй фӕстӕмӕ фӕлтӕрӕй-фӕлтӕрмӕ адӕм хондзысты амондджын+, 49  уымӕн ӕмӕ мын Ӕппӕтхъомысджын сарӕзта ахӕм стыр хорздзинӕдтӕ. Сыгъдӕг у йӕ ном!+ 50  Чи дзы тӕрсы, уыдон фӕлтӕрӕй-фӕлтӕрмӕ хайджын сты йӕ хорзӕхӕй+. 51  Йӕ цонджы хъаруйӕ сарӕзта стыр хъуыддӕгтӕ+. Хъалзӕрдӕ чи у, уыдоны алырдӕмты ныппырх кодта+. 52  Барджынты сӕ бынӕттӕй раппӕрста+ ӕмӕ мӕгуырты сбӕрзонд кодта+. 53  Ӕххормӕгты хорздзинӕдтӕй бафсӕста+, хъӕздгуыты та ӕнӕ ницӕмӕй арвыста+. 54  Ӕрцыд ӕххуысмӕ йӕ лӕггадгӕнӕгмӕ+, Израилмӕ, цӕмӕй йын равдиса, кӕй дзы нӕ ферох йӕ зӕрдӕвӕрд, зӕгъгӕ, мӕ хорзӕхӕй ӕнустӕм хайджын уыдзысты+ 55  Авраам ӕмӕ йӕ байзӕддаг – нӕ фыдӕлтӕн куыд загъта, афтӕ»+. 56  Марийӕ Елизаветӕимӕ фӕци ӕртӕ мӕйы бӕрц, стӕй уӕд сӕхимӕ рацыд. 57  Уӕдмӕ Елизаветӕйӕн йӕ арыны афон ӕрхӕццӕ ӕмӕ йын райгуырд лӕппу. 58  Йӕ сыхӕгтӕ ӕмӕ йӕ хиуӕттӕ фехъуыстой, Йегъовӕ йӕм афтӕ фӕлмӕнзӕрдӕ+ кӕй разынд, ӕмӕ йемӕ цин кодтой+. 59  Ӕстӕм бон та сӕм ӕрбацыдысты сывӕллонӕн сунӕт кӕнынмӕ+, ӕмӕ сӕ фӕндыд ноггуырдыл йӕ фыды ном сӕвӕрын, ома Захари. 60  Фӕлӕ сын мад загъта: «Нӕ, нӕ! Йӕ ном Иоанн уыдзӕн». 61  Уыдон та йын афтӕ бакодтой: «Уӕ хиуӕттӕй ахӕм ном куы никӕмӕн ис». 62  Уӕд фыдӕн, къухтӕй амонгӕйӕ, бамбарын кодтой, зӕгъгӕ, дӕу та куыд фӕнды, куыд ӕй схонӕм. 63  Уый сын ӕрбахӕссын кодта фӕйнӕджы гӕбаз ӕмӕ йыл ныффыста: «Йӕ ном у Иоанн»+. Уӕд се ’ппӕт дӕр дисы бафтыдысты. 64  Тӕккӕ уыцы сахат Захарийӕн йе ’взаг райхӕлд+, ӕмӕ сдзырдта ӕмӕ райдыдта Хуыцауӕн арфӕ кӕнын. 65  Сӕ сыхӕгты та се ’ппӕты дӕр тас бацыд. Ӕмӕ хӕхбӕсты, ӕгас Иудейӕйы, ӕндӕр дзырд нал кодтой. 66  Хабар чидӕриддӕр фехъуыста, уыдон ӕй сӕ зӕрдыл бадардтой+ ӕмӕ дзырдтой: «Цымӕ ацы сывӕллон чи уыдзӕн?» Бӕрӕг уыди, Йегъовӕ йемӕ кӕй ис+. 67  Йӕ фыд Захари схайджын Хуыцауы сыгъдӕг тыхӕй+ ӕмӕ пехуымпариуӕг кӕнын+ райдыдта: 68  «Табу Израилы Хуыцау+ Йегъовӕйӕн! Уый ӕркаст йӕ адӕммӕ+ ӕмӕ сӕ фервӕзын кодта+. 69  Йӕ лӕггадгӕнӕг Давиды хӕдзарвӕндагӕй нын радта домбай ирвӕзынгӕнӕджы*+ – 70  рагзаманты+ йӕ сыгъдӕг пехуымпарты дзыхӕй куыд загъта, афтӕ, 71  зӕгъгӕ нӕ фервӕзын кӕндзӕн не знӕгтӕй ӕмӕ нӕ йе сӕфт чи уыны, уыдонӕй се ’ппӕтӕй дӕр+, 72  цӕмӕй нын нӕ фыдӕлты хатырӕй йӕ хорзӕхӕй бахай кӕна ӕмӕ равдиса, кӕй йӕ нӕ рох кӕны, цы табуйаг бадзырд скодта, уый+, 73  нӕ рагфыдӕл Авраамӕн цӕмӕй расомы кодта, уый+, 74  ӕмӕ нӕ не знӕгты къухӕй куы байса+, уӕд нӕ цӕмӕй уый аккаг скӕна, ӕмӕ йын ӕдӕрсгӕ лӕггад кӕнӕм+, 75  цӕрӕнбонтӕм йӕ разы иузӕрдионӕй ӕмӕ рӕстӕй цӕрӕм+. 76  Дӕу та, мӕ хъӕбул, хондзысты Иунӕг Стыр Хуыцауы пехуымпар, уымӕн ӕмӕ Йегъовӕйы разӕй ацӕудзынӕ, цӕмӕй йын фӕндаг ӕрцӕттӕ кӕнай+, 77  йӕ адӕмӕн ын фехъусын кӕнай, сӕ тӕригъӕдтӕ хатыргонд кӕй ӕрцӕудзысты, ӕмӕ афтӕмӕй сӕ бон кӕй уыдзӕн фервӕзын+, 78  уымӕн ӕмӕ нӕ Хуыцау тынг тӕригъӕдгӕнаг у. Ӕмӕ нӕм уый фӕрцы уӕларвӕй+ рухс ӕркӕсдзӕн+ – уый уыдзӕн, хур куы скӕсы, уӕд бӕстӕ куыд ныррухс вӕййы, афтӕ, 79  цӕмӕй, талынджы чи ис ӕмӕ ингӕнау саудалынджы+ чи цӕры, уыдон феной рухс, цӕмӕй нӕ фарны фӕндагыл сараза ӕмӕ нӕ уыцы фӕндагыл кӕна». 80  Сывӕллон рӕзыд+ ӕмӕ фидарӕй-фидардӕр кодта ӕмӕ, цалынмӕ Израилы адӕммӕ йӕхи ӕргом нӕ равдыста, уӕдмӕ царди ӕдзӕрӕг быдыры.

Фиппаинӕгтӕ

Кӕс Мф 2:1, фип.
Кӕнӕ «сыгъдӕг удӕй»; «уд» – грекъ. пне́вма. Кӕс Уӕлӕмх. 7.
«Зӕрдӕйы уаг» – грекъ. пне́вма. Кӕс Уӕлӕмх. 7.
Ам цы грекъ. дзырд ис, уый амоны, нӕлгоймагимӕ ӕмуат чи никуы ’рцыд, ахӕм сылгоймагмӕ.
Комк. «хондзысты сыгъдӕг».
Комк. «ирвӕзындзинады сыкъа».