Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

Йереми 42:1—22

42  Уӕд ӕфсады хистӕртӕ се ’ппӕт дӕр, Карейы фырт Иоханан+, Гошайы+ фырт Йезани+ ӕмӕ адӕм иууылдӕр – хуымӕтӕг адӕймагӕй райдай ӕмӕ кадджын адӕймагӕй фӕу, бацыдысты  пехуымпар Йеремимӕ ӕмӕ йын загътой: «Дӕ хорзӕхӕй, цы дӕ курӕм, уый нын сараз. Дӕ Хуыцау Йегъовӕмӕ скув мах тыххӕй+, адӕмӕй ма чи баззад, уыдоны тыххӕй. Раздӕр уыдыстӕм бирӕ, фӕлӕ ныр армыдзаг йеддӕмӕ нал стӕм+, дӕхӕдӕг ӕй куыд уыныс, афтӕ.  Ӕмӕ нын дӕ Хуыцау Йегъовӕ зӕгъӕд, цы фӕндагыл цӕугӕ нын у ӕмӕ нын цы аразгӕ у, уый»+.  Ӕмӕ сын пехуымпар Йереми загъта: «Хорз, уӕ ныхасмӕ гӕсгӕ уӕ Хуыцау Йегъовӕмӕ скувдзынӕн+. Ӕмӕ мын Йегъовӕ цыдӕриддӕр зӕгъа, уый уын фехъусын кӕндзынӕн+. Иу ныхас дӕр уӕ нӕ басусӕг кӕндзынӕн»+.  Уӕд уыдон Йеремийӕн загътой: «Йегъовӕ нӕ ныхмӕ ӕцӕг ӕмӕ ӕууӕнкджын ӕвдисӕнӕй ӕрлӕууӕд+, дӕ Хуыцау Йегъовӕ дын махӕн цы ныхӕстӕ рарвита, уыдон иууылдӕр куы нӕ сӕххӕст кӕнӕм, уӕд+.  Нӕ зӕрдӕмӕ фӕцӕуой ӕви нӕ – байхъусдзыстӕм нӕ Хуыцау Йегъовӕмӕ, кӕмӕ дӕ ӕрвитӕм, уымӕ, цӕмӕй ӕнӕфыдбылыз уӕм, нӕ Хуыцау Йегъовӕмӕ кӕй хъусдзыстӕм, уый фӕрцы»+.  Дӕс боны фӕстӕ Йеремимӕ Йегъовӕйӕ уыди ныхас+.  Ӕмӕ Йереми фӕдзырдта Карейы фырт Иохананмӕ, стӕй, Иохананимӕ чи уыд, уыцы ӕфсады хистӕртӕм ӕмӕ адӕммӕ се ’ппӕтмӕ дӕр – хуымӕтӕг адӕймагӕй райдай ӕмӕ кадджын адӕймагӕй фӕу+,  ӕмӕ сын загъта: «Афтӕ зӕгъы Израилы Хуыцау Йегъовӕ, сымах мӕ кӕмӕ арвыстат, нӕ номӕй йын балӕгъстӕ кӕн+, зӕгъгӕ, уый: 10  „Ацы зӕххыл цӕргӕйӕ куы баззайат+, уӕд уӕ ӕрфидар кӕндзынӕн ӕмӕ уӕ нӕ ныппырх кӕндзынӕн, бындур уын ӕрӕвӕрдзынӕн* ӕмӕ уӕ бындзарӕй не стондзынӕн+, уымӕн ӕмӕ фӕфӕсмон кӕндзынӕн, ацы бӕллӕх уыл кӕй ӕруагътон, ууыл+. 11  Ма тӕрсут Вавилоны паддзахӕй, тас уӕ чи уадзы, уымӕй“+. „Ма дзы тӕрсут+,– зӕгъы Йегъовӕ,– уымӕн ӕмӕ ӕз уемӕ дӕн, цӕмӕй уӕ хъахъхъӕнон ӕмӕ уӕ йӕ къухӕй ирвӕзын кӕнон+. 12  Ӕз уӕ мӕ фӕлмӕнзӕрдӕдзинадӕй барӕвдаудзынӕн, ӕмӕ уымӕн йӕ зӕрдӕ ӕрфӕлмӕн уыдзӕн ӕмӕ уӕ фӕстӕмӕ уӕ зӕхмӕ ӕркӕндзӕн+. 13  Фӕлӕ афтӕ куы зӕгъат, нӕ, мах ацы зӕххыл цӕргӕйӕ нӕ баззайдзыстӕм, зӕгъгӕ, ӕмӕ уӕ Хуыцау Йегъовӕмӕ куы нӕ байхъусат+ 14  ӕмӕ куы зӕгъат: „Нӕ, мах цӕуӕм Египеты зӕхмӕ+, хӕст кӕм нӕ фендзыстӕм, сыкъайы уаст кӕм нӕ фехъусдзыстӕм ӕмӕ къӕбӕрцух кӕм нӕ уыдзыстӕм, уырдӕм, ӕмӕ уым цӕрдзыстӕм“+, 15  уӕд байхъусут, Иудӕйӕ ма чи баззад, уыцы адӕм! Байхъусут, Йегъовӕ уын цы зӕгъы, уымӕ. Афтӕ зӕгъы ӕфсӕдты хицау Йегъовӕ, Израилы Хуыцау: „Кӕд Египетмӕ цӕуынвӕнд скодтат ӕмӕ кӕд уырдӕм ацӕуат ӕмӕ дзы ӕрцӕуӕггӕгтӕй цӕрат+, 16  уӕд уӕ Египеты зӕххыл баййафдзӕн, ӕмризӕджы кӕмӕй ризут, уыцы хъама+. Ӕмӕ, кӕмӕй тӕрсут, уыцы ӕххормагдзинад уӕ фӕдыл цӕудзӕн суанг Египеты онг+. Ӕмӕ уым амӕлдзыстут+. 17  Египетмӕ цӕуынвӕнд чи скодта, цӕмӕй уым ӕрцӕуӕггагӕй цӕра, уыдон иууылдӕр хъама, ӕххормагдзинад ӕмӕ фыднизы амӕттаг бауыдзысты+. Ӕз сыл цы бӕллӕх ӕруадздзынӕн, уымӕй сӕ ничи аирвӕздзӕн ӕмӕ сӕ ничи алидздзӕн“+. 18  Афтӕ зӕгъы ӕфсӕдты хицау Йегъовӕ, Израилы Хуыцау: „Мӕ маст ӕмӕ мӕ фыдӕх Иерусалимы цӕрджытыл куыд ныккалдтон+, афтӕ мӕ фыдӕх ныккалдзынӕн сымахыл дӕр, Египетмӕ куы ацӕуат, уӕд. Ӕмӕ ӕлгъыстаг ӕмӕ диссагӕн дзуринаг фӕуыдзыстут, фегад уыдзыстут, фӕхудинаг уыдзыстут+, ӕмӕ ацы бынат никуыуал фендзыстут“+. 19  Иудӕйӕ ма чи баззад, уыцы адӕм! Йегъовӕ уын дзырдта, зӕгъгӕ, Египетмӕ ма ацӕут+. Уӕдӕ йӕ зонут, абон ӕз уӕ ныхмӕ ӕвдисӕн кӕй ныллӕууыдтӕн+ 20  ӕмӕ сымах уӕхӕдӕг уӕхи раз тӕригъӕд кӕй ракодтат+, уымӕн ӕмӕ мӕ уӕхӕдӕг арвыстат уӕ Хуыцау Йегъовӕмӕ ӕмӕ загътат: „Мах тыххӕй нӕ Хуыцау Йегъовӕмӕ скув, ӕмӕ нӕ Хуыцау Йегъовӕ цыдӕриддӕр зӕгъа, уый нын-иу радзур, ӕмӕ куыд зӕгъа, афтӕ бакӕндзыстӕм“+. 21  Абон уын ӕз дзурын, Хуыцау мын цы загъта, уыдӕттӕ, фӕлӕ сымах уӕддӕр нӕ байхъусдзыстут уӕ Хуыцау Йегъовӕмӕ, ӕмӕ мын цы ныхӕстӕ рарвыста, уыдонӕй иу дӕр нӕ сӕххӕст кӕндзыстут+. 22  Ӕмӕ йӕ ныр зонут: ӕрцӕуӕггӕгтӕй цӕрынмӕ уӕ цы бӕстӕмӕ ацӕуын фӕнды+, уыцы бӕстӕйы амӕлдзыстут хъамайӕ+, ӕххормагдзинадӕй ӕмӕ фыднизӕй».

Фиппаинӕгтӕ

Комк. «ныссадздзынӕн уӕ».