Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

Йереми 31:1—40

31  «Уыцы рӕстӕг,– зӕгъы Йегъовӕ,– ӕз ӕппӕт Израилы хӕдзарвӕндӕгтӕн дӕр суыдзынӕн сӕ Хуыцау, уыдон та суыдзысты мӕ адӕм»+.  Афтӕ зӕгъы Йегъовӕ: «Хъамайӕ чи аирвӕзт, уыцы адӕм ӕдзӕрӕг быдыры Хуыцауы хорзӕх ссардтой+, Израил, ӕнцойдзинад кӕм ссардтаид, уыцы бынатмӕ куы цыд, уӕд»+.  Йегъовӕ мӕм дардӕй фӕзынд ӕмӕ мын загъта: «Ӕнусон уарзтӕй дӕ бауарзтон+. Гъе уый тыххӕй дӕ ӕлвасын мӕхимӕ ӕнувыд уарзтӕй+.  Ӕрцӕудзӕн та ахӕм рӕстӕг, ӕмӕ дӕ ӕз дӕ къахыл слӕууын кӕндзынӕн+, Израилы чызг, ӕмӕ ды дӕ къахыл слӕудзынӕ. Ӕрцӕудзӕн та ахӕм рӕстӕг, ӕмӕ райсдзынӕ далатӕ ӕмӕ, хъӕлдзӕг чи у, уыдонимӕ кафдзынӕ+.  Ӕрцӕудзӕн та ахӕм рӕстӕг, ӕмӕ Самарийы хӕхты садздзынӕ сӕнӕфсирдӕттӕ+. Сӕнӕфсиры куыстгӕнджытӕ сӕ садздзысты ӕмӕ сын сӕ дыргъ хӕрдзысты+.  Ӕрхӕццӕ кӕны уыцы бон, ӕмӕ, Ефремы хӕхбӕсты чи ис, уыцы хъахъхъӕнджытӕ хъӕр кӕндзысты: „Сыстут ӕмӕ ссӕуӕм Сионмӕ, нӕ Хуыцау Йегъовӕмӕ“»+.  Афтӕ зӕгъы Йегъовӕ: «Хъӕлдзӕгӕй хъӕр кӕнут Иаковмӕ, цъӕхснаг хъӕлӕсӕй хъӕр кӕнут, уымӕн ӕмӕ сымах лӕуут адӕмты сӕргъы+. Хъусын кӕнут уый тыххӕй+. Кадджын кӕнут Хуыцауы ӕмӕ дзурут: „О Йегъовӕ, фервӕзын кӕн дӕ адӕмы, Израилӕй ма чи базззад, уыдоны“+.  Ӕз сӕ ӕркӕндзынӕн цӕгатаг зӕххӕй+, ӕрӕмбырд сӕ кӕндзынӕн зӕххы кӕрӕттӕй+. Се ’хсӕн уыдзӕн куырм ӕмӕ къуылых адӕймаг, сывӕрджын ӕмӕ арӕг сылгоймаг – се ’ппӕт дӕр иумӕ+. Тынг бирӕйӕ ӕрыздӕхдзысты ардӕм+.  Ӕрцӕудзысты кӕугӕйӕ+, ӕмӕ сӕ куы кӕнон, уӕд мын лӕгъстӕ кӕндзысты, цӕмӕй сын ныххатыр кӕнон. Ӕз сӕ кӕндзынӕн, дон кӕм кӕлы, уыцы дӕлвӕзтӕм+, кӕуыл нӕ фӕкӕлдзысты, ахӕм раст фӕндагыл, уымӕн ӕмӕ ӕз Израилӕн сдӕн йӕ Фыд+, Ефрем та у мӕ фыццаг хъӕбул»+. 10  Байхъусут Йегъовӕйы ныхасмӕ, адӕмтӕ, ӕмӕ йын йӕ ныхас дард сакъадӕхтыл хъусын кӕнут+ ӕмӕ дзурут: «Израилы адӕмы алырдӕмты чи ныххӕлиу кодта, уый сӕ фӕстӕмӕ йӕхӕдӕг ӕрӕмбырд кӕндзӕн+ ӕмӕ сӕ хъахъхъӕндзӕн, фыййау йӕ дзуг куыд фӕхъахъхъӕны, афтӕ+. 11  Йегъовӕ Иаковы фервӕзын кӕндзӕн+. Иаковӕй тыхджындӕр чи у, уый къухӕй йӕ ӕрдомдзӕн+. 12  Уыдон ӕрцӕудзысты ӕмӕ Сионы хохыл фырцинӕй хъӕр кӕндзысты+. Ӕмӕ Йегъовӕйы хорздзинад уынгӕйӕ+, хор, ног сӕн+, сой, уӕрыччытӕ ӕмӕ родты уынгӕйӕ сӕ цӕсгӕмттӕ ныррухс уыдзысты+. Сӕ зӕрдӕ суыдзӕн донӕфсӕст дыргъдоны хуызӕн+, ӕмӕ никуыуал ӕрлӕмӕгъ уыдзысты»+. 13  «Уыцы рӕстӕг чызджытӕ фырцинӕй кафдзысты, кафдзысты лӕппутӕ дӕр ӕмӕ зӕронд лӕгтӕ дӕр – иууылдӕр иумӕ+. Ӕз сын сӕ хъыг стыр цинмӕ раивдзынӕн, сӕ зӕрдӕтӕ сын ӕрсабыр кӕндзынӕн, бахай сын кӕндзынӕн циндзинад ӕмӕ сын сӕ маст ферох кӕнын кӕндзынӕн+. 14  Сауджынты бафсаддзынӕн алыхуызон дзаджджын хӕринӕгтӕй+, ӕмӕ мӕ адӕм мӕ хорздзинӕдтӕй ӕфсӕст уыдзысты»+,– зӕгъы Йегъовӕ. 15  «Афтӕ зӕгъы Йегъовӕ: „Рамӕйы+ хъуысы ӕрдиаг, хъарӕг ӕмӕ зӕрдӕхалӕн кӕуын+. Рахил+ кӕуы йӕ фырттыл+, ӕмӕ йын басабыргӕнӕн нал ис+, уымӕн ӕмӕ йӕ хъӕбултӕ нал сты“»+. 16  Афтӕ зӕгъы Йегъовӕ: «„Мауал ку ӕмӕ дӕ цӕссыг мауал кал+, уымӕн ӕмӕ дӕм дӕ фыдӕбоны тыххӕй ӕнхъӕлмӕ кӕсы хорзӕх,– зӕгъы Йегъовӕ.– Уыдон ӕрыздӕхдзысты знаджы зӕххӕй“+. 17  „Дӕуӕн фидӕнӕй ис ныфс+,– зӕгъы Йегъовӕ.– Фырттӕ сӕ зӕххытӕм ӕрыздӕхдзысты“»+. 18  «Ӕз фехъуыстон, Ефрем йӕхиуыл куыд куыдта+: „Ӕз уыдтӕн, ахуыр чи нӕма уыд, ахӕм роды хуызӕн+. Ӕмӕ мын ды зонд амыдтай, цӕмӕй сраст уыдаин+. Фӕстӕмӕ мӕ дӕхимӕ раздах, ӕмӕ дӕм уайтагъд раздӕхдзынӕн+, уымӕн ӕмӕ ды дӕ Йегъовӕ, мӕ Хуыцау+. 19  Куы раздӕхтӕн, уӕд фӕфӕсмон кодтон+. Хъуыддаг куы бамбӕрстон, уӕд мӕ син ӕрцавтон+. Мӕ зӕрдӕ мӕхиуыл ӕрхудт ӕмӕ мӕхимӕ ӕгад ӕркастӕн+, уымӕн ӕмӕ хастон ме ’рыгон бонты худинаг“»+. 20  «Ау, Ефрем мӕ зынаргъ фырт, мӕ буцхаст хъӕбул нӕу?+ Йӕ ныхмӕ цас дзурын, уыйбӕрц ыл хъуыды кӕндзынӕн хорзырдӕм дӕр+. Ӕмӕ уый тыххӕй йӕ тӕригъӕдмӕ кӕсгӕйӕ мӕ зӕрдӕ скъуыдтӕ кӕны+. Ӕз ын ӕнӕмӕнг фӕтӕригъӕд кӕндзынӕн»+,– зӕгъы Йегъовӕ. 21  «Дӕхицӕн скӕн фӕндагамонӕнтӕ ӕмӕ сӕвӕр амонӕн цӕджындзтӕ+. Дӕ зӕрдӕ сараз, цы фӕндагыл хъуамӕ ацӕуай, уыцы фӕндагмӕ+. Раздӕх, Израилы чызг, раздӕх дӕ горӕттӕм+. 22  Цас ма рахау-бахау кӕндзынӕ+, мӕнгард чызг?+ Йегъовӕ зӕххыл скодта ног цыдӕр: сылгоймаг йӕхи ӕлвасдзӕн нӕлгоймагмӕ». 23  Афтӕ зӕгъы ӕфсӕдты хицау Йегъовӕ, Израилы Хуыцау: «Мӕнӕ ахӕм ныхас зӕгъдзысты Иудӕйы зӕххыл ӕмӕ йӕ горӕтты, уацары сӕ чи ис, уыдоны куы ӕрӕмбырд кӕнон, уӕд: „Йегъовӕ дын раарфӕ кӕнӕд+, о рӕстдзинады цӕрӕнбынат+, о сыгъдӕг хох!“+ 24  Горӕтты цӕрджытӕ, зӕхкусджытӕ ӕмӕ фыййӕуттӕ фӕрнӕй цӕрдзысты Иудӕйы зӕххыл ӕмӕ сӕ куыстытӕ ӕнӕмӕтӕй кӕндзысты+. 25  Ӕз фӕллад адӕймаджы фӕфидар кӕндзынӕн ӕмӕ, чи ӕрлӕмӕгъ, уыцы адӕймаджы хъару бауадздзынӕн»+. 26  Уӕд ӕз райхъал дӕн ӕмӕ мӕ цӕстытӕ байгом кодтон. Ӕмӕ, фыны цы федтон, уый мын уыд ӕхсызгон. 27  «Ӕрхӕццӕ кӕны уыцы рӕстӕг,– зӕгъы Йегъовӕ,– ӕмӕ ӕз Израилы адӕмы ӕмӕ Иудӕйы адӕмы сбирӕ кӕндзынӕн. Ӕз сын сбирӕ кӕндзынӕн сӕ фос дӕр»+. 28  «Бындзарӕй сӕ куыд стыдтаин, куыд сӕ ныддӕрӕн кодтаин, куыд сӕ ныппырх кодтаин, куыд сӕ фесӕфтаин ӕмӕ сын зиан куыд ӕрхастаин+, уымӕ цӕттӕйӕ куыд лӕууыдтӕн+, афтӕ цӕттӕйӕ лӕудзынӕн, цӕмӕй сӕ ӕрфидар кӕнон ӕмӕ сын бындур ӕрӕвӕрон*+,– зӕгъы Йегъовӕ.– 29  Уыцы бонты афтӕ ничиуал дзурдзӕн, зӕгъгӕ, фыдӕлтӕ хордтой цъӕх сӕнӕфсир, цъӕх та систы фыртты дӕндӕгтӕ+. 30  Алчидӕр мӕлдзӕн йӕхи фыдракӕнды тыххӕй+. Цъӕх сӕнӕфсир чи хӕра, йӕ дӕндӕгтӕ дӕр уымӕн сцъӕх уыдзысты». 31  «Ӕрхӕццӕ кӕнынц уыцы бонтӕ,– зӕгъы Йегъовӕ,– ӕмӕ ӕз Израилы адӕмимӕ+ ӕмӕ Иудӕйы адӕмимӕ+ скӕндзынӕн ног бадзырд+. 32  Сӕ фыдӕлты къухыл сын куы ныххӕцыдтӕн ӕмӕ сӕ Египеты зӕххӕй куы ракодтон, уӕд семӕ цавӕр бадзырд скодтон, ахӕм бадзырд нӕ+. „Уыдон уыцы бадзырд фехӕлдтой+, кӕд сӕ сӕрыхицау+ уыдтӕн, уӕддӕр“,– зӕгъы Йегъовӕ». 33  «Израилы адӕмимӕ уыцы бонты фӕстӕ+ скӕндзынӕн ахӕм бадзырд+, ӕмӕ сын мӕ закъон бавӕрдзынӕн сӕ мидӕг+, сӕ зӕрдӕты сын ӕй ныффысдзынӕн+,– зӕгъы Йегъовӕ.– Ӕз суыдзынӕн сӕ Хуыцау, уыдон та суыдзысты мӕ адӕм»+. 34  «Ӕмӕ уӕд иу иннӕмӕн ӕмӕ ӕфсымӕр ӕфсымӕрӕн нал амондзӕн+ ӕмӕ йын нал дзурдзӕн: „Йегъовӕйы базон!“+, уымӕн ӕмӕ мӕ стырӕй-чысылӕй иууылдӕр зондзысты+,– зӕгъы Йегъовӕ.– Ӕз сын сӕ фыдхъуыддӕгтӕ ныххатыр кӕндзынӕн ӕмӕ сын сӕ тӕригъӕдтӕ нал ӕрхъуыды кӕндзынӕн»+. 35  Афтӕ зӕгъы Йегъовӕ, хур чи радта, цӕмӕй боныгон рухс кӕна+, мӕй+ ӕмӕ стъалытӕн закъӕттӕ+ чи сӕвӕрдта, цӕмӕй ӕхсӕвыгон рухс уа+, денджыз афтӕ чи сызмӕнты, ӕмӕ йӕ уылӕнтӕ сызнӕт вӕййынц+, йӕ ном ӕфсӕдты хицау Йегъовӕ кӕмӕн у, уый+: 36  «„Ацы закъӕттӕн мӕ разы тых куы нал уа+,– зӕгъы Йегъовӕ,– уӕд Израилы байзӕддӕгтӕ дӕр нал уыдзысты, ӕдзух мӕ разы чи ис, уыцы адӕм“»+. 37  Афтӕ зӕгъы Йегъовӕ: «„Кӕд арвӕн сбарӕн ис ӕмӕ кӕд зӕххы бындуртӕн раиртасӕн ис+, уӕд мӕнӕн дӕр мӕ бон у ныууадзын Израилы байзӕддӕгты се ’ппӕты дӕр, цытӕ фӕкодтой, уый тыххӕй“+,– зӕгъы Йегъовӕ». 38  «Ӕрцӕуы уыцы рӕстӕг,– зӕгъы Йегъовӕ,– ӕмӕ Йегъовӕйӕн арӕзт ӕрцӕудзӕн горӕт+, Хананелы+ мӕсыгӕй Фисыны кулдуары+ онг. 39  Барӕн бӕндӕн+ нырма айваздзысты растдӕр Гаребы къуыбыры онг, ӕмӕ стӕй фӕзилдзӕн Гоафы ’рдӕм. 40  Мӕрдтӕ+ ӕмӕ сойӕдзаг фӕнык+ кӕдӕм калынц, уыцы дӕлвӕз ӕнӕхъӕнӕй дӕр ӕмӕ, Кедроны дӕлвӕзы+ онг цы къуыбыртӕ ис, уыдон иууылдӕр, суанг Бӕхты кулдуары+ фисыны онг, скӕсӕнырдыгӕй, уыдзысты табуйаг Йегъовӕйы цӕсты+. Бындзарӕй сӕ никуыуал стондзысты ӕмӕ сӕ никуыуал ныппырх кӕндзысты»+.

Фиппаинӕгтӕ

Комк. «ӕмӕ сӕ ныссадзон».