Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

Йезекил 28:1—26

28  Уый фӕстӕ мын Йегъовӕ афтӕ загъта:  «Адӕймаджы фырт, Тиры разамонӕгӕн афтӕ зӕгъ: „Афтӕ зӕгъы Дунедарӕг Хуыцау Йегъовӕ: „Дӕуӕн дӕ зӕрдӕ схъал+ ӕмӕ дзурыс: „Ӕз хуыцау дӕн+. Ӕз бадын хуыцауы бынаты+, денджызы астӕу“+, афтӕмӕй та зӕххон адӕймаг дӕ+, хуыцау нӕ+, фӕлӕ, ӕмӕ дӕхи нымайыс хуыцауыл.  Уӕдӕ, ды Данелӕй дӕр зондджындӕр дӕ!+ Афтӕ дӕм кӕсы, ӕмӕ ахӕм сусӕгдзинад нӕй, ды кӕй нӕ зоныс+.  Дӕ зонд ӕмӕ дӕ арфуынындзинады фӕрцы схъӕздыг дӕ ӕмӕ дӕ хӕзнадӕтты ӕмбырд кӕныс сызгъӕрин ӕмӕ ӕвзист+.  Де стыр зонды+ ӕмӕ базарады фӕрцы+ дӕ хъӕздыгдзинӕдтӕ сбирӕ кодтай+, ӕмӕ дӕ хъӕздыгдзинӕдты тыххӕй дӕ зӕрдӕ схъал“+.  „Уымӕ гӕсгӕ афтӕ зӕгъы Дунедарӕг Хуыцау Йегъовӕ: „Дӕхи хуыцауыл кӕй нымайыс+,  уый тыххӕй дын ӕз дӕ ныхмӕ ракӕндзынӕн ӕцӕгӕлӕтты+ – адӕмты ’хсӕн цы ӕгъатыр адӕм ис+, уыдоны. Ӕмӕ уыдон сӕ хъаматӕ сисдзысты, дӕ зонды фӕрцы кӕй ӕрӕмбырд кодтай, уыцы рӕсугъддзинӕдтӕм ӕмӕ дын де стыр кад къӕхты бынмӕ ӕрӕппардзысты+.  Уыдон дӕ ингӕнмӕ ныххизын кӕндзысты+ ӕмӕ амӕлдзынӕ, денджызы астӕу кӕй амардтой, уый мардӕй+.  Ӕмӕ ма уӕд, чи дӕ мара, уымӕн зӕгъдзынӕ, ӕз хуыцау дӕн, зӕгъгӕ?+ Чи дӕ фегад кӕна, уыдоны къухы уыдзынӕ зӕххон адӕймаг, хуыцау нӕ, фӕлӕ“+. 10  „Ды дӕ мӕлӕт ссардзынӕ ӕцӕгӕлӕтты къухӕй+, амӕлдзынӕ, сунӕтгонд чи нӕу, уыдоны мардӕй, уымӕн ӕмӕ уый загътон ӕз“,– зӕгъы Дунедарӕг Хуыцау Йегъовӕ». 11  Ӕмӕ мын Йегъовӕ дарддӕр загъта: 12  «Адӕймаджы фырт, хъарӕг кӕн Тиры паддзахыл+ ӕмӕ йын зӕгъ: „Афтӕ зӕгъы Дунедарӕг Хуыцау Йегъовӕ: „Ды дӕ алцӕмӕй ӕххӕст, ды дӕ стыр зонды хицау+ ӕмӕ дӕ рӕсугъддзинадмӕ фау ӕрхӕссӕн ницӕмӕй ис+. 13  Ды уыдтӕ Едемы, Хуыцауы цӕхӕрадоны+. Дӕ дарӕс аивгонд уыди алыхуызон зынаргъ дуртӕй: рубинӕй, топазӕй, яшмӕйӕ, хризолитӕй, ониксӕй+, жадеитӕй, сапфирӕй, бирюзайӕ+ ӕмӕ изумрудӕй. Сӕ фӕлгӕттӕ ӕмӕ се ’вӕрӕнтӕ уыдысты сызгъӕринӕй. Цы бон дӕ сфӕлдыстон, уыцы бон уыдон уыдысты цӕттӕ. 14  Ды дӕ сӕрст херувим, хъахъхъӕнгӕ чи кӕны, уый, ахӕм бынаты дӕ ӕз сӕвӕрдтон. Ды уыдтӕ Хуыцауы сыгъдӕг хохыл+, рацу-бацу кодтай судзгӕ дурты ’хсӕн. 15  Цы бон дӕ сфӕлдыстон, уыцы бонӕй фӕстӕмӕ алы хъуыддаджы дӕр уыдтӕ ӕнаипп+, цалынмӕ фыддзинадыл нӕ бафтыдтӕ, уӕдмӕ+. 16  Дӕ базарад парахат кӕй уыди+, уый тыххӕй байдзаг дӕ тыхмийӕ, ӕмӕ тӕригъӕды фӕндагыл ныллӕууыдтӕ+. Ӕз дӕ Хуыцауы хохӕй раппардзынӕн, уымӕн ӕмӕ сыгъдӕг нӕ дӕ. Хъахъхъӕнгӕ чи кӕны, уыцы херувим! Ӕз дӕ фесафдзынӕн+ судзгӕ дурты ’хсӕнӕй. 17  Дӕ рӕсугъддзинады тыххӕй дӕ зӕрдӕ схъал+. Де стыр кады тыххӕй дӕ зонд бабын кодтай+. Ӕз дӕ зӕхмӕ фехсдзынӕн+. Паддзӕхтӕн дӕ ратдзынӕн, цӕмӕй дӕм кӕсой+. 18  Дӕ ӕнӕнымӕц фыдракӕндтӕй+, базар кӕнгӕйӕ хӕрам хъуыддӕгтӕ кӕй кодтай+, уымӕй дӕ кувӕндӕттӕ хынджылӕггаг скодтай. Ӕз дын дӕ астӕу арт ссудздзынӕн ӕмӕ дӕ аныхъуырдзӕн+. Ӕмӕ дӕм чи кӕса, ӕппӕт уыдоны цӕстыты раз дӕ ӕз зӕххыл фӕнык фестын кӕндзынӕн+. 19  Адӕмты ’хсӕн дӕ чи зона, уыдон дӕм иууылдӕр дисгӕнгӕ кӕсдзысты+. Ӕнӕнхъӕлӕджы дыл бӕллӕх ӕрцӕудзӕн ӕмӕ ӕнустӕм фесӕфдзынӕ“»+. 20  Йегъовӕ мын дарддӕр загъта: 21  «Адӕймаджы фырт, азил Сидоны+ ’рдӕм ӕмӕ пехуымпариуӕг кӕн, дзур йӕ ныхмӕ. 22  Зӕгъ: „Афтӕ зӕгъы Дунедарӕг Хуыцау Йегъовӕ: „О Сидон, ӕз дӕ ныхмӕ рацӕудзынӕн+ ӕмӕ дӕ мидӕг скадджын уыдзынӕн+. Ӕмӕ йӕ мидӕг мӕ тӕрхӕттӕ куы сӕххӕст кӕнон+ ӕмӕ дзы мӕ ном куы срухс уа+, уӕд ӕй адӕм базондзысты, ӕз кӕй дӕн Йегъовӕ. 23  Ӕз ыл бафтаудзынӕн фыдниз, йӕ уынгты кӕлдзӕн туджы зӕйтӕ+. Алырдыгӕй йӕ ныхмӕ цы хъама ист уыдзӕн, уымӕй йӕ адӕм фӕцагъды уыдзысты+. Ӕмӕ адӕм базондзысты, ӕз кӕй дӕн Йегъовӕ+. 24  Ӕмӕ уӕд Израилы адӕмӕн, сӕ алыварс чи цӕры, хынджылӕггаг кӕмӕн сты, уыцы адӕмтӕ нал уыдзысты риссаг сындзыты+ ӕмӕ цыргъ судзинты хуызӕн. Ӕмӕ адӕм базондзысты, ӕз кӕй дӕн Дунедарӕг Хуыцау Йегъовӕ“. 25  Афтӕ зӕгъы Дунедарӕг Хуыцау Йегъовӕ: „Израилы адӕмы, цы адӕмты ’хсӕн ныххӕлиу сты, уыдоны ’хсӕнӕй куы ӕрӕмбырд кӕнон+, уӕд адӕмты цӕстыты раз мӕ ном се ’хсӕн срухс уыдзӕн+. Ӕмӕ уыдон цӕрдзысты сӕ зӕххыл+, мӕ лӕггадгӕнӕг Иаковӕн кӕй радтон, уыцы зӕххыл+. 26  Цӕрдзысты йыл ӕдасӕй+, араздзысты хӕдзӕрттӕ+ ӕмӕ садздзысты сӕнӕфсирдӕттӕ+. Сӕ алыварс чи ис, хынджылӕггаг кӕмӕн сты, уыдоныл се ’ппӕтыл дӕр мӕ тӕрхӕттӕ куы сӕххӕст кӕнон+, уӕд цӕрдзысты ӕдасӕй+. Ӕмӕ йӕ базондзысты, ӕз кӕй дӕн Йегъовӕ, сӕ Хуыцау“».

Фиппаинӕгтӕ