Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

Исай 7:1—25

7  Иудӕйы паддзах Ахаз+ куы уыд,– Озийы фыртӕн йӕ фырт Иофамы фырт,– уӕд Сирийы паддзах Рецин+ ӕмӕ Израилы паддзах Факей+, Ремалийы фырт, Иерусалимимӕ схӕцыдысты, фӕлӕ йӕ сӕ бон басӕттын нӕ баци+.  Давиды хӕдзарӕн фӕхабар кодтой: «Сири ӕххуысмӕ фӕсидт Ефреммӕ»+. Уӕд паддзахы зӕрдӕ ӕмӕ адӕмы зӕрдӕтӕ барызтысты, хъӕды бӕлӕстӕ дымгӕйӕ куыд баризынц, афтӕ+.  Ӕмӕ Йегъовӕ Исайӕн загъта: «Дӕ хорзӕхӕй, дӕ лӕппуимӕ, Шеар-Йасувимӕ*+, ацу Ахазы размӕ, уӕллаг цадӕй цы къанау цӕуы, уый кӕронмӕ+. Уыцы къанау ис, гӕрзтӕхсӕджы зӕхмӕ цы стыр фӕндаг цӕуы, уый раз+.  Ӕмӕ йын афтӕ зӕгъ: „Ӕппындӕр мацӕуыл тыхс+. Ма тӕрс, дӕ зӕрдӕйы тас ма бацӕуӕд+, сӕ фӕздӕг кӕмӕн кӕлы, уыцы дыууӕ ӕрдӕгсыгъд къӕцӕлы тыххӕй, Сирийы паддзах Рецин ӕмӕ Ремалийы+ фырт мӕстӕй кӕй судзынц,  Сири ӕмӕ Ефрем ӕмӕ Ремалийы фырт дӕ ныхмӕ фыдвӕнд кӕй кӕнынц, уый тыххӕй ӕмӕ афтӕ кӕй дзурынц:  „Иудӕмӕ бабырсӕм ӕмӕ йӕ акъабӕзтӕ кӕнӕм, басӕттӕм ӕй ӕмӕ йӕ нӕхи бакӕнӕм. Ӕмӕ дзы сӕвӕрӕм ӕндӕр паддзах – Тавеилы фырты“+.  Афтӕ зӕгъы Дунедарӕг Хуыцау Йегъовӕ: „Уымӕй ницы рауайдзӕн, сӕ фӕнд сӕ къухы нӕ бафтдзӕн+.  Сирийы сӕр у Дамаск, Дамаскы сӕр та у Рецин. Ӕхсай фондз азы нӕма рацӕудзӕн, афтӕ Ефрем ныппырх кӕндзысты ӕмӕ адӕмыхатты ном нал хӕсдзӕн+.  Ефремы сӕр у Самари+, Самарийы сӕр та у Ремалийы фырт+. Хъуамӕ уӕм уа уырнындзинад, кӕннод бирӕ нӕ ахӕсдзыстут“»+. 10  Йегъовӕ ма Ахазӕн загъта: 11  «Ракур исты нысан дӕ Хуыцау Йегъовӕйӕ+, фӕнды ингӕнау* арф уӕд, фӕнды – арвау бӕрзонд». 12  Фӕлӕ Ахаз загъта: «Нӕ ракурдзынӕн, нӕ фӕлвардзынӕн Йегъовӕйы». 13  Уӕд сын пехуымпар загъта: «О Давиды хӕдзар, уӕ хорзӕхӕй, байхъусут-ма мӕм. Адӕмы тухӕнӕй кӕй марут, уый уын фаг нӕу, ӕмӕ ма хъуамӕ мӕ Хуыцауы дӕр марат тухӕнӕй?+ 14  Уӕдӕ уын Йегъовӕ йӕхӕдӕг ратдзӕн нысан: ӕрыгон сылгоймаг+ басывӕрджын уыдзӕн+ ӕмӕ йын райгуырдзӕн лӕппу+, ӕмӕ йӕ схондзӕн Еммануил*. 15  Хорз ӕвзӕрӕй хицӕн кӕнынхъом куы фӕуа, уӕдмӕ дӕр хӕрдзӕн царв ӕмӕ мыд+. 16  Лӕппу хорз ӕвзӕрӕй хицӕн кӕнынхъом нӕма уыдзӕн+, афтӕ, тынг кӕмӕй тӕрсыс, уыцы дыууӕ паддзахы зӕххытӕ дзӕгъӕл баззайдзысты+. 17  Йегъовӕ дын дӕхиуыл+ дӕр, дӕ адӕмыл дӕр ӕмӕ дӕ фыды хӕдзарыл дӕр ахӕм бонтӕ акӕнын кӕндзӕн, ӕмӕ, Ефрем Иудӕйӕ куы ахицӕн+, уӕдӕй фӕстӕмӕ афтӕ никуы уыд – дӕ ныхмӕ дын ракӕндзӕн Ассирийы паддзахы+. 18  Уыцы бон Йегъовӕ фехситт кӕндзӕн, Египеты, Нилы къанӕуттӕн суанг сӕ кӕрон чи ис, уыцы бындзытӕм ӕмӕ, Ассирийы+ зӕххыл чи ис, уыцы мыдыбындзытӕм+. 19  Ӕмӕ уыдон иууылдӕр ӕрбатӕхдзысты ӕмӕ ӕрбаддзысты дӕлвӕзты фӕрстыл, къӕдзӕхты скъуыдты, алы сындзыл ӕмӕ алы пыхсыл ӕмӕ, дон кӕмдӕриддӕр ис, уым*+. 20  Уыцы бон ын Йегъовӕ, Стыр цӕугӕдоны*+ раз кӕй баххуырса, уыцы дасӕнӕй, Ассирийы паддзахӕй+, ныддасдзӕн йӕ сӕр ӕмӕ йӕ къӕхтӕ, ӕмӕ йын уыцы дасӕн адасдзӕн йӕ боцъо дӕр+. 21  Уыцы бон адӕймаг аирвӕзын кӕндзӕн йӕ фосӕй иу хъуг ӕмӕ дыууӕ фысы+. 22  Уыйбӕрц ӕхсыр ын кӕндзысты, ӕмӕ хӕрдзӕн царв. Уыцы зӕххыл ма чи баззайа, уыдон царв ӕмӕ мыд+ йеддӕмӕ ницы хӕрдзысты. 23  Ӕмӕ уыцы бон, иу мин ӕвзист ӕхцайы+ аргъ иу мин сӕнӕфсирбӕласы кӕмдӕриддӕр уыди, уым сӕ бынаты ӕрзайдзӕн сындзытӕ ӕмӕ хӕмпӕлгӕрдӕг+. 24  Уырдӕм цӕудзысты фат ӕмӕ ӕрдынимӕ+, уымӕн ӕмӕ зӕхх иууылдӕр сындзытӕ ӕмӕ хӕмпӕлгӕрдӕджы бын фӕуыдзӕн. 25  Ӕмӕ, раздӕр зӕхх рувгӕ кӕм кодтой, уыцы хӕхтӕй иумӕ дӕр цӕуын нӕ уӕнддзынӕ, сындзытӕ ӕмӕ дзы хӕмпӕлгӕрдӕг кӕй уыдзӕн, уый тыххӕй. Уырдӕм-иу адӕм ауадздзысты сӕ галты ӕмӕ йын йӕ зӕхх фыстӕ сӕ къӕхты бын нӕмдзысты»+.

Фиппаинӕгтӕ

Нысан кӕны «ӕрыздӕхдзӕн ӕрмӕстдӕр армыдзаг адӕм».
Комк. «шеолау». Кӕс Уӕлӕмх. 8.
Нысан кӕны «Хуыцау немӕ ис». Кӕс Мф 1:23.
Кӕнӕ «ӕмӕ сӕрвӕтты».
Ома Евфраты.