Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

Исай 31:1—9

31  Додой сӕ къона, Египетмӕ ӕххуысмӕ чи цӕуы+, йӕ ныфс бӕхтыл чи дары+, хӕстон бӕхуӕрдӕттӕ бирӕ кӕй сты, уый тыххӕй сыл йӕ зӕрдӕ чи дары+, хӕстон бӕхтӕ тынг тыхджын кӕй сты, уый тыххӕй сӕ ныфсджын чи у! Израилы Сыгъдӕг Хуыцаумӕ та не скастысты, Йегъовӕйы нӕ бацагуырдтой+.  Фӕлӕ уымӕ дӕр ис зонд+, ӕмӕ сӕ бӕллӕхы хай бакӕндзӕн+, ӕмӕ йӕ ныхӕстӕ фӕстӕмӕ нӕ райсдзӕн+. Сыстдзӕн ӕвзӕргӕнджыты ныхмӕ+, фыдгӕнджытӕ цы ’ххуыс агурынц, уый ныхмӕ+.  Египетӕгтӕ Хуыцау не сты, адӕм йеддӕмӕ ницы сты+. Сӕ бӕхтӕ сты туг ӕмӕ фыд+, ӕнӕуынгӕ уӕларвон тыхтӕ не сты. Йегъовӕ йӕ къух адардзӕн, ӕмӕ, ӕххуыс чи кӕны, уый фӕкӕлдзӕн, ӕххуыс кӕмӕн кӕнынц, уый ӕрхаудзӕн+. Ӕмӕ се ’ппӕтӕн дӕр уыцы иу рӕстӕг сӕ кӕрон ӕрцӕудзӕн.  Йегъовӕ мын афтӕ загъта: «Домбай, ӕвзонг домбай+, йӕ амӕттаджы сӕрмӕ куыд ныббогъ кӕны, йӕ ныхмӕ фыййӕутты се ’ппӕты дӕр куы ӕрбамбырд кӕнынц, уӕд, ӕмӕ сӕ хъӕртӕй куыд нӕ фӕтӕрсы, сӕ хъӕлӕбайӕ фӕстӕмӕ куыд нӕ акъахдзӕф кӕны, афтӕ ӕфсӕдты хицау Йегъовӕ ӕрцӕудзӕн ӕмӕ тох кӕндзӕн Сионы хохы тыххӕй ӕмӕ йӕ къуыбыры тыххӕй+.  Маргъ йӕ лӕппынты сӕрмӕ куыд ратӕх-батӕх кӕна ӕмӕ сӕ куыд хъахъхъӕна, афтӕ ӕфсӕдты хицау Йегъовӕ хъахъхъӕндзӕн Иерусалим+. Хъахъхъӕндзӕн ӕй ӕмӕ йӕ фервӕзын кӕндзӕн+. Фӕтӕригъӕд ын кӕндзӕн ӕмӕ йӕ аирвӕзын кӕндзӕн».  «Раздӕхут+, Израилы фырттӕ, ӕнӕсӕттонӕй кӕй ныхмӕ цӕут, уымӕ+.  Уыцы бон алчидӕр аппардзӕн йӕ ницӕйаг ӕвзист хуыцӕутты, йӕ ӕнӕпайда сызгъӕрин хуыцӕутты+, уӕхицӕн уӕхи къухтӕй кӕй скодтат ӕмӕ афтӕмӕй тӕригъӕды кӕй тыххӕй бафтыдыстут, уыдоны+.  Ӕмӕ ассириаг фӕмард уыдзӕн хъамайӕ, фӕлӕ уый адӕймаджы хъама нӕ уыдзӕн. Фӕуыдзӕн хъамайы амӕттаг, фӕлӕ уый зӕххон адӕймаджы хъама нӕ уыдзӕн+. Хъамайӕ лидздзӕн, ӕмӕ йын йӕ ӕрыгон лӕппутӕй скӕндзысты ӕххуырстытӕ.  Йӕ къӕдзӕх фыртӕссӕй ӕрбайсӕфдзӕн, йӕ кънйӕзтӕ амонӕн цӕджындз+ куы феной, уӕд сӕ зӕрдӕты тас бацӕудзӕн»,– зӕгъы Йегъовӕ, йӕ рухс Сионы кӕмӕн судзы, йӕ пец+ Иерусалимы кӕмӕн ис, уыцы Хуыцау.

Фиппаинӕгтӕ