Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

Исай 30:1—33

30  «Додой сӕ къона хивӕнд фырттӕн!+ – зӕгъы Йегъовӕ.– Уыдонмӕ ис иу фӕнд, фӕлӕ уый мӕ фӕнд нӕу+, хъавынц кувинаг нозт рауадзынмӕ*, фӕлӕ уый у мӕ фӕндоны ныхмӕ. Ӕмӕ афтӕмӕй сӕ тӕригъӕдыл тӕригъӕд ӕфтауынц+.  Уыдон мӕн нӕ бафарстой+, афтӕмӕй фӕнд кӕнынц Египетмӕ ацӕуынмӕ+, цӕмӕй сӕхи бамбӕхсой фараоны фидар мӕсыджы, сӕхи бакӕной Египеты дӕлбазыр+.  Гъемӕ фараоны фидар мӕсыджы тыххӕй фӕхудинаг уыдзыстут+, уӕхи Египеты дӕлбазыр кӕй бакодтат, уый тыххӕй фегад уыдзыстут+.  Кънйӕзтӕ сты Цоаны+, минӕвӕрттӕ Ханесмӕ бахӕццӕ сты.  Уыцы адӕмы тыххӕй се ’ппӕтмӕ дӕр худинаг ӕркӕсдзӕн, уымӕн ӕмӕ никӕмӕн ницы пайда сты, ӕппындӕр ницы ӕххуыс сты ӕмӕ ницы пайда хӕссынц, сты ӕрмӕст худинаг ӕмӕ ӕгады хос»+.  Тӕрхон хуссары цӕрӕг сырдтӕн+. Фӕцӕуынц тӕссаг+ ӕмӕ тызмӕг зӕххыл, домбӕйттӕ кӕм цӕры ӕмӕ фыранк кӕм ныууасы, маргджын кӕлмытӕ ӕмӕ, йӕхи ӕваст чи ныццӕвы, йӕ марг чи уадзы, ахӕм кӕлмытӕ кӕм ис+, уыцы зӕххыл, ӕмӕ сӕ хъӕздыгдзинӕдтӕ хӕрджытыл фӕласынц, сӕ лӕвӕрттӕ – теуатыл+. Фӕлӕ уыдӕттӕ адӕмӕн ницы пайда ӕрхӕсдзысты.  Египетӕгтӕ ницы сты, ницы ӕххуыс фӕуыдзысты+. Ӕмӕ уый тыххӕй Египет схуыдтон «Раав+ – уыдон ӕнцад бадынц».  «Ныр ацу, адӕттӕ сӕ разы ныффысс фӕйнӕджы гӕбазыл, ныффысс сӕ чиныджы+ дӕр, цӕмӕй баззайой фидӕнмӕ, ӕнустӕм дӕр уой ӕвдисӕнӕн+.  Адон сты ӕнӕсӕттон адӕм+, мӕнгард фырттӕ+, нӕ сӕ фӕнды Йегъовӕйы закъонмӕ хъусын+. 10  Цӕстылуайӕнтӕ чи уыны, уыдонӕн дзурынц: „Цӕстылуайӕнтӕ ма уынут“; пехуымпартӕн дзурынц: „Ӕцӕгӕй нӕм цы ’нхъӕлмӕ кӕсы, уый нын ма дзурут+. Кӕнут нын зӕрдӕлхӕнӕн ныхӕстӕ, сайӕн ныхӕстӕ нын дзурут+. 11  Фӕндагӕй иуварс ахизут, иуырдӕм ацӕут+. Израилы Сыгъдӕг Хуыцауы кой нын кӕнгӕ дӕр ма кӕнут“»+. 12  Уымӕ гӕсгӕ афтӕ зӕгъы Израилы Сыгъдӕг Хуыцау: «Ацы ныхасмӕ кӕй нӕ хъусут+, уӕ зӕрдӕ цӕстфӕлдахӕн митыл ӕмӕ мӕнгдзинадыл кӕй дарут ӕмӕ уымӕй ныфсджын кӕй стут+, 13  уый тыххӕй уын ацы фыдракӕнд суыдзӕн, бӕрзонд къул куыд афаз уа, йӕ иу хай куыд ракъуыпп уа ӕмӕ ракӕлынӕввонг куыд уа, уый хуызӕн+. Ахӕм къул ныккӕлдзӕн ӕвиппайды, цӕстыфӕныкъуылдмӕ+. 14  Стыр ӕлыг дурынау ӕй ныппырх кӕндзысты+, тӕригъӕд дӕр ын нӕ фӕкӕндзысты, афтӕмӕй йӕ нызгъӕлӕнтӕ кӕндзысты, ӕмӕ йӕ цъӕлты ’хсӕн иу ахӕм къӕртт нӕ уыдзӕн, пецӕй зынгтӕ рахафӕн науӕд цъымарайӕ дон сисӕн кӕмӕй уа»+. 15  Дунедарӕг Хуыцау Йегъовӕ, Израилы Сыгъдӕг Хуыцау+ афтӕ загъта: «Фӕстӕмӕ мӕм куы раздӕхат ӕмӕ куы ’рсабыр уат, уӕд фервӕздзыстут. Уӕ тых уый мидӕг уыдзӕн, куы нӕ тыхсат ӕмӕ мыл уӕ зӕрдӕ куы дарат»+. Фӕлӕ сымах нӕ бафӕндыд+. 16  Сымах загътат: «Нӕ, мах бӕхтыл сбаддзыстӕм ӕмӕ алидздзыстӕм!»+ Ӕмӕ лидзгӕ дӕр уый тыххӕй кӕндзыстут. «Атӕхдзыстӕм дугъон бӕхтыл!»+ Ӕмӕ уӕ фӕстейӕ чи сура, уыдон дӕр дугъон бӕхтау уый тыххӕй тӕхдзысты+. 17  Мин адӕймаджы зыр-зыр кӕндзысты иу адӕймаджы тызмӕг хъӕрӕй+. Фондз адӕймаджы тызмӕг хъӕрӕй лидзӕг фӕуыдзыстут. Ӕмӕ ма уӕ чи баззайа, уыдон уыдзысты, хохы цъуппыл наупӕлӕзы хъӕд куыд уа, къуыбырыл – амонӕн цӕджындз, афтӕ+. 18  Ӕмӕ уый тыххӕй Йегъовӕ ӕнхъӕлмӕ кӕсдзӕн, цӕмӕй уын фӕтӕригъӕд кӕна+, сыстдзӕн, цӕмӕй уӕм фӕлмӕнзӕрдӕдзинад равдиса+. Уымӕн ӕмӕ Йегъовӕ у, раст тӕрхон чи кӕны, уыцы Хуыцау+. Амондджын+ сты, чи йӕм ӕнхъӕлмӕ кӕсы, уыдон иууылдӕр+. 19  Адӕм Сионы+, Иерусалимы, куы цӕрой+, уӕд ды нал кӕудзынӕ+. Дӕ дзыназын дын куы фехъуса, уӕд дын фӕтӕригъӕд кӕндзӕн, куыддӕр ӕй фехъуса, афтӕ дын дзуапп ратдзӕн+. 20  Йегъовӕ дын хӕринагӕн ратдзӕн бӕллӕхтӕ, бадардзӕн дын хъизӕмӕртты дон+. Фӕлӕ дӕ Кадджын Зондамонӕг йӕхи нал ӕмбӕхсдзӕн, ӕмӕ дӕ цӕстытӕ уындзысты дӕ Кадджын Зондамонӕджы+. 21  Ӕмӕ дӕ фӕндагӕй рахизырдӕм кӕнӕ галиуырдӕм куы фӕзилай+, уӕд дӕ фӕстӕ хъусдзынӕ хъӕлӕс: «Мӕнӕ фӕндаг+. Цӕут ацы фӕндагыл». 22  Ды фӕчъизи кӕндзынӕ, дӕ гуымирытыл ӕвзистӕй цы цъар ӕвӕрд ис, уый+, дӕ къухӕйконд хуыцӕуттӕ+ кӕмӕй ӕмбӕрзт сты, уыцы сызгъӕрин+ ӕмӕ сӕ аппардзынӕ+. Ӕмӕ, йӕ туг кӕмӕн цӕуы, ахӕм сылгоймагау уыдонӕй зӕгъдзынӕ: «Мӕнӕ цы ӕнад сты!»+ 23  Ӕмӕ, дӕ зӕххы кӕй байтауай, уыцы мыггӕгтӕн дын ратдзӕн къӕвда+, дӕ зӕххыл дын ратдзӕн тыллӕг – хӕрзад ӕмӕ сойджын дзул+. Уыцы бон дӕ фос хиздзысты уӕрӕх сӕрвӕты+. 24  Стуртӕ ӕмӕ, зӕхх кӕмӕй кусынц, уыцы хӕрджытӕ хӕрдзысты, фыййагӕй+ ӕмӕ сагойӕ дымгӕмӕ кӕй сдардтой, хуырхӕгимӕ хӕццӕ чи у, ахӕм холлаг. 25  Бирӕ туг куы ныккӕла, мӕсгуытӕ куы ныппырх уой+, уыцы бон алы бӕрзонд хохыл ӕмӕ алы бӕрзонд къуыбырыл кӕлдзӕн цӕугӕдӕттӕ+, уыдзӕн дзы доны къанӕуттӕ. 26  Йегъовӕ йӕ адӕмы цӕфтӕ куы бабӕтта+ ӕмӕ сыл йӕ цӕфтӕй цы хъӕдгӕмттӕ фӕзынд, уыдон сын куы сдзӕбӕх кӕна+, уыцы бон дзаг мӕйы рухс уыдзӕн цӕхӕркалгӕ хуры рухсы хуызӕн. Цӕхӕркалгӕ хуры рухс ныйирд уыдзӕн авд хатты тынгдӕр+, авд боны рухсы хуызӕн. 27  Йегъовӕ* дардӕй ӕрбацӕуы уӕззау мигътимӕ, мӕстӕй пиллон арт уадзгӕйӕ+. Йӕ ком дзаг у тӕрхӕттӕй, йе ’взаг у, ӕппӕт дӕр чи ныхъуыры, ахӕм арт+. 28  Йӕ комытӕф у, чи раивылд, ахӕм цӕугӕдон, хӕццӕ кӕны суанг хъуырмӕ+. Хуыцау адӕмты балуардзӕн+ ӕмӕ сӕ аппардзӕн, нӕ бӕззынц, зӕгъгӕ. Адӕмты дзыхы бакӕндзӕн, галиу фӕндагыл сӕ чи акӕндзӕн+, ахӕм идоны къӕбӕлтӕ+. 29  Сымах зардзыстут+, Хуыцауы номыл бӕрӕгбоны ӕхсӕв кӕй фӕзарынц+, ахӕм зарӕг. Уӕ зӕрдӕ цин кӕндзӕн, Йегъовӕйы хохмӕ+, Израилы Къӕдзӕхмӕ+ уадындзимӕ чи фӕцӕуы+, ахӕм адӕймаджы зӕрдӕйы хуызӕн. 30  Ӕмӕ Йегъовӕ йӕ нӕргӕ хъӕлӕс+ адӕмтӕн фехъусын кӕндзӕн, йӕ къух куыд ӕруадздзӕн, уый равдисдзӕн+ – йӕ маст абухдзӕн+, ӕппӕт дӕр чи ныхъуыры, уыцы пиллон арт+ судздзӕн, арв фемӕхсдзӕн, ныккалдзӕн тӕрккъӕвда+ ӕмӕ их+. 31  Йегъовӕйы хъӕлӕсӕй Ассири фыртӕссӕй бандзыг уыдзӕн+. Хуыцау ӕй лӕдзӕгӕй ӕрцӕвдзӕн+. 32  Йегъовӕ Ассирийыл йе ’фхӕрӕн хъил цал хатты ӕруадза, уал хатты райхъуысдзӕн дала ӕмӕ дыууадӕстӕнон фӕндыры цагъд+. Семӕ тох кӕндзӕн хъама сисгӕйӕ+. 33  Тофет*+ дӕр ын ӕвӕрд у, уый цӕттӕ у паддзахӕн+ дӕр. Тофеты сугтӕй арф дзыхъхъ байдзаг кодта. Арт ӕмӕ суг – фагӕй дӕр фылдӕр. Йегъовӕйы улӕфт – сондоны гуылфӕн – цырен кӕны Тофеты арт+.

Фиппаинӕгтӕ

Нысан кӕны цӕдис саразын, кувинаг нозт рауадзгӕйӕ.
Комк. «Йегъовӕйы ном».
Ацы ран дзырд «Тофет» амоны, арты цыдӕр кӕм басудзынц, ахӕм бынатмӕ, фӕсномыгӕй нысан кӕны сӕфт. Кӕс 2Пд 23:10 дӕр.