Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

Исай 28:1—29

28  Мӕгуыр йӕ бон Ефремы+ расыггӕнджыты диссаджы кадыхудӕн! Уыцы рӕсугъд худ хъӕздыг дӕлвӕзы сӕрыл ӕрдӕгхус дидинӕг йеддӕмӕ ницы у – уыцы дӕлвӕзы цӕрынц, сӕн кӕуыл фӕтых, уыдон.  Йегъовӕйӕн ис, стыр тых ӕмӕ хъаруйы хицау чи у, ахӕм чидӕр+. Уый уыдзӕн, арвы нӕрын ӕмӕ ихимӕ чи вӕййы+, бӕстыл чи ницыуал ныууадзы, ахӕм тыхдымгӕйы хуызӕн, тыхджын къӕвда сӕх-сӕхӕй гыбар-гыбургӕнгӕ куыд ныккалы, уый хуызӕн+, ӕмӕ йын йӕ кадыхуд зӕхмӕ фехсдзӕн.  Ефремы расыггӕнджытӕн сӕ диссаджы кадыхудтӕ къӕхты бын ныссӕнддзысты+.  Ӕмӕ уыцы рӕсугъд худ,– хъӕздыг дӕлвӕзы сӕрыл ӕрдӕгхус дидинӕг+ йеддӕмӕ чи ницы у, уый,– уыдзӕн, сӕрды размӕ фыццаг чи сцӕттӕ вӕййы, ахӕм легъуийы хуызӕн+ – адӕймаг ӕй куы фены, уӕд ӕй ӕртоны ӕмӕ йӕ ахӕры.  Уыцы бон ӕфсӕдты хицау Йегъовӕ, йӕ адӕмӕй ма чи баззайа+, уыдонӕн суыдзӕн рӕсугъд кадыхуд+, дидинджытӕй быд рӕсугъд худ+.  Тӕрхон чи кӕны, уый разӕнгард кӕндзӕн рӕстӕй архайынмӕ+, кулдуары разӕй знаджы чи сура, уыдонӕн дӕтдзӕн хъару+.  Ӕмӕ адон дӕр сӕны тыххӕй сӕ фӕндагӕй адзӕгъӕл сты, карз нозты аххосӕй рахау-бахау кӕнынц. Сауджын ӕмӕ пехуымпар+ карз нозты аххосӕй сӕ фӕндагӕй адзӕгъӕл сты, сӕн сын сӕ зонд схӕццӕ кодта, карз нозты аххосӕй рахау-бахау кӕнынц+. Сӕ цӕстылуайӕнты схӕццӕтӕ сты, уынаффӕтӕ хӕсгӕйӕ дӕр цудтытӕ кӕнынц.  Фынгтӕ иууылдӕр се ’взӕр омдзӕгӕй+ нал зынынц – иу сыгъдӕг бынат дзы нал ис.  «Ай кӕмӕн амоны зонд+, кӕмӕн ӕмбарын кӕны, цы хабар хъусын кӕнынц+, уый? Мах исты, дзидзи кӕмӕн нал дарынц, ахӕм сывӕллӕттӕ стӕм, риуӕй кӕй фӕхицӕн кодтой, ахӕм сабитӕ?+ 10  „Фӕдзӕхст ӕмӕ та фӕдзӕхст, фӕдзӕхст ӕмӕ та фӕдзӕхст, уагӕвӕрд* ӕмӕ та уагӕвӕрд, уагӕвӕрд ӕмӕ та уагӕвӕрд, ам дӕр иу гыццыл ӕмӕ уым дӕр иу гыццыл“»*+. 11  Уый ацы адӕмимӕ дзурдзӕн ӕндӕр ӕвзагыл+, къӕзӕнӕг+ чи у, уыдоны уылты+. 12  Афтӕ сын загъта: «Ай у фӕлладуадзӕн бынат. Фӕллад чи у, уый улӕфын бауадзут. Ай у улӕфӕн бынат». Фӕлӕ уыдоны хъусын нӕ фӕндыд+. 13  Ӕмӕ сын Йегъовӕйы ныхас ӕцӕгдӕр суыдзӕн афтӕ: «Фӕдзӕхст ӕмӕ та фӕдзӕхст, фӕдзӕхст ӕмӕ та фӕдзӕхст, уагӕвӕрд ӕмӕ та уагӕвӕрд, уагӕвӕрд ӕмӕ та уагӕвӕрд+, ам дӕр иу гыццыл ӕмӕ уым дӕр иу гыццыл», цӕмӕй ацӕуой, уӕлгоммӕ ахауой ӕмӕ сӕхи ныппырх кӕной, цӕмӕй хызы бахауой ӕмӕ сӕ ӕрцахсой+. 14  Гъемӕ уӕдӕ, хиппӕлойтӕ, байхъусут Йегъовӕйы ныхасмӕ, байхъусут, ацы адӕмы хицӕуттӕ+, Иерусалимы чи ис, уыдон. 15  Сымах афтӕ зӕгъут: «Мах Мӕлӕтимӕ бадзырд скодтам+, Ингӕнимӕ* иу цӕстылуайӕн федтам+. Дон тынг куы раивыла ӕмӕ куы рагуылф кӕна, уӕддӕр махмӕ не схӕццӕ уыдзӕн, уымӕн ӕмӕ гӕдыныхас у не ’мбӕхсӕн бынат+, мӕнгдзинады бамбӕхстам нӕхи»+. 16  Ӕмӕ уый тыххӕй афтӕ зӕгъы Дунедарӕг Хуыцау Йегъовӕ: «Ӕз бындурӕн Сионы+ ӕвӕрын дур+ – уый у фӕлвӕрд дур+, фидар бындуры+ сӕйраг дур, зынаргъ дур+. Ӕмӕ йыл чи ӕууӕнды, уый ницӕмӕй фӕтӕрсдзӕн+. 17  Раст тӕрхон скӕндзынӕн барӕн бӕндӕн+, рӕстдзинад+ – барӕн хъил*. Ӕмӕ их+ ныххойдзӕн гӕдыныхасы ӕмбӕхсӕн бынат+, дӕттӕ сӕ быны фӕкӕндзысты, кӕм ӕмбӕхсы, уыцы бынат+. 18  Ӕмӕ, Мӕлӕтимӕ цы бадзырд скодтат, уый фехӕлдзӕн+, Ингӕнимӕ кӕй федтат, уыцы цӕстылуайӕнӕй ницы рауайдзӕн+. Дон тынг куы раивыла ӕмӕ куы рагуылф кӕна+, уӕд уӕ йӕ быны фӕкӕндзӕн+. 19  Куы-иу раивыла, уӕд-иу уӕ фӕласдзӕн+, уымӕн ӕмӕ ивылдзӕн алы райсом дӕр, бонӕй дӕр ӕмӕ ӕхсӕвӕй дӕр. Ӕмӕ уый тыххӕй фехъусгӕйӕ иннӕтӕн сӕ зӕрдӕты тас бацӕудзӕн+, ӕмӕ, цы хабар фехъуыстой, уый бамбардзысты». 20  Хуыссӕн ӕгӕр цыбыр у, цӕмӕй йыл адӕймаг йӕхи айваза, ӕмӕ хъӕццул ӕгӕр нарӕг у, цӕмӕй дзы йӕхи ӕрбатуха. 21  Йегъовӕ сыстдзӕн, Ваал-Перацимы хохыл+ куыд сыстад, афтӕ, базмӕлдзӕн, Гаваоны+ раз дӕлвӕзы куыд уыд, афтӕ, цӕмӕй йӕ хъуыддаг сараза – уый у диссаг хъуыддаг, цӕмӕй йӕ куыст бакӕна – уый у ӕнахуыр куыст+. 22  Мауал худут+, цӕмӕй уӕ уӕ рӕхыстӕ тынгдӕр ма ’рбалхъивой, уымӕн ӕмӕ ӕз Дунедарӕг+ Хуыцауӕй, ӕфсӕдты хицау Йегъовӕйӕ фехъуыстон, ӕгас бӕстӕйӕн дӕр тӕрхон хаст кӕй ӕрцыд ӕмӕ сӕфты хай кӕй бауыдзӕн+. 23  Уӕ хъус ӕрдарут ӕмӕ мӕм байхъусут. Уӕ хъус лӕмбынӕг ӕрдарут ӕмӕ мын мӕ ныхӕстӕм байхъусут. 24  Хуымгӕнӕг йӕ зӕхх куы фӕкусы+, уӕд ӕй ӕрмӕст хуым фӕкӕны, ӕрмӕст ӕй фӕлмӕн ӕмӕ похци фӕкӕны?+ 25  Зӕхх куы слӕгъз кӕны, уӕд дзы уый фӕстӕ сау зирӕ нӕ байтауы, зирӕ+ дзы нӕ апырх кӕны? Мӕнӕу, еуу*+ ӕмӕ хъӕбӕрхор – алкӕцы дӕр йӕ бынаты+ нӕ байтауы ӕмӕ хуымы кӕрӕтты+ та – ӕндӕр мӕнӕу*+? 26  Ӕмӕ Хуыцау дӕр адӕймагӕн йӕ рӕдыд дзуры+, раст зондыл ӕй ӕвӕры. Йӕ Хуыцау ын амоны зонд+. 27  Сау зирӕйыл найгӕнӕн дзоныгъ нӕ аласынц+, зирӕйыл найгӕнӕн уӕрдоны цалх нӕ атулынц. Сау зирӕ ныххойынц хъилӕй+, зирӕ – лӕдзӕгӕй. 28  Найгӕнӕн мусы хор цъӕл ныккӕнынц? Куы йӕ фӕнай кӕнынц+, уӕд уымӕн кӕрон нӕ вӕййы?+ Адӕймаг сыл рауадзы йӕ найгӕнӕн уӕрдоны цалх, стӕй йӕ бӕхты, фӕлӕ сӕ цъӕл нӕ ныккӕны+. 29  Ӕмӕ уый дӕр ӕфсӕдты хицау Йегъовӕйӕ у+. Уымӕн йӕ фӕндтӕ диссаг сты ӕмӕ йӕ хъуыддӕгтӕ иууылдӕр йӕ къухы бафтынц+.

Фиппаинӕгтӕ

Комк. «барӕн бӕндӕн».
Ацы ныхӕстӕй фӕзмыдтой, пехуымпар куыд дзырдта, уый. Дзут. ки цав лаца́в цав лаца́в, кав лака́в кав лака́в, зее́р шам зее́р шам.
Комк. «Шеолимӕ». Кӕс 18 стихы дӕр. Кӕс Уӕлӕмх. 8.
Аразӕджы дзаума, цӕхгӕрмӕ дзы барстой, зӕгъӕм, къултӕ раст амад цӕуынц ӕви нӕ; уырыс. «уровень».
Хоры мыггаг; уырыс. «просо».
Дзут. тексты цы дзырд ис, уый цы мӕнӕумӕ амоны, уый ахӕм хорз мыггаг нӕу, сагътой йӕ рагон Египеты.