Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

Исай 10:1—34

10  Додой сӕ къона, зиан чи хӕссы, ахӕм закъӕттӕ чи уадзы, адӕмӕн фыдбылызы хос чи у+, ӕдзух ахӕм уагӕвӕрдтӕ чи фыссы,  цӕмӕй тӕрхонмӕ мӕгуырты хӕстӕг дӕр ма бауадзой ӕмӕ, мӕ адӕмы ’хсӕн ӕфхӕрд чи у, уыдоны хъуыддаг рӕстӕй ма равзарой+, цӕмӕй идӕдз сылгоймӕгты исбон байсой ӕмӕ суанг сидзӕрты дӕр бастигъой!+  Цымӕ куыд кӕндзыстут, уӕ хъуыддӕгтӕм уын куы ’ркӕсой, уыцы бон+, дардӕй уе сӕфт куы ’рцӕуа, уӕд?+ Кӕмӕ лидздзыстут ӕххуысмӕ+, цы фӕуыдзӕн уӕ кад?+  Иннӕ уацайрӕгты ’хсӕн уӕ зонгуытыл лӕудзыстут, иннӕтау фӕцагъды уыдзыстут+. Уый тыххӕй нӕ сабыр кӕны йӕ маст, уый тыххӕй у йӕ къух хӕрдмӕ ист+.  «Уӕртӕ кӕсут, ассириаг+, уый у мӕ мастисӕн лӕдзӕг+, йӕ къухы чи ис, уыцы хъилы фӕрцы мӕ фыдӕх ныккалдзынӕн!  Ӕз ӕй ракӕндзынӕн, Хуыцауы чи ныууагъта+, уыцы адӕмы ныхмӕ, бардзырд ын ратдзынӕн, мӕ маст кӕмӕ ссыгъд, уыцы адӕмы тыххӕй+, цӕмӕй сын сӕ мулк фӕхӕсса, бастигъа сӕ ӕмӕ сӕ уынджы цъыфау йӕ къӕхты бын ныннӕма+.  Кӕд йӕ фӕндтӕ ӕндӕр сты, уӕддӕр ӕй бафӕнддзӕн уый бакӕнын, кӕд йӕ зӕрды ӕндӕр цыдӕр ис, уӕддӕр сфӕнд кӕндзӕн уыцы хъуыддаг саразын, уымӕн ӕмӕ йӕ зӕрды ис ныццӕгъдын+ ӕмӕ дзӕвгар адӕмты фесафын+.  Уый дзурдзӕн: „Мӕ кънйӕзтӕ паддзӕхтӕ дӕр не сты?+  Халне+ Кархемисӕй+ истӕмӕй хицӕн кӕны? Науӕд Хамат+ Арпадӕй?+ Кӕнӕ Самари+ Дамаскӕй?+ 10  Мӕ къух-иу баххӕссыд, ницӕйаг хуыцӕуттӕн чи кувы, уыцы паддзахӕдтӕм, сӕ гуымирытӕ Иерусалим ӕмӕ Самарийы гуымирытӕй фылдӕр кӕмӕн сты, уыдонмӕ+. 11  Ӕмӕ уӕд, Самарийӕн дӕр ӕмӕ йӕ ницӕйаг хуыцӕуттӕн дӕр куыд бакӕнон+, Иерусалимӕн дӕр ӕмӕ йӕ хуыцӕуттӕн дӕр афтӕ нӕ бакӕндзынӕн?“+ 12  Йегъовӕ Сионы хохыл ӕмӕ Иерусалимы йӕ хъуыддаг кӕронмӕ куы ахӕццӕ кӕна, уӕд ӕз Ассирийы паддзахӕй дзуапп ӕрдомдзынӕн, схъӕлзӕрдӕ кӕй у ӕмӕ йӕ хъал цӕстытӕй уӕлейӕ дӕлӕмӕ кӕй кӕсы, уый тыххӕй+. 13  Уый афтӕ загъта: „Ӕз архайдзынӕн мӕ къухы хъаруйӕ+ ӕмӕ мӕ зондӕй, уымӕн ӕмӕ мӕм ис фаг ӕмбарындзинад. Адӕмтӕн сӕ арӕнтӕ айсдзынӕн+, цы мулк ӕрӕмбырд кодтой, уый сын фӕхӕсдзынӕн+ ӕмӕ тыхджын лӕгау адӕмы мӕ дӕлбар бакӕндзынӕн+. 14  Ахстонмӕ куыд сӕххӕссай, афтӕ мӕ къух+ баххӕсдзӕн адӕмты исбонмӕ+. Маргъ кӕй ныууагъта, уыцы ӕйчытӕ куыд ӕрӕмбырд кӕнай, афтӕ ӕрӕмбырд кӕндзынӕн, ӕнӕхъӕн зӕххыл цы ис, уый. Ӕмӕ йӕ базыртӕ дӕр ничи батилдзӕн, йӕ дзых дӕр ничи бахӕлиу кӕндзӕн ӕмӕ хъыпп-сыпп дӕр ничи скӕндзӕн“». 15  Ау, фӕрӕт, чи дзы архайы, йӕхи уымӕй уӕлдӕр кӕндзӕн, науӕд хырх, чи дзы фады, йӕхи уымӕй уӕлдӕр ӕвӕрдзӕн? Исты лӕдзӕг сисы хӕрдмӕ, чи йыл схӕцы, уыцы адӕймаджы, кӕннод хъил сисы, кӕй къухы ис, уый?+ 16  Уый тыххӕй йын ӕцӕг Хицау, ӕфсӕдты хицау Йегъовӕ, йӕ уӕйыг лӕгтыл удхайраг низ бафтаудзӕн+ ӕмӕ йын йӕ кады бынмӕ арт бандзардзӕн+. 17  Израилы Рухс+ фестдзӕн арт+, Израилы Сыгъдӕг Хуыцау – пиллон арт+. Уыцы арт ссудздзӕн ӕмӕ йын иу бонмӕ йӕ хӕмпӕлтӕ ӕмӕ йӕ сындзытӕ аныхъуырдзӕн+. 18  Хуыцау ын йӕ хъӕды ӕмӕ йӕ дыргъдоны кад фесафдзӕн, уыцы кадӕй ницыуал баззайдзӕн+, ӕмӕ уый уыдзӕн, рынчын адӕймаг куыд тайа, афтӕ+. 19  Ӕмӕ ма йӕ хъӕды цы бӕлӕстӕ баззайа, уыдон гыццыл лӕппуйӕн дӕр йӕ бон суыдзӕн банымайын+. 20  Ӕмӕ уыцы бонӕй фӕстӕмӕ афтӕ никуыуал уыдзӕн, цӕмӕй, Израилӕй ма чи баззайа+ ӕмӕ ма Иаковы хӕдзарвӕндагӕй чи аирвӕза, уыдон ӕххуыс бацагурой, чи сӕ ныппырх кодта, уымӕй+, фӕлӕ сыгъдӕгзӕрдӕйӕ+ ӕххуыс агурдзысты Йегъовӕйӕ, Израилы Сыгъдӕг Хуыцауӕй+. 21  Хъомысджын Хуыцаумӕ ма ӕрыздӕхдзӕн ӕрмӕстдӕр армыдзаг адӕм* – Иаковӕй ма цы армыдзаг адӕм баззайа, уыдон+. 22  О Израил, дӕ адӕм денджызы змисау+ бирӕ куы уой, уӕддӕр сӕ армыдзаг йеддӕмӕ не ’рыздӕхдзӕн+. Дӕ адӕмӕн цы тӕрхон ӕрцыд хаст, уымӕ гӕсгӕ фӕцагъды уыдзысты+, ӕмӕ уый уыдзӕн рӕстдзинадмӕ гӕсгӕ+, 23  уымӕн ӕмӕ дын Дунедарӕг Хуыцау, ӕфсӕдты хицау Йегъовӕ ӕгас бӕстӕйы дӕр дӕ адӕмы ныццӕгъддзӕн+ ӕмӕ сӕххӕст кӕндзӕн йӕ ӕнӕивгӕ тӕрхон+. 24  Уымӕ гӕсгӕ Дунедарӕг+ Хуыцау, ӕфсӕдты хицау Йегъовӕ, афтӕ зӕгъы: «Мӕ адӕм, Сионыл+ чи цӕры, уыдон, ма тӕрсут ассириагӕй, египетӕгтау уӕ лӕдзӕгӕй чи надта+, йӕ хъил уӕм чи иста, уымӕй+. 25  Иу гыццыл ма, ӕмӕ уыл мӕ фыдӕх нал калдзынӕн+. Мӕ маст уыдонмӕ аздахдзынӕн, ӕмӕ ӕрбайсӕфдзысты+. 26  Ӕфсӕдты хицау Йегъовӕ йӕм ехс сисдзӕн+, Оривы+ къӕдзӕхы раз Мадиамы куы ныппырх кодтой, уӕд куыд уыди, афтӕ. Йӕ лӕдзӕг денджызмӕ адардзӕн+ ӕмӕ, Египеты куыд бакодта, афтӕ йӕ хӕрдмӕ сисдзӕн+. 27  Уыцы бон Ассирийы паддзахы уаргъ де ’ккойӕ ахаудзӕн+, йе ’фсондз ахаудзӕн дӕ бӕрзӕйӕ+, ӕмӕ уыцы ӕфсондз сойы* тыххӕй ныппырх уыдзӕн»+. 28  Уый Аиафмӕ+ ӕрбабырста, ацыд Мигроныл ӕмӕ Михмасы+ йӕ дзауматӕ ӕвӕры. 29  Ахызти доны тӕнджыты, ӕхсӕвы ӕрлӕудзӕн Гевӕйы+. Рамӕ+ фыртӕссӕй барызт. Гивӕ+, Саулы горӕт, лидзӕг фӕци. 30  Цъӕхахст кӕн, о Галлимы чызг!+ Дӕ хъус ӕрдар, о Лаис. Хъӕр кӕн, ӕфхӕрд Анафоф!+ 31  Мадменӕ фӕлыгъд. Гевимы цӕрджытӕ, кӕм бамбӕхсой, уый агурынц. 32  Нырма бон уыдзӕн, афтӕ ӕрлӕудзӕн Номвӕйы+. Уый йӕ къух ӕртхъирӕнгӕнӕгау тилы Сионы чызджы хохмӕ, Иерусалимы къуыбырмӕ+. 33  Ӕцӕг Хицау, ӕфсӕдты хицау Йегъовӕ, къалиутӕ афтӕ къуыры, ӕмӕ сӕ гуыпп фӕцӕуы+. Хӕрдмӕ чи фӕцыд, уыдон ралыг кӕны, бӕрзонд чи у, уыдон ӕркъӕдз вӕййынц+. 34  Уый тархъӕд цӕгъды ӕфсӕйнаг мигӕнӕнӕй, ӕмӕ тыхджыны къух Ливаны бӕлӕстӕ афӕлдахдзӕн+.

Фиппаинӕгтӕ

«Ӕрыздӕхдзӕн ӕрмӕстдӕр армыдзаг адӕм» – дзут. ацы дзырдтӕ сты, ном Шеар-Йасув цы дзырдтӕй арӕзт у, уыдон. Кӕс Ис 7:3, фип.
Ӕвӕц., уый у, цырӕгъты кӕй кодтой, ахӕм сой кӕнӕ-иу паддзӕхты кӕмӕй байсӕрстой, ахӕм.