Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

Иов 11:1—20

11  Уӕд наамитаг+ Софар загъта:   «Ау, уыйбӕрц ныхӕстӕн дзуапраттӕг нӕ фӕуыдзӕн? Йӕхицӕй чи ӕппӕлы, уый раст разындзӕн?   Афтӕ ӕнхъӕл дӕ, ӕмӕ адӕймаг дӕ афтид ныхӕстӕй ныхъхъус уыдзӕн? Афтӕ дӕм кӕсы, ӕмӕ ды хынджылӕг кӕндзынӕ, ӕмӕ дын уайдзӕф ничи бакӕндзӕн?+   Ды зӕгъыс: „Цы амонын+, уый раст у, Дӕ цӕсты сыгъдӕг дӕн“+.   Тӕхуды, ӕмӕ Хуыцау йӕхӕдӕг исты куы зӕгъид, Йӕхӕдӕг дӕм куы ’рдзурид!+   Уӕд дын радзурид зонды сусӕгдзинӕдтӕ, Уымӕн ӕмӕ куырыхон зонд у алыхуызон. Стӕй йӕ базонис, Хуыцау дын дӕ иуӕй-иу рӕдыдтытӕ кӕй ферох кӕны+.   Дӕ бон у Хуыцауы арф зонд базонын?+ Науӕд, Ӕппӕтхъомысджын Хуыцауы кад ӕмӕ хъомыс кӕйонг ӕххӕссы, уый раиртасын?   Уыцы зонд арвӕй дӕр уӕлдӕр у, ӕмӕ дӕ бон цы у саразын? Ингӕнӕй*+ дӕр арфдӕр у, ӕмӕ дӕ бон цы у базонын?   Уый у зӕххӕй дӕр стырдӕр Ӕмӕ денджызӕй дӕр уӕрӕхдӕр. 10  Хуыцау куы рацӕуа, искӕй куы ’рцахса Ӕмӕ йӕ тӕрхоны раз куы ’рлӕууын кӕна, уӕд йӕ ныхмӕ чи фӕлӕудзӕн? 11  Уый зоны мӕнгард адӕмы+. Ӕмӕ фыдхъуыддӕгтӕ куы уына, уӕд сӕ афтӕ уадздзӕн? 12  Кӕд зебрӕйӕ искуы адӕймаг райгуырдзӕн, Уӕд ӕнӕзонд адӕймаг дӕр ӕмбаргӕ суыдзӕн. 13  Дӕ зӕрдӕ бацӕттӕ кӕн Ӕмӕ Хуыцаумӕ дӕ къухтӕ иваз+. 14  Кӕд дӕ къухы фыддзинад ис, уӕд ӕй аппар Ӕмӕ дӕ цатырты ӕвзӕрдзинадӕн бынат ма уӕд. 15  Ӕмӕ уӕд дӕ сӕрыл сыгъдӕг цӕсгомӕй схӕцдзынӕ+, Ӕрфидар уыдзынӕ ӕмӕ ницӕмӕй тӕрсдзынӕ. 16  Ферох дӕ уыдзысты дӕ мӕстытӕ дӕр. Цыма, чи аивгъуыдта, ахӕм дӕттӕ уыдысты, афтӕ ма-иу ӕрлӕудзысты дӕ зӕрдыл. 17  Дӕ царды бонтӕ ӕмбисбонӕй рухсдӕр суыдзысты+, Талынг уыдзӕн райсомы рухсы хуызӕн+. 18  Дӕ зӕрдӕ уыдзӕн сабыр, уымӕн ӕмӕ дӕ уыдзӕн ныфс. Дӕ алыварс-иу дӕ цӕст ахӕсдзынӕ ӕмӕ-иу ӕнӕмӕтӕй схуысдзынӕ+. 19  Дӕхи айваздзынӕ ӕмӕ никӕмӕй тӕрсдзынӕ. Ӕмӕ бирӕтӕ архайдзысты дӕ зӕрдӕ балхӕныныл+. 20  Фыдгӕнджытӕн сӕ цӕстырухс батайдзӕн+, Кӕдӕм алидзой, уый сын нал уыдзӕн+, Ӕмӕ ма сӕ иунӕг ныфс уыдзӕн мӕлӕт*»+.

Фиппаинӕгтӕ

Комк. «шеолӕй». Кӕс Уӕлӕмх. 8.
Комк. «сӕ уд сисын»; «уд» – дзут. не́феш. Кӕс Уӕлӕмх. 6.