Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

Иоанны 9:1—41

9  Йесо куы фӕцӕйцыд, уӕд федта, куырмӕй чи райгуырд, ахӕм адӕймаджы.  Ӕмӕ йӕ йӕ ахуыргӕнинӕгтӕ бафарстой: «Ахуыргӕнӕг+, чи сарӕзта тӕригъӕд+, ацы адӕймаг ӕви йӕ ныййарджытӕ?+ Куырмӕй цӕмӕн райгуырд?»  Йесо сын дзуапп радта: «Ацы адӕймаг нӕдӕр йӕхӕдӕг сарӕзта тӕригъӕд, нӕдӕр йӕ ныййарджытӕ, фӕлӕ афтӕ уый тыххӕй у, цӕмӕй адӕм Хуыцауы хъуыддӕгтӕ феной+.  Цалынмӕ бон у, уӕдмӕ хъуамӕ кӕнӕм, мӕн чи рарвыста, уый хъуыддӕгтӕ+. Ӕрцӕуы ӕхсӕв+, ӕмӕ уӕд ничиуал ницы сараздзӕн.  Цалынмӕ ӕз дунейы дӕн, уӕдмӕ дунейӕн дӕн рухс»+.  Йесо ацы ныхӕстӕ куы загъта, уӕд зӕхмӕ ӕрту кодта, сыджыт йӕ сӕтимӕ азмӕста, стӕй дзы уыцы лӕджы цӕстытӕ байсӕрста+  ӕмӕ йын загъта: «Ацу ӕмӕ дӕхи ныхс+ Силоамы найӕны»+ («Силоам» нысан кӕны «гуылф чи кӕны, уый»). Уый дӕр ацыд, йӕхи дзы ныхсадта+ ӕмӕ цӕстӕй ракаст, ӕмӕ фӕстӕмӕ ӕрбаздӕхт+.  Ӕмӕ йӕ сыхӕгтӕ, стӕй, раздӕр мӕгуыргур кӕй уыд, уый чи зыдта, уыдон дзырдтой: «Ай, мӕнӕ-иу ам чи бадт, уыцы мӕгуыргур нӕу?»+  Ӕмӕ сӕ иутӕ загътой: «О, уый у». Иннӕтӕ та дзырдтой: «Нӕ, уый нӕу, фӕлӕ уый хуызӕн у». Уыцы лӕг сын йӕхӕдӕг та загъта: «Ӕз уый дӕн». 10  Ӕмӕ йӕ фӕрсын райдыдтой: «Цӕстӕй куыд ракастӕ?»+ 11  Уый сын дзуапп радта: «Йесо кӕй хонынц, уыцы адӕймаг сыджыт сӕтимӕ азмӕста, мӕ цӕстытӕ мын дзы байсӕрста ӕмӕ мын загъта: „Ацу Силоаммӕ+ ӕмӕ дзы дӕхи ныхс“. Ӕмӕ ӕз дӕр ацыдтӕн, мӕхи дзы ныхсадтон ӕмӕ цӕстӕй ракастӕн». 12  Ӕмӕ йӕ уӕд бафарстой: «Кӕм ис уыцы адӕймаг?» Уый та сын загъта: «Нӕ йӕ зонын». 13  Гъемӕ, раздӕр куырм чи уыд, уыцы лӕджы фарисейтӕм акодтой. 14  Йесо сыджытӕй змӕст куы скодта ӕмӕ йӕ цӕстӕй куы ракӕсын кодта+, уыцы бон та уыди сабат+. 15  Ӕмӕ та йӕ фарисейтӕ дӕр фӕрсын райдыдтой, цӕстӕй куыд ракастӕ, зӕгъгӕ+. Уый та сын загъта: «Уыцы адӕймаг мын мӕ цӕстытӕ сыджыты змӕстӕй байсӕрста, уый фӕстӕ мӕхи ныхсадтон, ӕмӕ ныр цӕстӕй уынын». 16  Уӕд фарисейтӕй чидӕртӕ дзурын райдыдтой: «Уыцы адӕймаг Хуыцауӕй нӕу, уымӕн ӕмӕ сабаты ӕгъдау халы»+. Иннӕтӕ та дзырдтой: «Тӕригъӕдджын адӕймаг ахӕм диссӕгтӕ+ куыд хъуамӕ араза?» Гъемӕ сӕ кӕрӕдзийы ныхмӕ систы+. 17  Ӕмӕ уӕд куырм лӕджы ногӕй бафарстой: «Уыцы адӕймаг дӕ цӕстӕй ракӕсын кодта, ӕмӕ дзы цы зӕгъдзынӕ?» Ӕмӕ лӕг загъта: «Уый пехуымпар у»+. 18  Фӕлӕ дзуттӕгты разамонджытӕ уыцы адӕймагӕн цалынмӕ йӕ ныййарджытӕм нӕ фӕдзырдтой, уӕдмӕ сӕ нӕ уырныдта, куырм кӕй уыди ӕмӕ кӕй сдзӕбӕх, уый. 19  Ӕмӕ йын йӕ ныййарджыты бафарстой: «Ай уын, куырмӕй райгуырди, зӕгъгӕ, кӕмӕй зӕгъут, уыцы фырт у? Ӕмӕ уӕд ныр куыд уыны?» 20  Уыдон сын дзуапп радтой: «Нӕ фырт кӕй у ӕмӕ куырмӕй кӕй райгуырд, уый зонӕм. 21  Фӕлӕ ныр куыд уыны ӕмӕ йӕ цӕстӕй чи ракӕсын кодта, уымӕн ницы зонӕм. Йӕхи йын бафӕрсут. Сывӕллон нал у. Йӕхӕдӕг зӕгъӕд йӕхи тыххӕй». 22  Йӕ ныййарджытӕ афтӕ дзырдтой, дзуттӕгты разамонджытӕй кӕй тарстысты+, уый тыххӕй. Уымӕн ӕмӕ дзуттӕгты разамонджытӕ бауынаффӕ кодтой, Чырыстийыл ӕй чи банымайа, уый ӕмбырдгӕнӕнӕй* ратӕрдзыстӕм, зӕгъгӕ+. 23  Ӕмӕ афтӕ дӕр уымӕн загътой, сывӕллон нал у, йӕхи йын бафӕрсут, зӕгъгӕ. 24  Ӕмӕ та уӕд дыккаг хатт фӕдзырдтой, куырм чи уыди, уыцы адӕймагмӕ ӕмӕ йын афтӕ зӕгъынц: «Хуыцауы скадджын кӕн+ – зӕгъ, ӕцӕг куыд у, уый. Мах ӕй зонӕм, уыцы адӕймаг тӕригъӕдджын кӕй у». 25  Уый та сын загъта: «Тӕригъӕдджын у ӕви нӕ, уымӕн ӕз ницы зонын. Уый зонын, ӕмӕ куырм уыдтӕн, ныр та цӕстӕй уынын». 26  Уӕд ӕй уыдон бафарстой: «Цы дын сарӕзта? Цӕстӕй дӕ куыд ракӕсын кодта?» 27  Уый та сын дзуапп радта: «Радзырдтон уын ӕй, фӕлӕ мӕм сымах нӕ хъуыстат. Ӕмӕ ма мын ӕй ногӕй цӕмӕн дзурын кӕнут? Ӕви сымах дӕр уый фӕнды, ӕмӕ йӕ ахуыргӕнинӕгтӕ суат?» 28  Уӕд ын алы ӕфхӕрӕн ныхӕстӕ фӕкодтой ӕмӕ йын загътой: «Уый ды дӕ йӕ ахуыргӕнинаг, мах та Моисейы ахуыргӕнинӕгтӕ стӕм. 29  Мах ӕй зонӕм, Моисеимӕ Хуыцау кӕй ныхас кодта+, фӕлӕ ацы адӕймаг та кӕцӕй у, уымӕн ницы зонӕм»+. 30  Уыцы лӕг та сын загъта: «Диссаг дӕр уый у+, ӕмӕ, кӕцӕй у, уый кӕй нӕ зонут, афтӕмӕй та мӕн цӕстӕй ракӕсын кодта. 31  Мах ӕй зонӕм, Хуыцау тӕригъӕдджынтӕм кӕй нӕ хъусы+, фӕлӕ дзы чи тӕрсы ӕмӕ йын йӕ фӕндон чи ӕххӕст кӕны, уыдонмӕ кӕй хъусы+. 32  Рагзамантӕй фӕстӕмӕ ахӕм хабар никуы ничи фехъуыста, ӕмӕ, куырмӕй чи райгуырд, ахӕм адӕймаджы исчи цӕстӕй ракӕсын кӕна. 33  Уыцы адӕймаг Хуыцауӕй куы нӕ уаид+, уӕд йӕ бон ӕппындӕр ницы уаид аразын». 34  Уыдон та йын загътой: «Ды сӕрӕй-къӕхтӕм тӕригъӕдджынӕй куы райгуырдтӕ+, уӕд мах ахуыр кӕныс?» Ӕмӕ йӕ ратардтой!+ 35  Йесо фехъуыста, кӕй йӕ ратардтой, уый, ӕмӕ йӕ куы федта, уӕд ӕй бафарста: «Адӕймаджы Фыртыл+ ӕууӕндыс?» 36  Уыцы лӕг ын дзуапп радта: «Мӕ буц хицау, ӕмӕ чи у? Зӕгъ мын ӕй, цӕмӕй йыл баууӕндон». 37  Йесо та йын загъта: «Уынгӕ дӕр ӕй фӕкодтай, ӕмӕ демӕ ныхас дӕр уый кӕны»+. 38  Уӕд лӕг загъта: «Ӕууӕндын ыл, Хицау». Ӕмӕ йӕ разы йӕ зонгуытыл ӕрхауд+. 39  Ӕмӕ уӕд Йесо загъта: «Ӕз ацы дунемӕ уый тыххӕй ӕрцыдтӕн, цӕмӕй адӕмӕн тӕрхон кӕнынӕн+ бындур уа: цӕмӕй куырмытӕ цӕстӕй уыной+, чи уыны, уыдон та бакуырм уой»+. 40  Фарисейтӕй йӕ разы чи уыди, уыдон уыцы ныхӕстӕ куы фехъуыстой, уӕд ын афтӕ зӕгъынц: «Ӕмӕ мах дӕр куырмытӕ+ стӕм?» 41  Йесо та сын загъта: «Куырм куы уаиккат, уӕд уыл тӕригъӕд нӕ уаид. Фӕлӕ сымах зӕгъут, уынӕм+, зӕгъгӕ. Ӕмӕ уымӕ гӕсгӕ уӕ тӕригъӕд+ ис уӕ уӕлӕ».

Фиппаинӕгтӕ

Комк. «синагогӕйӕ».