Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

Захари 2:1—13

2  Ӕз акастӕн ӕмӕ федтон иу адӕймаджы, йӕ къухы уыди барӕн бӕндӕн+.  Ӕмӕ йӕ бафарстон: «Кӕдӕм цӕуыс?» Уый мын дзуапп радта: «Иерусалим сбарынмӕ, цӕмӕй базонон, йӕ уӕрх ӕмӕ йӕ дӕргъ цас у, уый»+.  Уӕд, мемӕ цы зӕд ныхас кодта, уый ацыд, ӕмӕ йӕ размӕ ӕндӕр зӕд рацыд.  Ӕмӕ йын загъта: «Азгъор ӕмӕ уыцы лӕппуйӕн зӕгъ: „Сӕ алыварс къултӕ кӕмӕн нӕй, ахӕм хъӕуты+ куыд бирӕ адӕм ӕмӕ фос вӕййы, афтӕ бирӕ адӕм ӕмӕ фос уыдзӕн Иерусалимы дӕр+.  Ӕз суыдзынӕн артӕй къул йӕ алыварс+,– зӕгъы Йегъовӕ,– ӕмӕ мӕ кадӕй байдзаг уыдзӕн“»+.  «Гъей! Гъей! Лидзгӕ кӕнут цӕгат бӕстӕйӕ»+,– зӕгъы Йегъовӕ. «Уымӕн ӕмӕ уӕ ӕз алырдӕм* ныппырх кодтон»+,– зӕгъы Йегъовӕ.  «Гъей, Сион+, Вавилоны чызгмӕ чи цӕры, уый! Лидзгӕ кӕн+,  уымӕн ӕмӕ афтӕ зӕгъы ӕфсӕдты хицау Йегъовӕ: „Хуыцау куы скадджын ис+, уӕд мӕ арвыста, сымах чи стыгъта, уыцы адӕмтӕм“+. „Сымахмӕ чи ӕвналы+, уый мын мӕ цӕстыгагуымӕ ӕвналы+.  Тымбылкъухӕй сӕм бартхъирӕн кӕндзынӕн+, ӕмӕ сӕ цагъарты амӕттаг фӕуыдзысты“+. Ӕмӕ йӕ уӕд базондзыстут, ӕфсӕдты хицау Йегъовӕ мӕ кӕй рарвыста+. 10  Фырцинӕй хъӕр кӕн, Сионы чызг+, уымӕн ӕмӕ дӕм ӕз ӕрцӕудзынӕн+ ӕмӕ де ’хсӕн цӕрдзынӕн+,– зӕгъы Йегъовӕ.– 11  Уыцы бон Йегъовӕмӕ бирӕ адӕмтӕ ӕрбаиу уыдзысты+ ӕмӕ суыдзысты мӕ адӕм+, ӕмӕ ӕз де ’хсӕн цӕрдзынӕн». Ӕмӕ йӕ уӕд базондзынӕ, ӕфсӕдты хицау Йегъовӕ мӕ кӕй рарвыста дӕумӕ+. 12  Йегъовӕ Иудӕйы йӕхи бакӕндзӕн – сыгъдӕг зӕххыл уый уыдзӕн йӕ хай+. Ӕмӕ та Иерусалим суыдзӕн йе ’взӕрст горӕт+. 13  Адӕм, уе ’ппӕт дӕр Йегъовӕйы раз ныссабыр ут+, уымӕн ӕмӕ уый+ йӕ сыгъдӕг цӕрӕнбынатӕй рацӕуы+.

Фиппаинӕгтӕ

Комк. «цыппар уӕларвон дымгӕйау».