Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

Есфир 2:1—23

2  Цасдӕры фӕстӕ, паддзах Ахашверошӕн+ йӕ маст куы ссыд, уӕд йӕ зӕрдыл ӕрлӕууыд, Вашти+ цы сарӕзта+ ӕмӕ йӕ куыд хъуамӕ бафхӕрдтаид, уый+.  Ӕмӕ паддзахӕн йӕ лӕггадгӕнджытӕ+ загътой: «Паддзахӕн ӕрыгон рӕсугъд чызджытӕ, ӕнӕвнӕлд чызджытӕ+, бацагурӕнт+.  Паддзах йӕ дӕлбар бӕстӕты+ се ’ппӕты дӕр адӕмы равзарӕд, ӕмӕ йын уыдон Сузӕйы галуанмӕ+ ӕрӕмбырд кӕнӕнт, кӕмдӕриддӕр ӕрыгон рӕсугъд чызджытӕ, ӕнӕвнӕлд чызджытӕ, ис, уыдоны. Сылгоймӕгтӕ цы хӕдзары вӕййынц, уырдӕм сӕ ӕрбакӕнӕнт ӕмӕ сӕ паддзахы фӕсдзӕуин*+ Гегайы+ бар, сылгоймӕгты хъахъхъӕнӕг чи у, уый бар бакӕнӕнт, ӕмӕ сӕ уым алыхуызон сойтӕй сӕрдӕнт.  Ӕмӕ чызджытӕй паддзахы зӕрдӕмӕ кӕцы фӕцӕуа, уый Ваштийы бӕсты паддзахы ус уыдзӕн»+. Уыцы хъуыды паддзахмӕ хорз фӕкаст, ӕмӕ афтӕ бакодта.  Сузӕйы галуаны+ уыди иу дзуттаг, Мардохей+, зӕгъгӕ. Уый уыд Вениамины мыггагӕй+ Кисы фырт Шимейӕн йӕ фырт Иаиры фырт.  Вавилоны паддзах Навуходоносор+ ӕй Иерусалимӕй Иудӕйы паддзах Йехониимӕ+ ӕмӕ иннӕ адӕмимӕ уацары ракодта+.  Мардохей хъомыл кодта+ йӕ фыдыфсымӕры+ чызг Гадассӕйы, кӕнӕ Есфиры, уымӕн ӕмӕ йын нӕдӕр фыд уыд, нӕдӕр мад. Чызг уыди хӕрзконд ӕмӕ рӕсугъд+. Йӕ фыд ӕмӕ йӕ мад куы амардысты, уӕд ӕй Мардохей йӕхицӕн райста ӕмӕ йӕ хи чызгау схъомыл кодта.  Паддзахы уынаффӕ ӕмӕ закъон куы фехъусын кодтой ӕмӕ Сузӕйы галуанмӕ+ бирӕ ӕрыгон рӕсугъд чызджыты куы ӕрӕмбырд кодтой ӕмӕ сӕ Гегайы+ бар куы бакодтой, уӕд паддзахы хӕдзармӕ ӕрбакодтой Есфиры дӕр ӕмӕ уый дӕр сылгоймӕгты хъахъхъӕнӕг Гегайы бар бакодтой.  Есфир Гегайы зӕрдӕмӕ фӕцыд ӕмӕ йӕм хорз цӕстӕй ракаст*+. Гъемӕ ӕвӕстиатӕй бафӕдзӕхста, цӕмӕй Есфиры сойӕ сӕрстаиккой+ ӕмӕ йын хуыздӕр хӕринӕгтӕ лӕвӕрдтаиккой. Паддзахы хӕдзары цы лӕггадгӕнӕг-чызджытӕ уыди, уыдонӕй йын авд равзӕрста ӕмӕ йӕ уыдонимӕ, сылгоймӕгты хӕдзары ӕппӕты хуыздӕр бынат кӕм уыд, уырдӕм ракодта. 10  Есфир йӕ адӕмы тыххӕй ӕмӕ йӕ хиуӕтты тыххӕй никӕмӕн ницы загъта+, уымӕн ӕмӕ йӕ Мардохей бафӕдзӕхста, мацы-иу зӕгъ, зӕгъгӕ+. 11  Мардохей-иу алы бон дӕр ӕрбацыд, сылгоймӕгты хӕдзары раз цы кӕрт уыд, уырдӕм, Есфир куыд у ӕмӕ йын цы кусынц, уый базонон, зӕгъгӕ. 12  Алы чызгӕн дӕр-иу паддзах Ахашверошмӕ бацӕуыны рад ӕрцыд, дыууадӕс мӕйы дӕргъы-иу ын, сылгоймагӕн цыдӕриддӕр ӕмбӕлди, уыдӕттӕ куы фӕкодтой, уӕд. Уыйбӕрц рӕстӕг-иу сӕм зылдысты ӕмӕ-иу сӕ сӕрстой сойӕ: ӕхсӕз мӕйы-иу сӕ фӕсӕрстой миррӕйы сойӕ+, ӕхсӕз мӕйы та – бальзамы сойӕ+. 13  Ӕмӕ-иу уый фӕстӕ чызг паддзахмӕ бацыд. Сылгоймӕгты хӕдзарӕй-иу паддзахы хӕдзармӕ куы цыд+, уӕд-иу ын йемӕ радтой, цыдӕриддӕр-иу ракуырдтаид, уый. 14  Изӕрӕй-иу бацыд, райсомӕй та-иу фӕстӕмӕ рацыд сылгоймӕгты дыккаг хӕдзармӕ, ӕмӕ-иу ӕй паддзахы фӕсдзӕуин+ Шаазгазы бар, номылустыты хъахъхъӕнӕг чи уыд, уый бар, бакодтой. Ӕмӕ-иу уый фӕстӕ паддзахмӕ нал бацыд, кӕд-иу ӕй паддзахы зӕрдӕ ’рцагуырдтаид ӕмӕ-иу ӕм фӕдзырдтаид, ӕндӕр+. 15  Уӕдмӕ йӕ рад ӕрцыд Есфирӕн дӕр, Мардохейӕн йӕ фыдыфсымӕр Авихаилы чызгӕн, Мардохей хи чызгау кӕй схъомыл кодта, уымӕн+. Ӕмӕ паддзахмӕ куы цыд, уӕд ницы ракуырдта+, паддзахы фӕсдзӕуин, сылгоймӕгты хъахъхъӕнӕг Гегай+ йын цы загъта, уый йеддӕмӕ. Есфиры та-иу чидӕриддӕр федта, уыдонӕн-иу сӕ зӕрдӕмӕ фӕцыд+. 16  Гъемӕ Есфиры паддзахы галуанмӕ бакодтой, паддзах Ахашверош ӕвдӕм аз+ куы уыд паддзах, уӕд, дӕсӕм мӕйы, ома теветы мӕйы. 17  Паддзах Есфиры бауарзта иннӕ сылгоймӕгтӕй се ’ппӕтӕй фылдӕр, иннӕ ӕнӕвнӕлд чызджытӕй уый хуызӕн ничи фӕцыд йӕ зӕрдӕмӕ ӕмӕ дзы ахӕм ӕнувыд уарзтӕй ӕндӕр никӕй бауарзта+. Гъемӕ йын йӕ сӕрыл ус-паддзахы худ ӕркодта, ӕмӕ Есфир Ваштийы бӕсты паддзахы ус сси+. 18  Стӕй паддзах йӕ кънйӕзтӕн ӕмӕ йӕ лӕггадгӕнджытӕн се ’ппӕтӕн дӕр Есфиры номыл стыр куывд скодта. Уымӕй уӕлдай йӕ дӕлбар бӕстӕты адӕмы ахӕстонӕй* суӕгъд кодта+ ӕмӕ, паддзахӕн куыд ӕмбӕлы, афтӕ рӕдау лӕвӕрттӕ фӕкодта. 19  Ӕнӕвнӕлд чызджыты+ дыккаг хатт куы ӕрӕмбырд кодтой, уӕд Мардохей бадти паддзахы кулдуары раз+. 20  Есфир та йӕ хӕстӕджыты ӕмӕ йӕ адӕмы тыххӕй никӕмӕн дзырдта+, Мардохей+ йӕ куыд бафӕдзӕхста, афтӕ+. Есфир Мардохейы коммӕ каст, куы йӕ хъомыл кодта, уӕд куыд каст йӕ коммӕ, афтӕ+. 21  Уыцы бонты, Мардохей паддзахы кулдуары раз куы бадт, уӕд, паддзахы фӕсдзӕуинтӕй дыууӕ, дуаргӕстӕ Бигфан ӕмӕ Тереш, паддзах Ахашверошмӕ смӕсты сты ӕмӕ йӕ марынвӕнд скодтой+. 22  Мардохей сын сӕ фыдвӕнд базыдта ӕмӕ йӕ уайтагъд паддзахы ус Есфирӕн загъта+, Есфир та йӕ Мардохейы номӕй паддзахӕн радзырдта+. 23  Хъуыддаг равзӕрстой, ӕмӕ хабар ӕцӕг разынд. Ӕмӕ уыцы дыууӕ фӕсдзӕуины хъӕдыл+ ӕрцауыгътой+. Уый фӕстӕ уыцы хабар паддзахӕн йӕхи раз азфыстыты чиныджы ныффыстой+.

Фиппаинӕгтӕ

Ам «фӕсдзӕуин»-ӕй цы дзут. дзырд ӕрцыд тӕлмац, уый амоны ӕрдызт нӕлгоймагмӕ. Кӕс 14 ст. дӕр.
Кӕнӕ «ӕмӕ йӕ Гегай ӕнувыд уарзтӕй бауарзта».
Кӕнӕ «хъалонӕй».