Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

Ездрӕ 9:1—15

9  Уыцы хабӕртты фӕстӕ мӕм кънйӕзтӕ+ ӕрбацыдысты ӕмӕ мын загътой: «Израилы адӕм, сауджынтӕ ӕмӕ левиттӕ нӕ фӕхицӕн+ сты сӕ алыварс цӕрӕг адӕмтӕй – ханаайнӕгтӕй+, хеттӕй+, ферезейтӕй+, йевусейтӕй+, аммонӕгтӕй+, моавӕгтӕй+, египетӕгтӕй+ ӕмӕ аморейтӕй+ ӕмӕ уыцы адӕмты ӕлгъаг хъуыддӕгтӕ+ нӕ ныууагътой.  Сӕ чызджыты сын сӕхицӕн ӕмӕ сӕ фырттӕн курынц+ ӕмӕ афтӕмӕй уыдон, сыгъдӕг адӕм+, иннӕ адӕмтимӕ хӕццӕ кӕнынц+. Стӕй уыцы хъуыддаджы Хуыцауыл гадзрахатӕй фыццаджыдӕр цӕуынц кънйӕзтӕ ӕмӕ дӕлбар хицӕуттӕ+ сӕхӕдӕг».  Уый куы фехъуыстон, уӕд мӕ уӕлӕдарӕс ӕрыскъуыдтон+, мӕ сӕрыхъуынтӕ+ ӕмӕ мӕ боцъотӕ ныттыдтон ӕмӕ сӕргуыбырӕй бадтӕн+.  Афтӕ сӕргуыбырӕй бадтӕн изӕры хоры кувинаг хӕссыны афонмӕ+, ӕмӕ цалынмӕ бадтӕн, уӕдмӕ мӕм адӕм ӕрӕмбырд сты – се ’ппӕт дӕр тарстысты+, уацарӕй чи ӕрыздӕхт, уыдон Израилы Хуыцауыл гадзрахатӕй кӕй рацыдысты, уый тыххӕй сын цы тӕрхон рахаста, уымӕй.  Афтӕ скъуыдтӕ дарӕсы бадгӕйӕ мӕхи куы фефхӕрдтон, уӕд изӕры, хоры кувинаг+ хӕссыны афон куы ’рцыд, уӕд сыстадтӕн. Стӕй мӕ зонгуытыл ӕрхаудтӕн+, мӕ къухтӕ мӕ Хуыцау Йегъовӕмӕ сдардтон+  ӕмӕ загътон+: «О мӕ Хуыцау, фырхудинагӕй+ дӕм скӕсын дӕр нӕ уӕндын+, мӕ Хуыцау, уымӕн ӕмӕ нӕ тӕригъӕдтӕ+ нӕ сӕрӕй уӕлдӕр систы ӕмӕ нӕ фыдракӕндтӕ уӕлӕрвты онг схӕццӕ сты+.  Нӕ фыдӕлты+ замантӕй абоны онг мах тынг аххосджын стӕм+. Нӕ тӕригъӕдты тыххӕй-иу мах нӕхӕдӕг дӕр, нӕ паддзӕхтӕ+ ӕмӕ нӕ сауджынтӕ+ дӕр иннӕ бӕстӕты паддзӕхты къухтӕм лӕвӕрд ӕрцыдыстӕм. Уыдон-иу нӕ хъамайӕ+ фӕцагътой, уацары-иу нӕ акодтой+, нӕ мулк-иу нын фӕхастой+ ӕмӕ-иу нӕ фӕхудинаг кодтой+, абон куыд у, афтӕ.  Ӕмӕ нын ныр ды, о нӕ Хуыцау Йегъовӕ, гыццыл рӕстӕгмӕ дӕ хорзӕхӕй бахай кодтай+ – дӕ фӕрцы махӕй чидӕртӕ аирвӕзтысты+ ӕмӕ нын ды ацы сыгъдӕг бынаты къӕбӕл ныкъкъуырдтай, цӕмӕй нӕ цӕстыты цӕхӕр ссыгъдаид+ ӕмӕ, цагъартӕ кӕм уыдыстӕм, уым не уӕнгты хъару бацыдаид+.  Мах стӕм цагъартӕ+, фӕлӕ нӕ ды, нӕ Хуыцау, нӕ ныууагътай+, цагъартӕ кӕм уыдыстӕм, уым, ӕмӕ нӕ де ’нувыд уарзтӕй барӕвдыдтай – афтӕ бакодтай, ӕмӕ нӕм Персы паддзӕхтӕ+ хорз цӕстӕй ракастысты. Не уӕнгты нын хъару бауагътай, цӕмӕй Хуыцауы хӕдзар сарӕзтаиккам+ ӕмӕ йын йӕ хӕлддзӕгтӕ ногӕй самадтаиккам+. Ӕмӕ нӕ Иудӕ ӕмӕ Иерусалимы фидар къулы фӕстӕ бамбӕхстай+. 10  О нӕ Хуыцау, цы ’рцыд, уый фӕстӕ ма цы хъуамӕ зӕгъӕм? Дӕ фӕдзӕхстытӕ дын куы ныууагътам+, 11  дӕ лӕггадгӕнджыты, пехуымпарты уылты кӕй радтай, уыдон. Ды загътай: „Цы зӕхмӕ цӕут, цӕмӕй сымах бауа, уыцы зӕхх сыгъдӕг нӕу, уымӕн ӕмӕ йыл цы адӕмтӕ цӕры+, уыдон сыгъдӕг не сты+, цы ӕлгъаг митӕ кӕнынц+, уыдоны тыххӕй – се ’лгъаг митӕй зӕхх иу кӕронӕй иннӕмӕ кӕй байдзаг кодтой+, уый тыххӕй. 12  Уӕдӕ уӕ чызджыты сӕ фырттӕн ма дӕттут+, стӕй сын сӕ чызджыты дӕр уӕ фырттӕн ма курут. Сабыр ӕмӕ фӕрнджын цард кӕнынӕн сын макуы ӕххуыс кӕнут+, цӕмӕй сфидар уат+ ӕмӕ уыцы зӕххы бӕркӕдтӕ хӕрат ӕмӕ ӕнустӕм уӕ фыртты бауа“+. 13  Кӕд ды, нӕ Хуыцау, мах нӕ тӕригъӕдтӕм гӕсгӕ нӕ бафхӕрдтай+ ӕмӕ мӕнӕ адоны сафын нӕ бауагътай+, уӕддӕр ныл нӕ фыдхъуыддӕгты тыххӕй ӕмӕ нӕ бирӕ фыдракӕндты тыххӕй цы ’рцыд, уый фӕстӕ+ 14  ма дын дӕ фӕдзӕхстытӕ куыд хъуамӕ халӕм ӕмӕ, ӕлгъаг хъуыддӕгтӕ чи кӕны+, уыцы адӕмты хӕстӕгӕн куыд хъуамӕ агурӕм?+ Цымӕ нӕм уӕд дӕ маст не ссудздзӕн+ ӕмӕ нӕ нӕ фесафдзынӕ, иу дӕр нӕ куыд нал баззайа+ ӕмӕ куыд нал аирвӕза, афтӕ? 15  О Йегъовӕ, Израилы Хуыцау, ды раст+ Хуыцау дӕ, уымӕн ӕмӕ абоны онг мах удӕгас стӕм. Ӕмӕ мӕнӕ дӕ разы аххосджынӕй лӕууӕм+, кӕд афтӕмӕй иуӕн дӕр йӕ бон нӕу дӕ разы лӕууын, уӕддӕр+.

Фиппаинӕгтӕ