Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

Ездрӕ 6:1—22

6  Уӕд паддзах Дари бардзырд радта ӕмӕ, Вавилоны хӕзнадоны цы къухфыстытӕ+ уыд, уыдонмӕ лӕмбынӕг ӕркастысты.  Ӕмӕ дӕлбар бӕстӕ Мидийы+, фидаргонд горӕт Екбатаны иу тыхтон ссардтой. Уыцы тыхтоны зӕрдыл дарынӕн фыст уыд ахӕм хабар:  «Паддзах Кир+ фыццаг аз куы уыд паддзах, уӕд, Хуыцауӕн Иерусалимы цы хӕдзар уыд, уый тыххӕй уынаффӕ рахаста: „Хӕдзар ногӕй саразӕнт, цӕмӕй дзы нывӕндтӕ хӕссой+. Йӕ бындур ын сфидар кӕнӕнт. Йӕ бӕрзӕнд хъуамӕ уа ӕхсай ӕлмӕрины*, йӕ уӕрх дӕр – ӕхсай ӕлмӕрины+.  Ӕртӕ рӕнхъы дзы сӕвӕрӕнт стыр дуртӕ+, иу рӕнхъ та – хъӕдтӕ+. Йӕ аразынӕн цы ӕхца бахъӕуа, уый та паддзахы хӕзнадонӕй райсӕнт+.  Хуыцауы хӕдзары цы сызгъӕрин ӕмӕ ӕвзист мигӕнӕнтӕ+ уыд, Навуходоносор+ Иерусалимы кувӕндонӕй кӕй рахаста ӕмӕ Вавилонмӕ кӕй ӕрхаста, уыдон дӕр фӕстӕмӕ Иерусалимы кувӕндонмӕ сӕ бынатмӕ ахӕссӕнт ӕмӕ сӕ Хуыцауы хӕдзары сӕвӕрӕнт“+.  Сымах та, Стыр цӕугӕдоны+ иннӕ фарс цы зӕххытӕ ис, уыдоны хицау Фафнай+, Шефар-Бознай+ ӕмӕ уе ’мбӕлттӕ, Стыр цӕугӕдоны иннӕ фарс ма цы хицӕуттӕ+ ис, уыдон, уыцы бынатмӕ хӕстӕг дӕр ма цӕут+.  Хуыцауы хӕдзар чи аразы, уыдоны ма хъыгдарут+. Уадз ӕмӕ дзуттӕгты хицау ӕмӕ сӕ хистӕр лӕгтӕ Хуыцауы хӕдзар, кӕм уыди, уым ногӕй саразӕнт.  Ӕз уын бардзырд дӕттын+, цӕмӕй дзуттӕгты хистӕр лӕгтӕн Хуыцауы хӕдзар аразынӕн ӕххуыс кӕнат: цы ӕхца сӕ хъӕуа, уый-иу сын ӕдзухдӕр+ ӕмӕ ӕвӕстиатӕй дӕттут+ паддзахы хӕзнадонӕй+, ома, Стыр цӕугӕдоны иннӕ фарс цӕрӕг адӕмтӕ цы хъалон фидынц, уымӕй.  Цыдӕриддӕр хъӕуа, Иерусалимы сауджынтӕ уӕ цыфӕнды ма курой – уӕлӕрвты Хуыцауӕн судзинаг нывӕндтӕн галтӕ+, фырытӕ+ ӕви уӕрыччытӕ+, мӕнӕу+, цӕхх+, сӕн+ ӕви сой+,– уый-иу сын алы бон дӕр дӕттут, 10  цӕмӕй уӕлӕрвты Хуыцауӕн ӕдзухдӕр+ ӕхсызгон нывӕндтӕ хӕссой+ ӕмӕ паддзахы ӕмӕ йӕ фыртты цӕрӕнбоны тыххӕй кувой+. 11  Ацы уынаффӕйы сӕрты чи ахиза+, уый тыххӕй та ӕз бардзырд дӕттын, цӕмӕй йын йӕ хӕдзарӕй хъӕд+ рафтауой ӕмӕ йӕ ууыл ӕрцауындзой+, йӕ хӕдзарӕй та йын уазӕгдон* саразой+. 12  Уыцы хӕдзар уый аккаг чи скодта, цӕмӕй дзы йӕ ном+ уа, уыцы Хуыцау фесафӕд, ацы уынаффӕйы сӕрты чи ахиза ӕмӕ, Хуыцауӕн Иерусалимы цы хӕдзар ис, уый ныппырх кӕнынмӕ+ йӕ ныфс чи бахӕсса, уыцы паддзахы ӕмӕ уыцы адӕмы. Ӕз, Дари, ныхас загътон. Ӕвӕстиатӕй йӕ сӕххӕст кӕнут». 13  Стыр цӕугӕдоны+ иннӕ фарс цы зӕххытӕ ис, уыдоны хицау Фафнай, Шефар-Бознай+ ӕмӕ се ’мбӕлттӕ ӕвӕстиатӕй бакодтой, паддзах Дари сын куыддӕриддӕр загъта, афтӕ. 14  Дзуттӕгты хистӕр лӕгтӕн+ пехуымпар Аггей+ ӕмӕ Иддойы+ фыртыфырт Захари+ цы дзырдтой, уый сын сӕ ныфсыл ныфс ӕфтыдта, ӕмӕ хӕдзар дарддӕр арӕзтой+ ӕмӕ сын бирӕ ӕнтыст. Гъемӕ, Израилы Хуыцау куыд загъта+, стӕй Кир+, Дари+ ӕмӕ Персы паддзах Артаксеркс+ куыд загътой, афтӕ арӕзтад кӕронмӕ ахӕццӕ кодтой. 15  Хӕдзар арӕзт фесты адары мӕйы+ ӕртыккаг бон, ома Дари ӕхсӕзӕм аз куы уыд паддзах, уыцы аз. 16  Израилы фырттӕ, сауджынтӕ, левиттӕ+ ӕмӕ, уацарӕй чидӕриддӕр ӕрыздӕхт+, уыдон цины бӕрӕгбон скодтой ӕмӕ Хуыцауы хӕдзар снывонд кодтой+. 17  Хуыцауы хӕдзар куы нывонд кодтой, уӕд нывондӕн ӕрхастой сӕдӕ галы, дыууӕсӕдӕ фыры ӕмӕ цыппарсӕдӕ уӕрыччы. Стӕй ма ӕгас Израилы тӕригъӕдты тыххӕй нывондӕн ӕрхастой дыууадӕс нӕл сӕгъы, Израилы мыггӕгтӕ цал сты, уал+. 18  Ӕмӕ сауджынты ӕмӕ левитты къордтӕ-къордтӕй сӕвӕрдтой+, цӕмӕй, Иерусалимы чи ис, уыцы Хуыцауӕн лӕггад кодтаиккой, Моисейы чиныджы куыд фыст ис, афтӕ+. 19  Уацарӕй чи ӕрыздӕхт, уыдон фыццаг мӕйы цыппӕрдӕсӕм бон+ Куадзӕн скодтой+. 20  Сауджынтӕ ӕмӕ левиттӕ се ’ппӕт дӕр сӕхи ссыгъдӕг кодтой+ ӕмӕ, иууылдӕр сыгъдӕг кӕй уыдысты, уымӕ гӕсгӕ, уацарӕй чидӕриддӕр ӕрыздӕхт, уыдоны тыххӕй, стӕй се ’фсымӕрты, сауджынты, тыххӕй ӕмӕ сӕхи тыххӕй дӕр Куадзӕны уӕрыкк аргӕвстой+. 21  Ӕмӕ дзы бахордтой+ Израилы фырттӕ, уацарӕй чи ӕрыздӕхт, уыдон ӕмӕ, сӕ алыварс цӕрӕг адӕмты чъизи хъуыддӕгтӕ чи ныууагъта+ ӕмӕ Израилы Хуыцау Йегъовӕйы чи бацагуырдта, уыдон се ’ппӕт дӕр+. 22  Уый фӕстӕ та сын уыд донгонд дзулты бӕрӕгбон+, ӕмӕ йӕ авд боны дӕргъы цингӕнгӕйӕ бӕрӕг кодтой, уымӕн ӕмӕ сын Йегъовӕ радта циндзинад – Ассирийы паддзахы зӕрдӕ сӕм раздӕхта+, ӕмӕ сын уый баххуыс кодта* ӕцӕг Хуыцауы хӕдзар, Израилы Хуыцауы хӕдзар, саразынӕн.

Фиппаинӕгтӕ

26,7 м бӕрц. Иу ӕлмӕрин у 44,5 см.
Кӕнӕ «къахӕвӕрӕн».
Комк. «сӕ къухтӕ фӕфидар кодта».