Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

Ездрӕ 1:1—11

1  Ацы хабар ӕрцыд, Персы паддзах Кир+ фыццаг аз куы уыд паддзах, уӕд. Йегъовӕ Йеремийы уылты цы загъта, уый цӕмӕй сӕххӕст уыдаид+, уый тыххӕй Йегъовӕ Киры сразӕнгард кодта+, ӕмӕ Кир уынаффӕ рахаста+, ныффыссын ӕй кодта+ ӕмӕ йӕ йӕ паддзахады алы ран дӕр фехъусын кодта:  «Афтӕ зӕгъы Персы паддзах Кир+: „Зӕххыл цыдӕриддӕр паддзахӕдтӕ ис, уыдон уӕлӕрвты Хуыцау Йегъовӕ+ радта мӕнӕн+ ӕмӕ мын бахӕс кодта, цӕмӕй йын Иудӕйы зӕххыл Иерусалимы хӕдзар саразон+.  Уӕдӕ уе ’хсӕн йӕ адӕмӕй чи ис, уыдонӕн сӕ Хуыцау семӕ уӕд+. Ӕмӕ ацӕуӕнт Иерусалиммӕ, Иудӕйы зӕхмӕ, ӕмӕ ногӕй саразӕнт, Израилы Хуыцау Йегъовӕйӕн – ӕцӕг Хуыцауӕн+ – Иерусалимы цы хӕдзар уыд, уый+.  Дзуттӕгтӕ ӕрцӕуӕггӕгтӕй кӕмыты цӕрынц+, уым ма чидӕриддӕр баззайа, уыдон та сӕм фӕкӕсӕнт ӕвзистӕй, сызгъӕринӕй, стӕй фосӕй ӕмӕ сӕм цыдӕриддӕр ис, уымӕй. Ӕмӕ, ӕцӕг Хуыцауӕн Иерусалимы цы хӕдзар уыд, уымӕн дӕр мысайнӕгтӕ+ раттӕнт“».  Уӕд Иудӕйы ӕмӕ Вениамины мыггаджы хӕдзарвӕндӕгты хистӕртӕ+, стӕй сауджынтӕ ӕмӕ левиттӕ – ӕцӕг Хуыцау кӕй сразӕнгард кодта+, уыдон се ’ппӕт дӕр,– сыстадысты, цӕмӕй ацыдаиккой ӕмӕ, Йегъовӕйӕн Иерусалимы цы хӕдзар уыд, уый ногӕй сарӕзтаиккой+.  Сӕ сыхӕгтӕ та сӕм фӕкастысты*+ ӕвзист дзауматӕй, сызгъӕринӕй, фосӕй ӕмӕ сӕм цыдӕриддӕр уыди, уымӕй ӕмӕ сын зынаргъ лӕвӕрттӕ скодтой. Уымӕй уӕлдай ма Хуыцауы хӕдзарӕн дӕр мысайнӕгтӕ радтой+.  Паддзах Кир та сын радта, кӕддӕр Навуходоносор Иерусалимӕй+ Йегъовӕйы хӕдзарӕй кӕй рахаста+ ӕмӕ йӕ хуыцауы кувӕндоны кӕй сӕвӕрдта, уыцы мигӕнӕнтӕ+.  Персы паддзах Кир сӕ рахӕссын кодта хӕзнадонгӕс Мифредатӕн, уый сӕ банымадта ӕмӕ сӕ Иудӕйы адӕмы сӕргълӕууӕг+ Шешбацармӕ*+ радта.  Уыдис дзы ӕртын сызгъӕрин чыргъӕды, иу мин ӕвзист чыргъӕды, дыууын фараст та ӕндӕр мигӕнӕнтӕ, 10  ӕртын гыццыл+ сызгъӕрин къусы, цыппарсӕдӕ дӕс гыццыл ӕвзист къусы, иу мин та ӕндӕр мигӕнӕнтӕ. 11  Сызгъӕрин ӕмӕ ӕвзист мигӕнӕнтӕ ӕдӕппӕтӕй уыдысты фондз мин цыппарсӕдӕ. Уыцы мигӕнӕнтӕ иууылдӕр Шешбацар+ йемӕ ахаста, Вавилоны уацары+ чи уыд, уыцы адӕмы фӕстӕмӕ Иерусалиммӕ куы кодта, уӕд.

Фиппаинӕгтӕ

Комк. «сӕ къухтӕ фӕфидар кодтой».
Езд 2:2; 3:8 у «Зоровавел».