Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

Амос 9:1—15

9  Ӕз федтон Йегъовӕйы. Уый лӕууыд нывондхӕссӕны сӕрмӕ+ ӕмӕ мын загъта: «Цӕджындзы сӕр ӕрцӕв, ӕмӕ къӕсӕртӕ базмӕлдзысты. Цӕджындзты сӕртӕ акъуыр, акъуыр сӕ иууылдӕр+. Адӕмӕй ма чи баззайа, уыдоны та хъамайӕ фӕцӕгъддзынӕн. Чи лидза, уыдонӕй иу дӕр нӕ алидздзӕн, аирвӕзыныл чи архайа, уыдонӕй иу дӕр нӕ аирвӕздзӕн+.  Зӕххы бынмӕ куы ныкъкъахой ӕмӕ ингӕны* куы бамбӕхсой, уӕд сӕ уырдыгӕй дӕр сисдзынӕн+. Уӕлӕрвтӕм куы ссӕуой – уырдыгӕй дӕр сӕ ’ркӕндзынӕн+.  Кармилы цъуппыл куы бамбӕхсой – уым дӕр сӕ ссардзынӕн ӕмӕ сӕ ’ркӕндзынӕн+. Мӕ цӕстыты разӕй денджызы бынмӕ куы айсой сӕхи+ – уым дӕр калмӕн зӕгъдзынӕн, ӕмӕ сыл фӕхӕцдзӕн.  Се знӕгтӕ сӕ уацары куы акӕной – уым дӕр хъамайӕн зӕгъдзынӕн, ӕмӕ сӕ фӕцӕгъддзӕн+. Лӕмбынӕг сӕм кӕсдзынӕн, цӕмӕй сӕ хорздзинӕдтӕ нӕ, фӕлӕ бӕллӕхты хай кӕнон+.  Дунедарӕг Хуыцау, ӕфсӕдты Хуыцау Йегъовӕ зӕхмӕ куы бавналы, уӕд зӕхх атайы+. Чидӕриддӕр ыл цӕры, уыдон хъыг кӕндзысты+. Нилы цӕугӕдон хӕрдмӕ куыд ссӕуы, афтӕ уый дӕр ӕнӕхъӕнӕй дӕр хӕрдмӕ ссӕудзӕн ӕмӕ Египеты Нилау ныссабыр уыдзӕн+.  „Уый уӕлӕрвты аразы асинтӕ+ ӕмӕ, кӕй скодта, уыцы зӕххы сӕрмӕ – агъуыст+. Уый денджызы дӕттӕм фӕсиды+, цӕмӕй сӕ зӕххыл рауадза+. Йегъовӕ у йӕ ном“+.  „Зӕгъут-ма, Израилы фырттӕ, сымахӕй ӕмӕ мын Кушы* бӕстӕйы адӕмӕй исты уӕлдай ис? – зӕгъы Йегъовӕ.– Израилы Египеты+ зӕххӕй нӕ ракодтон, филистимӕгты+ – Критӕй, ӕмӕ сириӕгты та – Кирӕй?“+  „Дунедарӕг Хуыцау Йегъовӕ лӕмбынӕг кӕсы тӕригъӕдджын паддзахадмӕ+, ӕмӕ йӕ зӕххы цъарӕй фесафдзӕн+. Фӕлӕ уӕддӕр Иаковы хӕдзарвӕндаг иууылдӕр нӕ фесафдзынӕн+,– зӕгъы Йегъовӕ.–  Ӕз бардзырд ратдзынӕн ӕмӕ Израилы адӕмы ӕппӕт адӕмты ’хсӕн сыхырнайау дыууӕрдӕм тилдзынӕн+, ӕмӕ дзы иу гыццыл дур дӕр зӕхмӕ не ’рхаудзӕн. 10  Мӕ адӕмы ’хсӕн цыдӕриддӕр тӕригъӕдджынтӕ+ ис, афтӕ чи дзуры, бӕллӕх ныл не ’рцӕудзӕн, хӕстӕг дӕр нӕм не ’рбацӕудзӕн, зӕгъгӕ, уыдон се ’ппӕт дӕр хъамайӕ ссардзысты сӕ мӕлӕт“+. 11  „Уыцы бон ӕз Давиды хӕлд+ хӕдзар+ ногӕй сараздзынӕн+ ӕмӕ, пырхытӕ кӕм у, уым ӕй бацалцӕг кӕндзынӕн. Йӕ хӕлддзӕгтӕ йын ногӕй сараздзынӕн ӕмӕ, раджы заманты куыд уыд, афтӕ та йӕ самайдзынӕн+, 12  цӕмӕй уыдоны бауой, Едомӕй ма цы баззад, уый+ ӕмӕ, мӕ ном кӕуыл ис, уыцы адӕмтӕ се ’ппӕт дӕр“+,– зӕгъы Йегъовӕ, ацы хъуыддаг чи аразы, уыцы Хуыцау. 13  „Ахӕм рӕстӕг ӕрцӕуы,– зӕгъы Йегъовӕ,– ӕмӕ-иу хуымгӕнӕг хуымы ӕрбаййафдзӕн хуымгӕрдӕджы+, сӕнӕфсир чи цъӕл кӕны, уый та – тауӕджы+. Адджын сӕн хӕхтӕй тӕдздзӕн+, ӕмӕ къуыбыртӕ тайдзысты+. 14  Мӕ адӕм Израилӕй уацары чи ис, уыдоны фӕстӕмӕ ’ркӕндзынӕн+, ӕмӕ ӕдзӕрӕг горӕттӕ ногӕй сараздзысты ӕмӕ дзы ’рцӕрдзысты+, сӕнӕфсирдӕттӕ скӕндзысты ӕмӕ сын сӕ сӕн нуаздзысты, дыргъдӕттӕ скӕндзысты ӕмӕ сын сӕ дыргъ хӕрдзысты“+. 15  „Сӕ зӕххыл сӕ ныссадздзынӕн, ӕмӕ сӕ никуыуал стондзысты, ӕз сын кӕй радтон, уыцы зӕххӕй“+,– зӕгъы дӕ Хуыцау Йегъовӕ».

Фиппаинӕгтӕ

Комк. «шеолы». Кӕс Уӕлӕмх. 8.
Кӕнӕ Ефиопийы.