Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

Аггей 2:1—23

2  Ӕвдӕм+ мӕйы дыууын фыццӕгӕм бон Йегъовӕ пехуымпар Аггейы+ уылты загъта:  «Дӕ хорзӕхӕй, Иудӕйы+ хицау Салафиилы+ фырт Зоровавелӕн+, хистӕр сауджын Иоседекы+ фырт Йесойӕн+ ӕмӕ иннӕ адӕмӕн афтӕ зӕгъ:  „Ам чи ис, уыдонӕй ацы хӕдзары раздӕры кад чи федта?+ Ӕмӕ йӕ ныр та цыхуызӕнӕй уынут? Афтӕ уӕм нӕ кӕсы, ӕмӕ, раздӕр цы уыд, уыимӕ абаргӕйӕ ницы у?“+  „Фӕлӕ ныр фидар у, Зоровавел,– зӕгъы Йегъовӕ,– фидар у+ ды дӕр, хистӕр сауджын, Иоседекы фырт Йесо“. „Сымах дӕр фидар ут, ацы бӕстӕйы адӕм,– зӕгъы Йегъовӕ,– ӕмӕ кусут“+. „Ӕз уемӕ дӕн+,– зӕгъы ӕфсӕдты хицау Йегъовӕ.–  Уӕ зӕрдыл дарут, Египетӕй куы рацыдыстут+ ӕмӕ уӕ мӕ тыхы*+ фӕрцы куы кодтон, уӕд уемӕ цы бадзырд скодтон, уый. Ма тӕрсут“»+.  «Афтӕ зӕгъы ӕфсӕдты хицау Йегъовӕ: „Иу хатт ма базмӕлын кӕндзынӕн арв ӕмӕ зӕхх, денджыз ӕмӕ сурзӕхх+, ӕмӕ уый уыдзӕн тагъд“+.  „Ӕз ӕппӕт адӕмты дӕр базмӕлын кӕндзынӕн, ӕмӕ ӕппӕт адӕмты зынаргъ хӕзнатӕ ацы хӕдзармӕ ӕрцӕудзысты+, ӕмӕ ӕз ацы хӕдзар кадӕй байдзаг кӕндзынӕн“+,– зӕгъы ӕфсӕдты хицау Йегъовӕ.  „Ӕвзист дӕр мӕн у, ӕмӕ сызгъӕрин дӕр“+,– зӕгъы ӕфсӕдты хицау Йегъовӕ.  „Ацы хӕдзар раздӕры хӕдзарӕй кадджындӕр уыдзӕн“+,– зӕгъы ӕфсӕдты хицау Йегъовӕ. „Ӕмӕ ацы ран ӕз ратдзынӕн фарн“+,– зӕгъы ӕфсӕдты хицау Йегъовӕ». 10  Дари дыккаг аз куы уыд паддзах, уӕд фарӕстӕм мӕйы дыууын цыппӕрӕм бон Йегъовӕ пехуымпар Аггейӕн+ загъта: 11  «Афтӕ зӕгъы ӕфсӕдты хицау Йегъовӕ: „Дӕ хорзӕхӕй, сауджынты-ма закъонӕй бафӕрс+: 12  „Адӕймаг йӕ уӕлӕдарӕсы фӕдджийы табуйаг дзидза куы фӕцӕйхӕсса ӕмӕ йӕ фӕдджийӕ дзул, хъӕрмхуыпп, сӕн, сой кӕнӕ ӕндӕр исты хӕринагыл куы андзӕва, уӕд уыцы хӕринаг табуйаг суыдзӕн?“»+ Ӕмӕ сауджынтӕ загътой: «Не суыдзӕн!» 13  Уӕд Аггей загъта: «Ӕмӕ зӕгъӕм, мардмӕ* бавналгӕйӕ йӕхи чи фӕчъизи кодта, уыцы адӕймаг уыдӕттӕй истӕуыл андзӕвыд, уӕд, цӕуыл андзӕвыд, уый фӕчъизи уыдзӕн?»+ Ӕмӕ йын сауджынтӕ дзуапп радтой: «О, фӕчъизи уыдзӕн». 14  Уӕд сын Аггей загъта: «„Гъе ахӕм сты мӕ разы ацы адӕм дӕр+,– зӕгъы Йегъовӕ,– сӕ хъуыддӕгтӕ дӕр ӕмӕ, нывондӕн цы хӕссынц, уыдӕттӕ дӕр иууылдӕр ахӕм сты. Чъизи сты“+. 15  „Фӕлӕ, уӕ хорзӕхӕй, абонӕй фӕстӕмӕ лӕмбынӕг хъуыды кӕнут+, Йегъовӕйы кувӕндоны дур дуры сӕрыл ӕвӕрд куы нӕма ’рцыд, уӕдмӕ цы уыд, ууыл+: 16  уӕд-иу адӕймаг хоры кӕримӕ бацыд, дыууын барӕны дзы хор уыдзӕн, зӕгъгӕ, фӕлӕ-иу дзы дӕс барӕны йеддӕмӕ нӕ уыд, сӕндуцӕнмӕ-иу бацыд, фӕндзай барӕны дзы сӕн сисдзынӕн, зӕгъгӕ, фӕлӕ-иу дзы дыууын барӕны йеддӕмӕ нӕ разынд+. 17  Уӕ зайӕгойтӕ-иу уын судзгӕ дымгӕйӕ басыгътон+, низ-иу сыл бафтыдтон+ ӕмӕ-иу сыл их ныккалдтон+, уӕ къухты фыдӕбон-иу уын фесӕфтон+. Фӕлӕ уӕ ничи раздӕхт мӕнмӕ“+,– зӕгъы Йегъовӕ. 18  „Уӕ хорзӕхӕй, абонӕй фӕстӕмӕ, фарӕстӕм мӕйы дыууын цыппӕрӕм бонӕй фӕстӕмӕ, Йегъовӕйы кувӕндоны бындур ӕвӕрд куы ’рцыд, уыцы бонӕй фӕстӕмӕ+, лӕмбынӕг хъуыды кӕнут+ ацы хъуыддагыл: 19  хордоны ма хор ис?+ Сӕнӕфсир, легъуибӕлас, гранатбӕлас ӕмӕ оливӕбӕлас дыргъ радтой? Фӕлӕ уын абонӕй фӕстӕмӕ ӕз арфӕ кӕндзынӕн“»+. 20  Уыцы мӕйы дыууын цыппӕрӕм бон+ та Йегъовӕ Аггейӕн+ загъта: 21  «Иудӕйы хицау Зоровавелӕн афтӕ зӕгъ+: „Ӕз арв ӕмӕ зӕхх базмӕлын кӕндзынӕн+. 22  Паддзӕхтӕн сӕ паддзахбадӕнтӕ афӕлдахдзынӕн ӕмӕ адӕмты паддзахӕдты тых байсдзынӕн+. Ӕз афӕлдахдзынӕн бӕхуӕрдӕттӕ ӕмӕ сыл чи бады, уыдоны, ӕмӕ бӕхтӕ ӕмӕ барджытӕ фӕцагъды уыдзысты+, алчи сӕ йе ’фсымӕры хъамайӕ ссардзӕн йӕ мӕлӕт“»+. 23  «„Мӕ лӕггадгӕнӕг, Салафиилы+ фырт Зоровавел+,– зӕгъы ӕфсӕдты хицау Йегъовӕ,– уыцы бон дӕ ӕз ракӕндзынӕн,– зӕгъы Йегъовӕ,– ӕмӕ мын уыдзынӕ мыхуыримӕ къухдарӕны+ хуызӕн, уымӕн ӕмӕ ӕз дӕу равзӕрстон“+,– зӕгъы ӕфсӕдты хицау Йегъовӕ»+.

Фиппаинӕгтӕ

Дзут. ру́ах. Кӕс Уӕлӕмх. 7.
Комк. «мард удмӕ».