Сӕйраг ӕрмӕгмӕ рахиз

Йегъовӕйы Ӕвдисӕнтӕ

Ӕвзаг равзар ирон

Библи ахуыр кӕнынмӕ цы хауы?

Библи ахуыр кӕнынмӕ цы хауы?

Йегъовӕйы Ӕвдисӕнтӕ иннӕтимӕ Библи кӕй ахуыр кӕнынц, уый фӕрцы бирӕтӕ сӕ фарстатӕн дзуапп базонынц, зӕгъӕм:

  • Чи у Хуыцау?

  • Хуыцау мыл ӕцӕгдӕр тыхсы?

  • Мӕ бон цы у саразын, цӕмӕй мӕ цардӕмбалимӕ кӕрӕдзи хуыздӕр ӕмбарӕм?

  • Мӕ бон цы у саразын, цӕмӕй амондджын уон?

Дӕлдӕр ис, Библи ахуыр кӕныны тыххӕй арӕхдӕр цы фарстатӕ фӕдӕттынц, уыдонӕн дзуапп.

Ахуыр куыд фӕцӕуы? Равзарӕм темӕ, зӕгъӕм, «Хуыцау» кӕнӕ «бинонтӕ» ӕмӕ уый фӕдыл Библийы алыхуызон стихтӕм ӕркӕсӕм. Афтӕмӕй базонӕм, Библи уыцы темӕйы фӕдыл цы дзуры, уый.

Библи ахуыр кӕнӕм чиныджы ӕххуысӕй «Библи бӕлвырдӕй цы дзуры?». Ацы чиныг ӕмбарын кӕны, Хуыцауы, Йесо Чырыстийы ӕмӕ нӕ фидӕны тыххӕй Библийы цы фыст ис, уый ӕмӕ ма бирӕ ӕндӕр фарстатӕ дӕр.

Библийы ахуырӕн цас фидын хъӕуы? Ахуыр дӕр ӕмӕ литературӕ дӕр сты лӕвар.

Ахуыр цас рӕстӕг фӕцӕуы? Бирӕтӕ алы къуыри дӕр фӕахуыр кӕнынц иу сахаты бӕрц. Фӕлӕ адӕймаг цас рӕстӕг ахуыр кӕндзӕн, уый йӕхицӕй кӕнгӕ у. Демӕ ахуыр кӕндзыстӕм, дӕу цас фӕнда, уыйбӕрц.

Библи ахуыр кӕныны тыххӕй курдиат куы ныффыссон, уӕд дарддӕр цы уыдзӕн? Библи ахуыр кӕныны тыххӕй курдиат куы ныффыссай, уӕд дӕм Йегъовӕйы Ӕвдисӕнтӕй исчи ’бацӕудзӕн, кӕд ӕмӕ дӕ кӕм фӕнды, уырдӕм. Уый дын цалдӕр минутмӕ равдисдзӕн, ахуыр куыд фӕцӕуы, уый. Куы дӕ бафӕнда, уӕд дарддӕр демӕ ахуыр кӕндзӕн.

Библи ахуыр кӕнын куы райдайон, уӕд ӕнӕмӕнг хъуамӕ Йегъовӕйы Ӕвдисӕн суон? Нӕ. Йегъовӕйы Ӕвдисӕнтӕ уарзынц адӕмимӕ Библи ахуыр кӕнын, фӕлӕ нӕ динмӕ тыххӕй никӕй кӕнӕм. Уӕзданӕй дзурӕм, Библийы цы фыст ис, уый, уымӕн ӕмӕ ӕмбарӕм, алы адӕймагӕн дӕр бар кӕй ис, цӕмӕй равзара, цӕуыл ӕууӕнддзӕн, уый (1 Петры 3:15).