Перейти к основным материалам

Перейти к содержанию

 10 СӔРГОНД

Раст дин базонун куд ӕнгъезуй?

Раст дин базонун куд ӕнгъезуй?

1. Раст дин еунӕг ӕй ӕви цалдӕр ӕнцӕ?

«Уӕхе хезетӕ мӕнгӕ пахампартӕй» (МАТФЕЙЙИ 7:15)

Йесо бундор ӕрӕвардта ӕрмӕстдӕр еунӕг динӕн – раст динӕн. Еци дин ӕнгъезуй рабарун, ӕносон цардмӕ ка кӕнуй, уӕхӕн нади хӕццӕ. Йесо куд загъта, уомӕ гӕсгӕ еци над беретӕ не ’ссерунцӕ (Матфеййи 7:14). Хуцау ӕ лӕггадгӕнгутӕбӕл нимайуй, ӕ Дзурдмӕ гӕсгӕ ин ка ковуй, ӕрмӕстдӕр уони. Ӕцӕг Хуцауӕн ка лӕггадӕ кӕнуй, уони кӕрӕдзебӕл бӕттуй еу дин. Бакӕсӕ Иоанни 4:23, 24; 14:6; Ефесӕгтӕмӕ 4:4, 5.

Бакӕсӕ видеороликмӕ «Цума Хуцау ӕгас динтӕй дӕр арази ӕй?»

2. Йесо мӕнгӕ киристӕнтти туххӕй ци загъта?

«Етӕ устур цъухӕй дзорунцӕ, Хуцауи зонӕн, зӕгъгӕ, фал сӕ гъуддӕгтӕй ба бӕрӕг ӕй, ке ’й нӕ зонунцӕ, е» (ТИТМӔ 1:16)

Йесо Киристе дзурдта, зӕгъгӕ, фӕззиндзӕй мӕнгӕ пахампартӕ ӕма киристон дин ниххӕлхъой кӕндзӕнцӕ. Уони ӕцӕг киристӕнттӕй рартасун алкӕд ӕнцон нӕ фӕууй, уомӕн ӕма етӕ дӕр сӕхе ӕцӕг киристӕнттӕ фӕххонунцӕ. Фал си ӕцӕг ка ӕй ӕма ка нӕй, уой ба уӕддӕр ес базонӕн. Кутемӕй? Хуарз бӕласӕ ӕ рӕзӕй бӕрӕг куд фӕууй, уотӕ ӕцӕг киристӕнттӕ дӕр сӕ гъуддӕгтӕ ӕма сӕ менеугутӕй бӕрӕг фӕуунцӕ. Бакӕсӕ Матфеййи 7:13–23.

3. Раст динбӕл хуӕст ка ӕй, уони куд ӕнгъезуй базонун?

Ӕркӕсӕн фондз гъуддагемӕ:

  • Раст динбӕл хуӕст адӕм ӕууӕндунцӕ, Библи Хуцауи Дзурд ке ӕй, уобӕл. Етӕ цӕрунцӕ Библий уагӕвӕрдтӕмӕ гӕсгӕ. Ӕма уомӕй хецӕн кӕнунцӕ, адӕм сӕхуӕдтӕ ци динтӕ ӕргъуди кодтонцӕ, уонӕй. (Матфеййи 15:7–9). Раст динбӕл хуӕст адӕм се ’ууӕндундзийнадӕ гъуддӕгтӕй ӕвдесунцӕ. Бакӕсӕ Иоанни 17:17; 2 Тимофеймӕ 3:16, 17.

  •   Ӕцӕг киристӕнттӕ кадӕ кӕнунцӕ Хуцауи номӕн. Киристе дӕр Хуцауи номӕн кадӕ кодта ӕма ’й адӕмӕн ӕргом кодта. Уотемӕй син ӕнхус кодта, цӕмӕй Хуцауи базудтайуонцӕ. Уомӕй уӕлдай ма сӕ разӕнгард кодта ковун, цӕмӕй Хуцауи ном исрохс адтайдӕ (Матфеййи 6:9). Кӕми цӕрис, уоми Хуцауи ном адӕмӕн ка ӕргом кӕнуй? Бакӕсӕ Иоанни 17:26; Ромӕгтӕмӕ 10:13, 14.

  • Раст динбӕл хуӕст ка ӕй, еци адӕм игъосун кӕнунцӕ Хуцауи Паддзахади хабар. Хуцау Киристей зӕнхӕмӕ уой туххӕй рарвиста, цӕмӕй адӕмӕн ӕ Паддзахади туххӕй хуарз хабар игъосун кодтайдӕ. Ӕрмӕстдӕр Хуцауи Паддзахадӕ искӕндзӕй кӕрон адӕми гъезӕмӕрттӕн. Йесо ӕ мӕлӕти уӕнгӕ дӕр еци Паддзахади туххӕй дзурдта (Лукай 4:43; 8:1; 23:42, 43). Удта ӕ фӕдбӕлдзӕугутӕн дӕр ниффӕдзахста, цӕмӕй еци хуарз хабар игъосун кӕнонцӕ. Абони цӕхуӕн динбӕл хуӕст адӕм дзорунцӕ Хуцауи Паддзахади туххӕй иннӕ адӕмӕн? Бакӕсӕ Матфеййи 24:14.

  • Ӕцӕг киристӕнттӕ дуйнейӕй сӕхе еуварс дарунцӕ. Политики гъуддӕгти ӕма аллихузи змӕнстити нӕ архайунцӕ (Иоанни 17:16; 18:36). Удта ӕнӕгъдау цард нӕ кӕнунцӕ ӕма аци дуйней зундбӕл дӕр нӕ цӕунцӕ. Бакӕсӕ Иакови 4:4.

  • Раст динбӕл хуӕст адӕм кӕрӕдзей хуӕртӕ ӕма ӕнсувӕрти хузӕн уарзунцӕ. Етӕ алли адӕмихаттӕн дӕр аргъ кӕнунцӕ, Хуцауи Дзурд сӕ куд ахур кӕнуй, уотӕ. Мӕнгӕ динбӕл хуӕст ка ӕй, етӕ сӕ кӕрӕдзей хӕццӕ тохгӕ дӕр фӕккӕнунцӕ, ӕцӕг киристӕнттӕ ба сӕ къохмӕ тохӕндзаумау нӕ есунцӕ (Михей 4:1–3). Уомӕй уӕлдай ма сӕ рӕстӕг ӕма сӕ хъауритӕ не ’вгъау кӕнунцӕ адӕмӕн ӕнхус кӕнунмӕ ӕма син сӕ нифс федар кӕнунмӕ. Бакӕсӕ Иоанни 13:34, 35; 1 Иоанни 4:20.

4. Дӕ бон куд ӕй раст дин базонун?

Кӕци динбӕл хуӕст адӕм дзорунцӕ, Хуцауи Дзурди ци финст ес, ӕрмӕстдӕр уой? Кенӕ Хуцауи ном ка кадгин кӕнуй ӕма ин ӕ Паддзахади туххӕй ка игъосун кӕнуй? Кӕци динбӕл хуӕст адӕмӕй ес зӕгъӕн, кӕрӕдзей хуӕртӕ ӕма ӕнсувӕрти хузӕн ке уарзунцӕ ӕма тохӕндзаумау сӕ къохмӕ ке нӕ есунцӕ? Бакӕсӕ 1 Иоанни 3:10–12.