Перейти к основным материалам

Перейти к содержанию

 18 СӔР

Зин сахат не ’нсувӕртӕн куд банхус кӕнӕн?

Зин сахат не ’нсувӕртӕн куд банхус кӕнӕн?

Доминикани Республикӕ

Япони

Гаити

Ести бӕллӕх ку ’рцӕуй, уӕд Йегови Ӕвдесӕнтӕ еци фӕдбӕл сӕ хуӕртӕ ӕма се ’нсувӕртӕмӕ ӕнхусмӕ фӕззиннунцӕ. Уомӕй бӕрӕг ӕй, кӕрӕдзей ӕцӕг уарзтӕй ке уарзунцӕ, е (Иоанни 13:34, 35; 1 Иоанни 3:17, 18). Не ’нсувӕртӕн уӕхӕн уавӕрти куд банхус кӕнӕн?

Ӕхцайӕй сӕмӕ фӕккӕсӕн. Фиццаг ӕноси Иудейи стонг рӕстӕг ку адтӕй, уӕд Антиохий цӕрӕг киристӕнттӕ се ’нсувӕртӕн уордӕмӕ ӕхца ӕрвистонцӕ (Гъуддӕгтӕ 11:27–30). Абони мах дӕр уӕхӕн хабӕрттӕ ку фегъосӕн, ӕма кӕмидӕр нӕ хуӕртӕ ’ма не ’нсувӕртӕ зин уавӕри бахаудтӕнцӕ, уӕд, ӕмбурди ци нисайнӕгтӕ ниввӕрӕн, уонӕй син рарветӕн ӕма син сӕ зин уотемӕй фӕррӕуӕгдӕр кӕнӕн (2 Коринфӕгтӕмӕ 8:13–15).

Сӕ фарсмӕ балӕууӕн. Бӕллӕх кӕми ӕрцӕуй, уоми ӕмбурди хестӕр нӕлгоймӕгтӕ байархайунцӕ, цӕмӕй се ’мбурди сӕ хуӕртӕ ӕма се ’нсувӕрти иссеронцӕ ӕма, ци уавӕрти ’нцӕ, уой базононцӕ. Ӕнхуси комитет алцидӕр искӕнуй, цӕмӕй син уа хуӕруйнаг, дон, дзаумӕуттӕ ӕма, кӕми цӕронцӕ, е, удта ма сӕ кӕд хуастӕ ӕма дохтири ӕнхус гъӕуй, уӕд е дӕр. Ӕвдесӕнтӕй беретӕ уӕхӕн рауӕнмӕ сӕхе харзӕй рандӕ унцӕ ӕма се ’нсувӕрти фарсмӕ балӕуунцӕ. Зӕгъӕн, сӕ хӕдзӕрттӕ ӕма син сӕ Паддзахади залтӕ исрӕвдзӕ кӕнунцӕ. Нӕ организаций еудзийнадӕ ке ес ӕма берӕ гъуддӕгти еумӕ ке архайӕн, уой фӕрци нӕ бон фӕууй уӕхӕн уавӕрти уайтагъд ӕнхусмӕ фӕззиннун. Мах, не «’ууӕндундзийнади фӕрци еу бийнонти хузӕн ке хӕццӕ» цӕрӕн, айдагъ уони фарсмӕ нӕ балӕууӕн. Гӕнӕн ӕма амал ку фӕууй, уӕд иннетӕн дӕр банхус кӕнӕн, цийфӕнди динбӕл хуӕст ма уонцӕ, уӕддӕр (Галатӕгтӕмӕ 6:10).

Сӕ нифс син бафедар кӕнӕн Хуцауи Дзурдӕй. Адӕймагбӕл ести бӕллӕх ку ’рцӕуй, уӕд ӕй уӕлдай хъӕбӕрдӕр фӕгъгъӕуй бафедар кӕнун. Уӕхӕн рӕстӕг нин Йеговӕ, «уодӕнцойнӕдӕттӕг Хуцау», раттуй хъауритӕ, цӕмӕй иннети нӕ бон уа федар кӕнун (2 Коринфӕгтӕмӕ 1:3, 4). Тухст уавӕри ка фӕууй, уонӕн сӕ нифс бафедар кӕнӕн, Библий федӕни туххӕй ци финст ес, уомӕй. Сӕ зӕрдӕбӕл син ӕрлӕуун кӕнӕн, тагъд Хуцауи Паддзахадӕ кӕрон ке искӕндзӕй ӕгас бӕллӕхтӕн дӕр ӕма адӕм гъезӕмарӕ ке нӕбал кӕндзӕнцӕ (Раргомадӕ 21:4).

  • Ести бӕллӕх ку ’рцӕуй, уӕд Йегови Ӕвдесӕнтӕ еци фӕдбӕл ӕнхусмӕ цӕй фӕрци фӕззиннунцӕ?

  • Бӕллӕхи ка бахауй, уонӕн сӕ нифс куд бафедар кӕнӕн?