Перейти к основным материалам

Перейти к содержанию

 4 СӔР

«Нӕуӕг дуйней тӕлмац» мухури цӕмӕн рауагътан?

«Нӕуӕг дуйней тӕлмац» мухури цӕмӕн рауагътан?

Конго (Киншасӕ)

Руандӕ

Симмахи тӕлмаци скъуддзаг грекъаг ӕвзагбӕл, Псаломи 69:31 си ес Хуцауи ном (нӕ эри ӕртиккаг кенӕ цуппӕрӕймаг ӕнос)

Берӕ ӕнзти дӕргъи Йегови Ӕвдесӕнтӕ мухури уагътонцӕ ӕма парахат кодтонцӕ Библий аллихузи тӕлмацтӕ. Фал рӕстӕг ку рацудӕй, уӕд ӕй балӕдӕрдтӕнцӕ, хуӕздӕр тӕлмац ке гъӕуй, уой. Адӕмӕн банхус кӕнун гъудӕй, «рӕстдзийнадӕ ци ӕй, уой бӕлвурдӕй базонун», уомӕн ӕма е Хуцауи фӕндон ӕй (1 Тимофеймӕ 2:3, 4). Ӕма уомӕ гӕсгӕ 1950 анзи англисаг ӕвзагбӕл мухури рацудӕй «Нӕуӕг дуйней тӕлмац»-ӕн ӕ еу хай. Е ӕй раст ӕма ӕнцонлӕдӕрӕн тӕлмац. Нур ӕй 130 ӕвзагемӕй фулдӕребӕл, уой хӕццӕ ба ма ирон ӕвзагбӕл дӕр.

Гъудӕй ӕнцонлӕдӕрӕн тӕлмац. Рӕстӕг куд цӕуй, уотӕ адӕмӕн се ’взаг ӕййевгӕ кӕнуй. Библий тӕлмацти ба берӕ ес, адӕм ке нӕ лӕдӕрунцӕ ӕма ке нӕбал фӕдздзорунцӕ, уӕхӕн дзурдтӕ. Уомӕй уӕлдай ма ахургӕндтӕ рагон къохфинститӕ иссирдтонцӕ ӕма уони фӕрци хуӕздӕр лӕдӕрун райдӕдтонцӕ, Библи ци рагон ӕвзӕгтӕбӕл финст ӕрцудӕй, уони – дзиуиттаг, арамейаг ӕма грекъаг ӕвзӕгтӕ.

Гъудӕй, Хуцауи дзурдтӕ раст тӕлмацгонд кӕми ӕрцудайуонцӕ, уӕхӕн Библи. Тӕлмацгӕнгутӕ гъӕуама раст тӕлмац кӕнонцӕ, Хуцау ӕ Дзурди ци ниффинсун кодта, уой ӕма си маци ӕййевонцӕ. Фал, гъигагӕн, Библий тӕлмацтӕй сӕ фулдӕрӕй уотӕ зӕгъӕн нӕййес. Ка сӕ тӕлмац кодта, етӕ си Хуцауи ном, Йеговӕ, рандӕ кодтонцӕ.

Гъудӕй, Хуцауӕн кадӕ ка хастайдӕ, уӕхӕн тӕлмац (2 Самуили 23:2). Библий тӕккӕ рагондӕр къохфинстити Йегови ном ӕмбӕлуй 7 000 хаттей бӕрцӕ (кӕсӕ дӕлдӕр хузӕмӕ). Ӕма «Нӕуӕг дуйней тӕлмац»-и дӕр Хуцауи ном ниффинстонцӕ, еци къохфинстити кӕмидӕриддӕр ӕмбалдӕй, уоми (Псалом 83:18). Еци тӕлмацбӕл ка архайдта, етӕ берӕ ӕнзти дӕргъи хъӕбӕр берӕ ӕрмӕг рартастонцӕ, ӕма сӕ хъиамӕт дзӕгъӕли нӕ фӕцӕй. Хуцауи гъудитӕ си уотӕ ӕнцон лӕдӕрӕн ӕнцӕ, ӕма сӕ адӕймаг кӕсунӕй нӕ фефсӕдуй. «Нӕуӕг дуйней тӕлмац» дӕмӕ дӕхе ӕвзагбӕл ес ӕви нӕ, уӕддӕр хуарз уайдӕ, Йегови Дзурд алли бон дӕр ку кӕсисӕ (Йесо Навин 1:8; Псалом 1:2, 3).

  • Библи нӕуӕгӕй ратӕлмац кӕнун цӕмӕн багъудӕй?

  • Хуцауи фӕндон зонун ке фӕндуй, уони алли бон дӕр ци гъӕуй кӕнун?