Перейти к основным материалам

Перейти к содержанию

 12 СӔР

Хуцауи унаффитӕй пайда кӕнтӕ

Хуцауи унаффитӕй пайда кӕнтӕ

Ӕмбесӕндти киунуги ци унаффитӕ ес, етӕ нин нӕ царди пайда хӕссунцӕ. Еци киунугӕн ӕ фулдӕр хай ниффинста Соломон

ЦУМА Йегови разамунд тӕккӕ хуӕздӕр ӕй? Аци фарстабӕл дзуапп базондзинан, ци унаффитӕ нин дӕттуй, уонӕмӕ ку ’ркӕсӕн, уӕд. Цума еци унаффитӕмӕ гӕсгӕ ку архайӕн, уӕд нӕ цард амондгундӕр уодзӕй? Зундгин паддзах Соломон ниффинста, нӕ царди алли фӕззелӕни дӕр нин пайда ка уодзӕй, уӕхӕн ӕмбесӕндтӕ. Ӕркӕсӕн си цалдӕремӕ.

Уӕ зӕрдӕ Йеговӕбӕл даретӕ. Кӕд нӕ зӕрдӕ алкӕддӕр Йеговӕбӕл дарӕн, уӕд зӕгъӕн ес, ӕма Хуцау не ’мбал ӕй. Соломон ниффинста: «Дӕ зӕрдӕ ӕгасӕй дӕр дарӕ Йеговӕбӕл ӕма дӕхе зундӕй нифсгун ма уо. Дӕ алли къахдзӕфбӕл дӕр ӕй дӕ зӕрдӕбӕл дарӕ, ӕма дин дӕ над раст кӕндзӕй» (Ӕмбесӕндтӕ 3:5, 6). Нӕ зӕрдӕ Йеговӕбӕл ку дарӕн, ӕ разамунд ин ку агорӕн ӕма имӕ ку игъосӕн, уӕд уодзинан амондгун. Уотӕ ку архайӕн, уӕд Йеговӕн уодзӕй фадуат, цӕмӕй Сайтани фауӕн дзубандитӕн дзуапп ратта (Ӕмбесӕндтӕ 27:11).

Иннети хӕццӕ лимӕнӕй цӕретӕ. Хуцау нӕлгоймӕгтӕн, силгоймӕгтӕн ӕма сувӕллӕнттӕн ци унаффитӕ равардта, етӕ мах рӕстӕги куд пайда ’нцӕ, уотӕ некӕд. Хуцау алли нӕлгоймаги дӕр фӕдзӕхсуй, цӕмӕй ӕ уосӕбӕл ӕ зӕрдӕ макӕд исӕййева: «Цийнӕ кӕнӕ дӕ уосӕбӕл, де ’ригон бонти дӕ цард ке хӕццӕ байеу кодтай, уобӕл» (Ӕмбесӕндтӕ 5:18–20). Ӕмбесӕндти киунуги ма финст ӕй, хӕдзари силгоймаг цӕхуӕн гъӕуама уа, цӕмӕй си ӕ лӕг ӕма ӕ сувӕллӕнттӕ сӕрбӕрзонд уонцӕ (Ӕмбесӕндтӕ, 31 сӕр). Сувӕллӕнттӕн дӕр си ес унаффӕ, цӕмӕй сӕ ниййергутӕмӕ игъосонцӕ (Ӕмбесӕндтӕ 6:20). Аци киунугӕй бӕрӕг ӕй, иннети хӕццӕ лимӕнӕй ке гъӕуама цӕрӕн, уотӕ ка нӕ кӕнуй, е ба хеуарзон адӕймаг ке ӕй (Ӕмбесӕндтӕ 18:1). Фал ӕмбӕлттӕ агоргӕй гъӕуама зундӕй архайӕн, уомӕн ӕма нӕбӕл сӕ зундахаст кенӕ хуарзӕрдӕмӕ, кенӕ лӕгъузӕрдӕмӕ рабӕрӕг уодзӕй (Ӕмбесӕндтӕ 13:20; 17:17).

Ӕгъдаугин цард кӕнтӕ. Ӕмбесӕндти киунуги куд финст ӕй, уомӕ гӕсгӕ гъӕуама нӕхе фудниуӕзтӕй хезӕн, хуарз ци ӕй, уобӕл сагъӕс кӕнӕн ӕма уӕн кустуарзагӕ (Ӕмбесӕндтӕ 6:6; 14:30; 20:1). Удта ма си финст ес, адӕймаг унаффитӕ Хуцауи разамундмӕ гӕсгӕ ку нӕ хӕсса, фал ӕ зӕрдӕ ӕрмӕстдӕр ӕхебӕл ку дара, уӕд ӕй е бӕллӕхтӕмӕ ке ӕркӕндзӕй (Ӕмбесӕндтӕ 14:12). Удта ма нӕ разӕнгард кӕнуй, цӕмӕй нӕ зӕрдӕ ихӕлд гъудитӕй гъӕуай кӕнӕн, «уомӕн ӕма уоми игурунцӕ царди сауӕдӕнттӕ» (Ӕмбесӕндтӕ 4:23).

Милиуангай адӕм еци унаффитӕмӕ гӕсгӕ цӕрун райдӕдтонцӕ ӕма сӕ цард фӕххуӕздӕр ӕй. Уомӕ гӕсгӕ сӕ идарддӕр фӕндуй Йегови разамундмӕ гӕсгӕ архайун.

Ӕмбесӕндтӕ.