Перейти к основным материалам

Перейти к содержанию

Зӕрдиагӕй заретӕ!

Зӕрдиагӕй заретӕ!

«Хуарз ӕй нӕ Хуцауӕн зарун» (ПС. 147:1).

ЗАРТӔ: 10, 2

1. Зартӕ нин цӕхуӕн фадуат дӕттунцӕ?

ЕУХАТТ еу зундгонд зарфинсӕг загъта: «Дзурдтӕ адӕймаги сагъӕси ӕфтаунцӕ. Музыкӕ гъаруй зӕрдӕмӕ. Зар ба сагъӕси дӕр ӕфтауй ӕма зӕрдӕмӕ дӕр гъаруй». Нӕ уӕларвон Фидӕ Йеговӕн кади зартӕ ку фӕззарӕн, уӕд уомӕй ӕвдесӕн, кадӕ ин ке кӕнӕн ӕма ’й ке уарзӕн. Уой фӕрци имӕ хӕстӕгдӕр кӕнӕн. Мадта дессаг дӕр нӕй, зартӕн нӕ лӕггади уӕхӕн устур бунат ке ес, уӕлдай нӕй, нӕхуӕдтӕ зарӕн ӕви нӕ хуӕртӕ ма не ’нсувӕрти хӕццӕ.

2, 3. а) Еуӕй-еуетӕн иннети рази зарун зин цӕмӕн фӕууй? б) Аци статьяй цӕхуӕн фарстатӕмӕ ӕркӕсдзиан?

2 Фал, ка ’й зонуй, ӕфсӕрми ке кӕнис, уой туххӕй ӕмбурди зарунмӕ дӕ нифс нӕ хӕссис. Еуӕй-еу адӕнихӕттитӕмӕ нӕлгоймӕгтӕ иннети рази зарунмӕ ӕфсӕрми фӕккӕнунцӕ. Е, гӕнӕн ес, ӕма ӕгас ӕмбурдбӕл дӕр рабӕрӕг уа, уӕлдайдӕр ба хестӕр нӕлгоймӕгтӕ ку нӕ заронцӕ кенӕ, зари рӕстӕг ӕндӕр хабӕртти ку уонцӕ, уӕд (Пс. 30:12).

3 Кади зартӕ зарун дӕр нӕ лӕггадӕмӕ хауй. Уомӕ гӕсгӕ архайдзиан, цӕмӕй зари рӕстӕг ӕндӕмӕ ма цӕуӕн  кенӕ ӕмбурди еци хаймӕ ма ӕрӕгӕмӕ кӕнӕн. Фал ни уӕддӕр алкедӕр гъӕуама ӕхе бафӕрса: «Ӕмбурди заргӕ ке фӕккӕнӕн, уомӕ цӕхуӕн цӕстӕй кӕсун? Иннети рази зарунмӕ ӕфсӕрми ку кӕнон, уӕд мӕ бон ци ӕй кӕнун? Ӕма мӕ бон куд ӕй зӕрдиагӕй зарун?»

ЗАРТӔ ХАУНЦӔ НӔ ЛӔГГАДӔМӔ

4, 5. Рагидзаманти израилӕгтӕн сӕ лӕггади зартӕн цӕхуӕн бунат адтӕй?

4 Рагӕй нурмӕ дӕр еузӕрдон лӕггадгӕнгутӕ Йеговӕн кади зартӕ кодтонцӕ. Израилӕгтӕ Йеговӕн еузӕрдонӕй ку лӕггадӕ кӕниуонцӕ, еци рӕстӕгути зартӕ сӕ лӕггади устур бунат ахӕстонцӕ. Зӕгъӕн, паддзах Давид ковӕндонӕн ӕрмӕг ку цӕттӕ кодта, уӕд рахецӕн кодта 4 000 левитти, цӕмӕй рӕсугъд музыкӕй Йегови кадгин кодтайуонцӕ. Уонӕй 288 адӕймаги «исахур кодтонцӕ Йеговӕн зарун ӕма се ’гас дӕр еци гъуддаги адтӕнцӕ дӕсни» (1 Анз. 23:5; 25:7).

5 Ковӕндонӕ ку исцӕттӕ ’й ӕма ’й Йеговӕн ку нивонд кодтонцӕ, уӕд дӕр си музыкӕ ӕма зартӕ адтӕй. Библий финст ес: «Йегови кадгин кӕнгӕй ӕма ин арфӕ кӕнгӕй уадиндзити зӕлтӕ ӕма заргӕнгути гъӕлӕстӕ ку байеу ӕнцӕ ӕма ӕмхузӕнӕй ку райгъустӕнцӕ, ӕма уадиндзити уастмӕ, ӕрхи тӕбӕгъти ӕма музыкалон инструментти цагъдмӕ Йегови кадӕн ку низзардтонцӕ... уӕд Йегови хӕдзарӕ мегъӕй байдзаг ӕй». Расагъӕс кӕнӕ, еци бон израилӕгтӕн се ’ууӕндундзийнадӕ куд бафедар ӕй! (2 Анз. 5:13, 14; 7:6).

6. Йерусалими фӕрстӕ амад ку фӕцӕнцӕ, уӕд Нееми ци бакодта?

6 Йерусалими фӕрстӕ нӕуӕгӕй ку амадтонцӕ, уӕд еци куститӕн разамунд Нееми лӕвардта. Уомӕй уӕлдай ма Нееми левитти ӕрӕмбурд кодта, цӕмӕй музыкалон инструменттитӕбӕл цагътайуонцӕ ӕма Йеговӕн кади зартӕ кодтайуонцӕ. Йерусалими фӕрстӕ амад ку фӕцӕнцӕ ӕма сӕ Йеговӕн ку нивонд кодтонцӕ, еци бон дӕр хъӕбӕр устур цийни бон адтӕй. «Хуцауӕн ка арфӕ кодта, еци заргӕнгути [Нееми] дууӕ устур къуаребӕл рахецӕн кодта». Ӕма еци дууӕ къуари горӕти фарсбӕл цудӕнцӕ, еу къуар еуӕрдӕмӕ иннӕ ба иннердӕмӕ, цалинмӕ ковӕндони рази нӕ фембалдӕнцӕ, уӕдмӕ. Ӕма еци рӕстӕги сӕ зарун исеу ӕй ӕма хъӕбӕр идардмӕ игъустӕй (Неем. 12:27, 28, 31, 38, 40, 43). Ке зӕгъун ӕй гъӕуй, Йеговӕн хъӕбӕр ӕхцӕуӕн адтӕй, ӕ лӕггадгӕнгутӕ ин куд зӕрдиагӕй зардтонцӕ, уой игъосун.

7. Киристе куд бавдиста, Хуцауӕн ковӕг адӕнӕн зартӕ сӕ лӕггади устур бунат ке ахӕссунцӕ, уой?

7 Киристей рӕстӕги дӕр зартӕн устур бунат адтӕй. Ӕргъуди кӕнай, историй тӕккӕ ӕхсидзгӕдӕр изӕр ци ’рцудӕй, уой. Киристе ӕ мӕлӕт Имисӕн изӕр ку ӕрфедар кодта, уӕд, уой фӕсте ӕ апостолти хӕццӕ Хуцауӕн кади зартӕ кодта. (Бакӕсӕ Матфеййи 26:30.)

8. Фиццаг ӕноси киристӕнттӕн зартӕ сӕ лӕггади цӕхуӕн бунат ахӕстонцӕ?

8 Фиццаг ӕноси киристӕнттӕ кади зартӕй Хуцауи куд кадгин кодтонцӕ, уомӕй нин фӕнзуйнаг ӕнцӕ. Етӕ хӕдзӕртти ӕмбурд кодтонцӕ. Ӕма кӕд еци хӕдзӕрттӕ ковӕндони хузӕн рӕсугъд ӕма дессаг н’ адтӕнцӕ, уӕддӕр син е зӕрдиагӕй зарунмӕ къулумпий хуасӕ ӕппундӕр н’ адтӕй. Апостол Павел  сугъдӕг хъаури разамундӕй киристӕнттӕн ниффинста: «Кӕрӕдзей ахур кӕнтӕ ӕма федар кӕнтӕ псаломтӕй, кади зартӕй ӕма зӕрдӕмӕгъаргӕ дини зартӕй ӕма Йеговӕн зӕрдибунӕй заретӕ» (Кол. 3:16). Нӕ зарти киунуги ци зартӕ ес, етӕ дӕр ӕнцӕ «зӕрдӕмӕгъаргӕ дини зартӕ» ӕма сӕ гъӕуама зӕрдиагӕй зарӕн. Уомӕй бӕрӕг уодзӕй, Йеговӕй боз ке ан, е. Етӕ дӕр хаунцӕ, «ӕууӕнкгун ӕма зундгин цагъар» афойнадӕбӕл ке дӕттуй, еци хуӕруйнагмӕ (Матф. 24:45).

ЗАРУНМӔ ӔФСӔРМИ КУ КӔНАЙ

9. а) Еуӕй-еуетӕ ӕмбурдти ӕма конгрессти зарун ӕфсӕрми цӕмӕн фӕккӕнунцӕ? б) Цӕхуӕн хумӕтӕг унаффитӕ дин банхус кӕндзӕнцӕ зӕрдиагӕй зарун ӕма еци гъуддаги фӕнзуйнаг ка гъӕуама уа? (Кӕсӕ хузӕмӕ статьяй райдайӕни.)

9 Адӕймаг зарунмӕ цӕмӕн фефсӕрми кӕнуй? Ка ’й зонуй, уӕ бийнонтӕ кенӕ уӕ адӕнихатт зарунбӕл ахур нӕ ’нцӕ. Кенӕ ба, ӕвӕдзи, дӕ нифс басӕттуй, зундгонд заргутӕ куд зарунцӕ, уой хӕццӕ дӕхе ку рабарис, уӕд. Кудфӕнди ма уа, уӕддӕр нин е рӕуонӕ гъӕуама ма уа, цӕмӕй Йеговӕн кади зартӕ ма кӕнӕн. Мадта заруни афон дӕ зарти киунугӕ дӕ къохмӕ райсӕ, дӕ сӕрбӕл уӕлдӕр исхуӕцӕ ӕма зӕрдиагӕй низзарӕ! (Езд. 3:11; Бакӕсӕ Псалом 147:1). Абони не ’мбурдтӕ кӕми фӕууадзӕн, еци бунӕттӕй сӕ фулдӕри зарти дзурдтӕ февдесунцӕ экранбӕл. Уой фӕрци зарун ӕнцондӕр ӕй. Дессаг е ӕй, ӕма хестӕр нӕлгоймӕгтӕн ци скъола фӕууй, уоми дӕр ӕнсувӕртӕ заргӕ фӕккӕнунцӕ, уомӕн ӕма еци гъуддаги дӕр гъӕуама ӕмбурдӕн фӕнзуйнаг уонцӕ.

10. Иннети рази зарунмӕ нӕ нифс ку нӕ хӕссӕн, уӕд нӕ зӕрдӕбӕл, ци гъӕуама дарӕн?

10 Еуӕй-еуетӕ гъӕрӕй нӕ фӕззарунцӕ, уомӕн ӕма куд зарунцӕ, е сӕхе зӕрдӕмӕ нӕ цӕуй, ӕма тӕрсунцӕ,  иннети сӕхемӕ ку ’ркӕсун кӕнонцӕ, уомӕй. Фал расагъӕс кӕнӕ еу гъуддагбӕл: «дзурдӕй ка нӕ рӕдуйуй», уӕхӕн адӕймаг нӕййес, фал уой туххӕй гъосӕй неке фӕллӕууй (Иак. 3:2). Мадта уӕд зарунмӕ хуарз ке нӕ арӕхсӕн, е уобӕл дзорӕг нӕй, ӕма нур гъӕуама Йеговӕн кади зартӕ мабал кӕнӕн.

11, 12. Цӕмӕй нин хуӕздӕр зарун уайа, уой туххӕй нин цӕхуӕн хумӕтӕг унаффитӕ банхус кӕндзӕнцӕ?

11 Зарунмӕ ма еуӕй-еухатт фефсӕрми кӕнӕн, зарун куд гъӕуй, уой ке нӕ фӕззонӕн, уой туххӕй дӕр. Фал нин цӕмӕй хуӕздӕр зарун уайа, уой туххӕй нин цалдӕр хумӕтӕг унаффи банхус кӕндзӕнцӕ.

12 Цӕмӕй дин гъӕрдӕр ӕма рӕсугъддӕр зарун уайа, уой туххӕй дӕ гъӕуй раст уолӕфун. Токки фӕрци цирагъ куд исцӕфсуй, уотӕ уолӕфти фӕрци дӕр адӕймагӕн ӕ дзурд игъусуй. Адӕймаг куд гъӕрӕй фӕдздзоруй, заргӕ дӕр гъӕуама уотӕ гъӕрӕй кӕна кенӕ никки гъӕрдӕр. Цӕмӕй раст уолӕфун исахур уай, уой туххӕй бавзарӕ уотӕ бакӕнун: ӕррӕстӕ ислӕууӕ, дӕ усхъитӕ исраст кӕнӕ ӕма уотӕ исуолӕфӕ, цӕмӕй дӕ рӕугути бунггаг хай дӕр уӕлдӕфӕй байдзаг уа. Ӕндӕмӕ сабургай рауолӕфӕ, еу рауолӕфтӕн, цӕйбӕрцӕ дӕ бон ӕй, уойбӕрцӕ фулдӕрмӕ куд ранимайай, уотӕ. Библи дӕр нӕ разӕнгард кӕнуй Йеговӕн «игъӕлдзӕгӕй зарун», гъома гъӕрӕй (Пс. 33:1–3).

13. Ци дин банхус кӕндзӕй гъӕрӕй ӕма зӕрдиагӕй зарун?

13 Еунӕгӕй ку уай, уӕд кенӕ дӕ бийнонти ахури рӕстӕг еу гъуддаг бавзарӕ. Зарти киунугӕй дӕ зӕрдӕмӕ фулдӕр ка цӕуй, еци зар равзарӕ. Ӕ дзурдтӕ ин гъӕрӕй ӕма зӕрдиагӕй бакӕсӕ. Удта еумӕ заргӕ ка ’нцӕ, еци дзурдтӕ дӕр гъе уотӕ гъӕрӕй, еу уолӕфтбӕл радзорӕ. Уой фӕсте ба сӕ заргӕ дӕр гъе уотӕ ракӕнӕ (Ис. 24:14). Дӕхуӕдӕг ӕй фӕууиндзӕнӕ, хуӕздӕр зарун дин куд уайдзӕй, уой. Ӕма уоми тӕрсун кенӕ ӕфсӕрми кӕнун нӕ гъӕуй!

14. а) Цӕмӕй дин дзӕбӕхдӕр зарун уайа, уой туххӕй гъӕлӕс хъӕбӕрдӕр игон кӕнун цӕмӕн гъӕуй? (Кӕсӕ рамкӕ « Хуӕздӕр зарун мин кутемӕй уайдзӕй?».) б) Дӕумӕ гӕсгӕ ма ци ӕнгъезуй бакӕнун, цӕмӕй дин хуӕздӕр зарун уайа?

14 Цӕмӕй дин хуӕздӕр зарун уайа,  уой туххӕй гъӕлӕс дзӕбӕх игон кӕнун гъӕуй. Ес ма еу хуарз унаффӕ дӕр: дзоргӕ-дзоргӕй дӕ гъӕлӕс куд фегон кӕнис, уомӕй хъӕбӕрдӕр ӕй игон кӕнӕ, заргӕ ку кӕнай, уӕд. Фал дӕмӕ уотӕ ку кӕса, ӕма дин ӕгӕр сабур кенӕ гъӕргӕнагӕ гъӕлӕс ес, удта? Архайӕ, цӕмӕй заргӕ-заргӕй дӕхе ма нихъхъӕбӕр кӕнай. Удта бавзарӕ ӕхгӕд гъӕлӕсӕй разарун, «м-м-м», зӕгъгӕ, ӕрмӕст дӕ билтӕ ӕгӕр ма нилхъевӕ. Гъӕуама уотӕ зарай, дӕ сӕр ӕма дӕ реугудур куд зир-зир кӕнонцӕ. Иронх ди ма уӕд раст уолӕфун дӕр.

ЙЕГОВИ КАДӔН ЗӔРДИАГӔЙ ЗАРӔ

15. а) 2016 анзи ӕрвиланзон фембӕлди ци фегъосун кодтонцӕ? б) Зарти киунугӕ нӕуӕгӕй рауадзун цӕмӕн багъудӕй?

15 2016 анзи ӕрвиланзон фембӕлди, Разамонӕг советӕй ӕнсувӕр Стивен Летт фегъосун кодта, нӕуӕг зарти киунугӕ ке рацудӕй, «Йеговӕн зӕрдиагӕй заретӕ», зӕгъгӕ. Ӕнсувӕр Летт куд балӕдӕрун кодта, уомӕ гӕсгӕ, нӕуӕг зарти киунугӕ рауадзун багъудӕй, «Библи – Нӕуӕг дуйней тӕлмац» нӕуӕгӕй ке рауагътонцӕ, уой туххӕй. Зартӕмӕ нӕуӕгӕй ӕркастӕнцӕ ӕма си рандӕ кодтонцӕ, «Нӕуӕг дуйней тӕлмаци»  ка нӕбал ӕмбӕлуй, еци дзурдтӕ. Уомӕй уӕлдай ма си бафтудтонцӕ зартӕ игъосун кӕнуни гъуддаги туххӕй ӕма, Киристей нивондӕн куд аргъ кӕнӕн, уой туххӕй. Зартӕн нӕ лӕггади уӕхӕн устур бунат ке ес, уомӕ гӕсгӕ ма Разамонӕг совет унаффӕ рахаста, цӕмӕй нӕ зарти киунугӕн ӕ конд никки хуӕздӕр исуа. Ӕма нур хузӕй ӕй «Нӕуӕг дуйней тӕлмаци» хузӕн.

16, 17. Нӕуӕг зарти киунуги цӕхуӕн ӕййивдтитӕ искодтонцӕ?

16 Цӕмӕй зарти киунугӕй ӕнцондӕр пайда кӕнӕн уа, уой туххӕй си зартӕ дехгонд ӕнцӕ темитӕмӕ гӕсгӕ. Зӕгъӕн, фиццаг 12 зари ӕнцӕ Йегови туххӕй, иннӕ 8 зари Киристей ӕма ӕ нивонди туххӕй ӕма уотӕ идарддӕр. Ес ма си, зартӕ цӕхуӕн темитӕмӕ гӕсгӕ дехгонд ӕнцӕ, уой список. Уой фӕрци, радзубанди ка фӕццӕттӕ кӕнуй, еци ӕнсувӕртӕн зар равзарун ӕнцондӕр фӕууй.

17 Цӕмӕй зартӕ адӕймаги зӕрдӕмӕ никки хуӕздӕр гъаронцӕ, удта кӕцидӕр дзурдбӕститӕ ӕнцондӕр лӕдӕрӕн уонцӕ, уой туххӕй си кӕмӕндӕрти сӕ текст дӕр ӕййивд ӕрцудӕй. Кӕцидӕр ӕвзӕгтӕбӕл нӕуӕг зарти киунуги раййивтонцӕ, адӕн кӕмӕй нӕбал пайда кӕнунцӕ, уӕхӕн дзурдтӕ ӕма дзурдбӕститӕ. Зар «Дӕ зӕрдӕ гъӕуай кӕнӕ» ка хундтӕй, е нур хуннуй «Нӕ зӕрдитӕ гъӕуай кӕнӕн». Цӕмӕн? Уомӕн ӕма еци зар заргӕй, уотӕ уадӕй, цума адӕймаг иннетӕн зунд амонуй. Не ’мбурдти ӕма конгрессти ба фӕууй, Библи ӕрӕги ахур кӕнун ка райдӕдта кенӕ фиццаг хатт ка ’рбацудӕй, уӕхӕн адӕн, удта сувӕллӕнттӕ ӕма хуӕртӕ дӕр. Ӕма уӕхӕн зундамонӕн зартӕ кӕнун уонӕбӕл неци уотӕ федудта. Уомӕ гӕсгӕ зарӕн ӕ ном дӕр ӕма ӕ дзурдтӕ дӕр ӕййивд ӕрцудӕнцӕ.

Бийнонти ахури рӕстӕг зартӕ ахур кӕнтӕ (кӕсӕ 18 абзац)

18. Нӕуӕг зарти киунуги зартӕ ахур кӕнун цӕмӕн гъӕуй? (Кӕсӕ феппайуйнаг.)

18 Нӕуӕг зарти киунуги зартӕй беретӕ ӕнцӕ кувди хузӕн. Еци зарти фӕрци адӕймаги бон ӕй Йеговӕн зӕгъун, ӕ зӕрди ци ес, уой. Уомӕй уӕлдай ма си ес, «уарзондзийнадӕмӕ ӕма хуарз гъуддӕгтӕмӕ» ка разӕнгард кӕнуй, уӕхӕн зартӕ дӕр (Дзиуит. 10:24). Ке зӕгъун ӕй гъӕуй, алкедӕр ни фӕндуй нӕ зарти мелодитӕ ӕма дзурдтӕ исахур кӕнун. Ӕма сӕ хӕдзари ку зарай, уӕд дин ӕмбурди дӕр уайдзӕй зӕрдиагӕй зарун *.

19. Ӕмбурди алке бон дӕр куд ӕй Йегови кадгин кӕнун?

19 Мадта гъӕуама ма иронх кӕнӕн, зартӕн дӕр нӕ лӕггади устур бунат ке ес. Зарти фӕрци нӕ бон ӕй Йеговӕн ӕвдесун, куд боз си ан ӕма ’й куд уарзӕн, уой. (Бакӕсӕ Исаййи 12:5.) Зӕрдиагӕй ку зарӕн, уӕд ма, ӕфсӕрми ка кӕнуй, уони дӕр уотӕ зарунмӕ разӕнгард кӕндзиан. Ӕмбурди зари рӕстӕг ӕригӕнттӕн, каргунтӕн ӕма рӕстдзийнадӕ ӕрӕги ка базудта, уонӕн дӕр сӕ бон ӕй Йегови кадгин кӕнун. Уомӕ гӕсгӕ зӕрдиагӕй зарунмӕ ӕфсӕрми ма кӕнӕ. Хуцауи сугъдӕг хъаури разамундӕй псаломзаргӕнӕг ниффинста: «Заретӕ Йеговӕн» (Пс. 96:1). Гъӕйдӕ мадта мах дӕр зӕрдиагӕй зарӕн!

^ 18 абз. Конгресси алли хаййи райдайӕни дӕр рауадзунцӕ, дӕс минутти ка цӕуй, уӕхӕн музыкалон заставкӕ, цӕмӕй нӕ бон уа нӕхе зарунмӕ ӕрцӕттӕ кӕнун. Еци музыкӕ оркестр фӕццӕгъдуй ӕма уой фӕрци нӕ бон фӕууй нӕ зунд ӕма нӕ зӕрдӕ конгресси программӕмӕ бацӕттӕ кӕнун. Уомӕ гӕсгӕ еци рӕсугъд музыки райдайӕнмӕ гъӕуама нӕ бунӕттӕ байахӕссӕн ӕма имӕ лӕмбунӕг байгъосӕн.