Библи ци дзоруй?
Цума Хуцау алке кувдтитӕ дӕр игъосуй?
КУД ДӔМӔ КӔСУЙ, КЕ КУВДТИТӔ ИГЪОСУЙ?
Алкедӕр
Еуӕй-еуети
Неке
БИБЛИЙ ФИНСТ ЕС
«Йеговӕ хӕстӕг ӕй... рӕстдзийнадӕмӕ гӕсгӕ имӕ ка ковуй, уонӕмӕ се ’гасемӕ дӕр» (Псалом 145:18).
БИБЛИЙӔЙ МА ЦИ ЕС БАЗОНӔН?
Йеговӕ не ’гъосуй, ӕ нихмӕ ка цӕуй, уони кувдтитӕ (Исай 1:15). Фал уони бон дӕр ӕй Хуцауи хӕццӕ «радзубани кӕнун ӕма гъуддӕгтӕ равзарун», гъома сӕ лӕгъуз гъуддӕгтӕ ниууадзун (Исай 1:18).
Нӕ кувдтитӕ Хуцауи фӕндонмӕ гӕсгӕ ку уонцӕ, уӕд нӕ игъосдзӕй. Ӕ фӕндон ба финст ӕй Библий (1 Иоанни 5:14).
Хуцаумӕ кутемӕй гъӕуама ковӕн?
ЕУӔЙ-ЕУЕТӔМӔ УОТӔ КӔСУЙ, ӕма Хуцаумӕ ковгӕй адӕймаг гъӕуама ӕ уӕргутӕбӕл ӕрлӕууа, ӕ сӕр ӕргубур кӕна кенӕ ӕ къохтӕ кӕрӕдзебӕл ӕрӕвӕра. Дӕумӕ ба куд кӕсуй?
БИБЛИЙ ФИНСТ ЕС
Хуцау, ка имӕ ковуй, уони кувдтитӕ цийфӕнди хузи дӕр фегъосдзӕй, адӕймаг бадгӕ кӕна, лӕугӕ кӕна, хъан уа ӕви ӕ уӕргутӕбӕл лӕууа, уӕддӕр (1 Анзфинстити 17:16; 2 Анзфинстити 30:27; Ездрӕ 10:1; Гъуддӕгтӕ 9:40). Хуцау ни нӕ агоруй, цӕмӕй имӕ цидӕр бӕлвурд хузи ковӕн.
БИБЛИЙӔЙ МА ЦИ ЕС БАЗОНӔН?
Хуцау игъосуй, сӕрниллӕг ка ӕй, уони кувдтитӕ (Псалом 138:6).
Дӕ бон ӕй цийфӕнди ӕвзагбӕл дӕр ковун, сауӕнгӕ ма дӕхе нимӕр дӕр (2 Анзфинстити 6:32, 33; Нееми 2:1–6).
