Ikuegbe rẹ Aghwoghwo ri Jesu
Yono erọnvwọn efa kpahen Jesu Kristi, Ọmọ rẹ Ọghẹnẹ kugbe Osivwin rẹ ihworakpọ vwẹ ẹbẹre sansan rẹ ividio nana.
Ikuegbe rẹ Aghwoghwo ri Jesu—Ọdjẹkoko rẹ Ẹbẹre Sansan Rọyen
Mrẹ oborẹ Ikuegbe rẹ Akpeyeren ri Jesu vwọ teyenphia vwẹ ividio ro vwo ẹbẹre sansan ro shekpahen Jesu Kristi.
Ikuegbe 1: Urhukpẹ rẹ Uyota rẹ Akpọ Na
Mavọ yen e che se vwo sivwin ihworakpọ vrabọ rẹ umwemwu rẹ Adamu soro? Mesaya na ọvo yen iphiẹrophiyọ rẹ ihworakpọ.
Ikuegbe 2: “Ọnana Ọmọ Mẹ”
Jọn ro Brẹ Ihwo Phiyame muegbe rẹ idjerhe phiyotọ vwọ kẹ Mesaya na. Mrẹ erọnvwọn rẹ igbevwunu sansan re phiare vwẹ ọtonphiyọ rẹ iruo rẹ aghwoghwo ri Jesu vwẹ otọrakpọ na!
Ikuegbe 3: ‘Mẹvwẹ Yen Ohwo Na’
Jesu dje ẹdia rọ kare kerẹ Mesaya na vwọ kẹ Nikodimọs, aye ri Sameria ọvo, kugbe ihwo re dia Nazarẹt, ẹkẹvuọvo imihwo ri vwo ẹwẹn ro fori yen rhiabọreyọ. O vwo ru igbevwunu ọvo ro wene akpeyeren rẹ ihwo nu, o de durhie ihwiyerin evo re vwomakpotọ nẹ ayen nene ọyen.
Ikuegbe 4: “Fikirẹ Ọnana yen me Vwọ Rhe”
Jesu dje ẹgba rọyen phia womarẹ ọ vwọ reyọ vwo sivwin ihwo je djẹ ẹwẹn rẹ Idẹbono nẹ ihwo oma. Ẹkẹvuọvo, ihwo vwọso iruo rọyen je guọnọ idjerhe rẹ ayen vwọ tenyọ hwe. Fikirẹ arodọvwe rode rọyen vẹ ena iyoyovwin ro vwo yono, o de rhi vwo idibo buebun, je sane iyinkọn 12.
Ikuegbe 5: “Obo ro Yono Ihwo Wan de Gbe Ayen Unu”
Jesu vwo sivwin otu buebun na nu o de yono ayen. Obo ro yono fẹnẹ oborẹ iyono rẹ ayen yonori dibidibi. O gbe ayen unu mamọ ayen vwọ mrẹ obo rọ ta ota vẹ ogangan, reyọ idje vwo ruiruo je reyọ oborẹ ayen rhiẹromrẹ kẹdẹ kẹdẹ vwo yono ayen.
Ikuegbe 6: “Wẹwẹ Yen Ohwo rọ Cha Na?”
Jesu dje ẹgba rọyen phia rọ vwọ rhọvwọn ihwo ri ghwuru. Iruo rẹ igbevwunu kugbe uvi rẹ iyono rọyen cha ihwo rẹ kerhọ rọyen uko vwọ riẹn oka rẹ ihwo rẹ ayen ghene hepha. Jesu reyọ idje vwo dje ẹbẹre sansan rẹ Uvie na phia.
Ikuegbe rẹ Aghwoghwo ri Jesu—Umughe rẹ Ividio Sansan
Ni umughe rẹ ividio rẹ ikuegbe rẹ aghwoghwo ri Jesu nana rọ nẹrhẹ a sa nabọ vwo ẹruọ rẹ ikuegbe rọyen.
