La stòria e la predicassion de Gesù
In questa bela sèrie de vìdei, impara de pi sora Gesù Cristo, che l’è el Fiol de Dio e el Salvador dela umanità.
La stòria e la predicassion de Gesù — Cossa te ndarè veder in questa sèrie?
In questa bela sèrie de vìdei, varda come che la era la vita de Gesù de acordo coi Vangeli.
Vìdeo 1: La vera luce del mondo
Come che le persone le sarà perdonade del pecato vegnesto par meso de Adon? El Messia l’è la ùnica speransa.
Vìdeo 2: “Questo l’è el me Fiol”
Gioani, el Batesador, el ga parecià la strada par el Messia. Varda che robe maraveiose le ga sucedesto quando el Messia el ga scominsià la so predicassion qua nela Tera!
Vìdeo 3: “Questo son mi”
Gesù el dise a Nicodemo, a una dona de Samaria e ale persone de Nasarè che lu l’è el Messia, ma sol poche persone ghe crede. Lu el fà miràcoli de maraveiarse e dopo el convida ùmili pescadori par ndarghe drio a lu.
Vìdeo 4: “Son vegnesto aposta par quela”
Gesù el mostra el so poder curando le persone e mandando via demoni. Ma arquanti i va contra el so laoro e i vol coparlo. Con tanta compassion e una bela maniera de insegnar, Gesù el fà dissìpoli e el scòlie i 12 apòstoli.
Vìdeo 5: ‘I ze restadi maraveiadi cola so maniera de insegnar’
Dopo de curar tante persone, Gesù el insegna de una maniera che le persone no le ga mai visto prima. Lore le resta maraveiade cola so autorità, coi esempi che el dopera e coi consili che el dà.
Vìdeo 6: “Sito ti quel che el ga de vegner?”
Gesù el mostra el so poder sora la morte. I so miràcoli e i so insegnamenti i mostra quel che le persone che lo scolta le ga nel cuor. Gesù el insegna sora el Regno par meso de ilustrassion.
Tocheti dela sèrie de vìdei: La stòria e la predicassion de Gesù
Varda i tocheti dei vìdei che i ne mostra come la era la vita de Gesù, de acordo coi Vangeli.
