Bɔ Ɔhɔleso Wɔ Yesu Asetena Nu
Nyameɛ awa Yesu Kristo bɔ ɔte sona agyenkwa ne, sua yenwo dwirɛ pee wɔ vidio bɔ ɔkɔwa ndoɔtoasoɛ he anu.
Bɔ Ɔhɔleso Wɔ Yesu Asetena Nu—Vidio Nanwo Dwirɛ Kãa
Kyɛbɔ Nzɛmba nna ne kã Yesu nwo dwirɛ ne, yayɛ ye nwo vidio kama bie, na wɔ nye kɔgye ye nwo paa.
Bue 1: Nahorɛ Kanea Bɔ Ɔba Wiase
Atee beni aso yeɛ bekole adasa bekofi bɔne bɔ benya befili Adam berɛ nanu ɔ? Mɛsaya ne yeɛ ɔte adasama anyelasoɛ komapɛ ɔ.
Vidio 2: “Ɛhe Yeɛ Ole Mma ne”
Yohane Suboniɛ siesiele atee nu mane Mɛsaya ne. Ma yɛnea nningyein bɔ ɔhɔleso koraka Yesu hyɛ ye asɛnga adwuma nabo ne!
Vidio 3: “Me Yeɛ Ole Ye”
Yesu maa Nikodemo, Samarianiɛ brasua ne, ɔne Nasarɛtefoɛ nemɔ nwuni kyɛ ye yeɛ ole Mɛsaya ne, nakoso bɛbɔ bele ahone pá ne ngome yeɛ belɛle ye bɛtole nu ɔ. Mmerɛ bɔ ɔyɛle anwanwadeɛ bie yiele ne, ɔha hyirele bɛbɔ bɛkyɛ egyein ne kyɛ beeli yesi.
Vidio 4: “Ɛhe Ati Yeɛ Mmale Ɔ”
Tumi bɔ ne Yesu le ye ne, ɔfa sale mmenia anwonyerɛ, na otuli sunzummɔne. Nakoso ne ebiemɔ nye ngye bɔ ɔyɛ nanwo, yeti bɛbɔle yenwo porɛ kyɛ bekohu ye. Ne Yesu se ngyerɛkyerɛ paa, na ne onwu mmenia anwumvoin koso, ɛhe maa onyane asuafoɛ pee, na ɔyele benu 12 maa bɛɛyɛle ye asomafoɛ.
Vidio 5: ‘Bɛnwo Dwirili Bɛ Wɔ Ye Ngyerɛkyerɛ Nanwo’
Mmerɛ bɔ Yesu sale mmeni lɔen ne anwonyerɛ yiele ne, ɔhane nzɛmba ne bie hyirele bɛ. Na atee bɔ ɔfale so hyirehyirele bɛ ne, né asɔfo mbanyi nemɔ yɛlle sɔ bie le. Né ole akokoduro paa, na ne ɔtaa fa mvandoho di dwumaa. Afei koso, ɔbokale bɛ maa benwuni kyɛbɔ bɛkɔfa ye dwirɛ ne bɛkɔyɛ adwuma ɔ. Na ɛhe maa bɛnwo dwirili bɛ.
Vidio 6: ‘Aso Wɔ Yeɛ Ole Bɔ Ɔ́ba Ne?’
Yesu tingyele mmenia fili ewue nu fa hyerele kyɛ ole ewue so tumi. Na anwanwadeɛ bɔ ɔyɛle, ɔne ye ngyerɛkyerɛ ne maa onwuni bɔ ne ɔwɔ bɛbɔ ne betie ye ne ahone nu ɔ. Afei koso, ɔyɛle mvandoho pee fa hyirehyirele Nyameɛ Ahennie nanu.
Bɔ Ɔhɔleso Wɔ Yesu Asetena Nu—Vidio Ne Nye So Kãa
Kyɛbɔ Nzɛmba nna ne kã Yesu nwo dwirɛ ne, yayɛ ye nwo vidio kama bie, na wɔ nye kɔgye ye nwo paa.
