Lumu luimpe luamba kudi Yezu
Mu filme muimpe wa bitupa bia bungi eu, neumanye malu a bungi adi atangila Yezu Kristo Muana wa Nzambi udi Musungidi wa bukua bantu.
Filme wa 1: Butoke bulelela bua ba pa buloba
Mmunyi muvuabu mua kupandisha bukua bantu ku mpekatu mukebesha kudi Adama? Masiya ke ditekemena dimuepuele bua bukua bantu.
Filme 2: “Eu mMuananyi”
Yone Mubatiji ulongoluela Masiya njila. Mona malu a kukema adi aleja ntuadijilu wa mudimu wa kuyisha wa Yezu pa buloba!
Filme 3: “Meme ke yeye”
Yezu kumpala kua Nikodemo, kua mukaji muena Samalea ne kua bena mu tshimenga tshia Nazaleta, ubaleja mudiye ne mudimu wa Masiya. Kadi anu bantu bakese bavua bakaje muoyo wabu ke badi bamuitaba. Yeye mumane kuenza tshishima tshivua tshishintulule nsombele wa balobi, wakalomba balobi aba bua kumulonda.
Filme 4: “Ke tshindi muluile”
Yezu uleja bukole buende bua kuondopa bantu ne kuipata bademon. Kadi bamue badi baluisha mudimu wende ne bamuelela tshifufu bua kumushipa. Yezu wakenzela bantu malu avua aleja muvuaye ne luse lua bungi, wakabalongesha kabidi bimpe bitambe, ke yeye kubavuija bayidi ne kusungulaye bapostolo 12.
Filme 5: “Bakakema bua mushindu uvuaye ulongesha”
Yezu mumane kuondopa musumba munene wa bantu, wakabanga kulongesha bantu mu mushindu uvua nansha umue wa ku balongeshi babu kayi muanji kubalongesha to. Bakakema bua bukokeshi buende, bua bilejilu bivuaye ufila, ne bua muvuaye ubaleja mushindu wa kutumikila malongesha ende mu nsombelu wabu wa matuku onso.
Filme 6: “Wewe ke Yeye udi ulua anyi?”
Yezu uleja bukole buende bua kujula bantu ku lufu. Bishima biende ne malongesha ende mimpe biakasokolola malu avua mu meji a bantu bavua bamuteleja. Yezu wakumvuija malu a Bukalenge ku diambuluisha dia bilejilu.
