He parau ꞌāpī riva-riva haka ꞌite e Ietū
Ka mātaꞌi-taꞌi i te ŋā pērīkura nei mo ꞌata aŋi-aŋi o ruŋa i a Ietū Kiritō, te poki o te ꞌAtua, he kope i vaꞌai i a ia mo mate mo haka kore i te hara o te taŋata taꞌatoꞌa.
He parau ꞌāpī riva-riva haka ꞌite e Ietū: Ka ꞌata aŋi-aŋi o ruŋa i te ŋā pērīkura nei
Ka mātaꞌi-taꞌi te ꞌaꞌamu o te ꞌEvaneria i te ŋā pērīkura o ruŋa i a Ietū.
He pērīkura 2: “He poki nei ꞌāꞌaku”
Ka uꞌi pē hē a Iovani Papatito i mātaki i te ara mo te tuꞌu iŋa mai o te Mēsia. Ka uꞌi e koe mau ꞌā te meꞌe i aŋa e Ietū hora haꞌamata era i tāꞌana aŋa ꞌi ruŋa i te henua.
He pērīkura 3: “Ko au rā kope”
He haka ꞌite e Ietū ki a Nicodemo, ki te viꞌe samaritana e tahi ꞌe ki te nuꞌu o Nazaret ko ia te Mēsia ꞌe nuꞌu taꞌe rahi te nuꞌu māhatu riva i haka roŋo ai. I aŋa era i te mana e tahi he kī ki te nuꞌu hī ika mo riro he taŋata hāpī ꞌāꞌana.
He pērīkura 4: “Mo ira, paꞌi, a au i oho mai ai”
He haka takeꞌa e Ietū i tōꞌona mana hai haka ora i te māui-ui o te taŋata ꞌe hai haka eꞌa takoꞌa i te tātane mai roto i te taŋata. I ai rō te nuꞌu ꞌina he haŋa ki a Ietū he haꞌaꞌau ananake mo tiŋaꞌi i a ia. He takeꞌa e koe pē hē a Ietū e haka ꞌaroha era i te taŋata, e hāpī era pa he taŋata ko ꞌite riva-riva ꞌā mo hāpī, e ai rō ꞌana te taŋata ko riro ana he nuꞌu hāpī ꞌāꞌana ꞌe he toꞌo takoꞌa mo ꞌāpōtōro ꞌāꞌana e 12 taŋata.
He pērīkura 5: “He māere tahi te nuꞌu ꞌi te huru o te hāpī iŋa ōꞌona”
I oti era te haka ora e Ietū meꞌe rahi nō taŋata ko māui-ui ꞌā, he haꞌamata he hāpī ki te taŋata ꞌe he māere tahi te nuꞌu ꞌi te huru o te hāpī iŋa ōꞌona. E hāpī era pa he taŋata i a ia mau ꞌā te parau ꞌo te meꞌe taꞌatoꞌa ꞌe taꞌe ꞌō pa he tētahi maꞌori. Hai ꞌaꞌamu haꞌaauraꞌa e hāpī era koia ko haka aŋi-aŋi pē hē a rāua ana haka tere hai meꞌe e hāpī era e ia.
He pērīkura 6: “¿Ko koe mau ꞌā te kope era mo tuꞌu mai?”
He haka takeꞌa e Ietū i tōꞌona mana mo haka ora i te taŋata mai te mate. Te meꞌe aŋa ꞌāꞌana hai mana o te ꞌAtua ꞌe i tāꞌana meꞌe hāpī, he haka aŋi-aŋi i te huru o te māhatu o te taŋata haka roŋo i a ia. Hai ꞌaꞌamu haꞌaauraꞌa e haka ꞌite ena o ruŋa i te Haka Tere o te ꞌAtua.
He parau ꞌāpī riva-riva haka ꞌite e Ietū: He parehe ꞌiti-ꞌiti o te pērīkura
Ka mātaꞌi-taꞌi te parehe ꞌiti-ꞌiti o te pērīkura mo ꞌata aŋi-aŋi i te ꞌEvaneria e vānaŋa ena o ruŋa o Ietū.
