Mbudi yayiwa oyo kayuvhitanga Jesus
Kushonge vyavingi kuhamena Jesus Kristus mona Karunga ntani muyovoli wavantu navantje muvidiyo dino dakukutwikida.
Vidiyo 1: Ramba ya Ushiri mu Udjuni
Weni omo vantu nga vava parura kundjo oyo a yitapo Adam? Mesias ndje tupu lihuguvaro lya vantu.
Vidiyo 2: “Oghuno ndje monande”
Johannes Muyoghi ana kuwapaikira ndjira yaMesias. Kenga vishorokwa ovyo vya rengitire Jesus a tameke virughana vyakuyuvita palivu!
Vidiyo 3: “Ame uno”
Jesus kwa shorwire shitumbukira shendi kwaNikodemus, mukadi wamuSamaliya, ntani navantu va mudoropa yaNazaret, ene ngoli vantu vavasheshu vadimushima dadiwa vamutambwire. Kuruku yakurughana shitetu shashinene, uye kwa yitire vakwati ntjwi va mukwame.
Vidiyo 4: “Mbyovyoshi mbyo na yera”
Jesus kwa neghedire nkondo dendi nakutjida mo mpepo dadidona. Vamwe kwa shwenine kutambura virughana vyendi nakutokora kumudipagha. Kupitira muvirughana vyendi vyankenda uye kwatulitirepo varongwa nakutovorora va apostoli 12.
Vidiyo 5: “Kwa tetukire omo a vashongire”
Opo a manine kuverura mbunga yavantu, Jesus a vareke kushonga munkedi omo vadira kushonga rumwe vampititi vavo. Nkondo dendi navifanikito vyendi ntani ovyo kashonganga kwa va tetukitire.
Vidiyo 6: “ove ne ndjegho ashi ndje ngayo ndi?”
Jesus kwa neghedire ashi a kara nankondo dakuvumbura vafe. Vitetu ovyo ka rughananga ntani namashongo ghendi kutumangeda ovo vamutegherero. Kupitira muvifanikito Jesus kwafwatwilire ovyo ngau yatikitamo Uhompa.
