Pal o Ježiš the leskeri služba
Dodžan tut buter pal o Devleskero čhavo, pal o Ježiš Kristus, savo zachraňinďa le manušen. Dikhena 18 bare videji, save tumen chudena le jilestar.
Pal o Ježiš the leskeri služba – Savore videji
Te dikheha kala videji pal o Ježiš, dodžaneha tut, so hin pisimen andre Biblija andro kňižki Matuš, Marek, Lukaš the Jan.
1. kotor: O čačikano švetlos avľa andro svetos
Ko le manušen lela avri andal o binos? Ča o Mesijašis kada šaj kerel.
2. kotor: „Kada hino miro Čhavo“
O Jan Krsťiťeľ peskera službaha sikavel, hoj maj avela o Mesijašis. Dikhen tumenge, so baro pes ačhiľa akor, sar o Ježiš chudňa te služinel pre phuv.
3. kotor: „Me som oda“
O Ježiš phenel le Nikodemoske, la Samaritankake the le manušenge andro Nazaret, hoj ov hino o Mesijašis. Aľe paťan leske ča paru džene, saven hin pokorno jilo. Paľis kerela zazrakos a vičinel pokorne manušen, kaj te džan leha a te keren oda, so the ov.
4. kotor: „Vaš oda avľom“
O Ježiš sikavel, savi bari zor les hin. Sasťarel but manušen. Tradel avri le demonen. Aľe varesave manuša pre leste džan a dothoven pes, hoj les murdarena. But manuša ačhen leskere učeňika, vaš oda bo hino ke lende jileskero a džanel lačhes te sikhľarel le Devleskero lav. Kidel peske avri 12 apoštolen.
5. kotor: „Denas avri o jakha olestar sar sikhľarelas“
O Ježiš sasťarel but manušen. Paľis len chudel te sikhľarel. Ňiko na džanel te sikhľarel avka lačhes sar ov. O Ježiš vakerel lačhe prikladi a višvetľinel, sar šaj dživen pal o Devleskero lav. O manuša den avri o jakha olestar, sar len sikhľarel.
6. kotor: „Sal koda, savo majinel te avel?“
O Ježiš sikavel, hoj les hin zor te uštavel le manušen andal o meriben. Kerel but zazraki a sikhľarel andal o Devleskero lav. Oleha, či oda o manuša prilen, sikaven, so len hin andro jilo. O Ježiš tiš vakerel but prikladi a prekal lende sikavel, so hin le Devleskero kraľišagos.
So dikhaha andro videji Pal o Ježiš the leskeri služba
Dikh tuke, so ela andro videji pal o Ježišoskero dživipen the služba.
