O traio le Jesusosko
Sikio mai ande kakala shukar videuria pa o Jesukristo, o Shau le Devlesko ai o Skepitori le manushengo.
Kapitulo 1: E vediara chachi la lumiaki
Sar avena skepime le manush anda o bezej kai andias o Adan? Numa o Mesias shai skepil le manushen ai shai del len vareso lasho te azhukeren.
Kapitulo 2: “Kako si murho Shau”
O Juan kai bolel le manushen lasharel o drom te astarel peski buki o Mesias. Dikh le bare dieli kai sikaven sar astardias kacha buki!
Kapitulo 3: “Me sim godo”
O Jesus phendias ke sas o Mesias ka o Nicodemo, ka iek zhuvli anda e Samaria ai kal manush anda e Nazaret, numa tsirha sas len iek ilo lasho pakiaie ande leste. Porme te kerel iek milagro kai parhuvel o traio katar le masharia, akharen len te lenpe pala leste.
Kapitulo 4: “Pala godia avilem”
O Jesus sikavel peski zor te sastiarel le manushen ai te gunil kal dujuria chorhe. Numa uni nai lenge drago so kerel ai kamen te mundaren les. O Jesus kerel disipuluria ai alosarel 12 apostoluria. Vo sikavelas mishto le manushen ai aliarelas bari mila pala lende.
