Jesus yachachishgan ali wilacuycuna
Cay videucunacho Jesuspita masmi yachacunayqui, paymi caycan Diospa churin y runacunata salvaj.
Jesús yachachishgan ali wilacuycuna—Videucuna ricanapaj
Cay shumaj videucunacho ricanqui Mateo, Marcos, Lucas y Juan librucunacho wilacushgan Jesús lapan rurashganta.
Ishcay caj: “Paymi caycan cuyay wamralä”
Bautizacoj Juanga Mesías manaraj yurimuptinmi paypita wilacurgan. Ricay imaycacuna pasashganta Jesús predicar galaycuptin, chayga ¡almiraypami cargan!
Quimsa caj: “Nogami cä”
Jesusga Mesías cashganta nirgan Nicodemuta, Samaritana Warmita y Nazaretcho caycaj runacunata, chayno captinpis ali shonguyoj runacunala pay nishganta chasquicurgan. Juc almiraypaj milagruta ruraptin pescaduta charejcunata gatinanpaj nergan.
Chuscu caj: “Chaypämi shamushcä”
Jesús ricachicurgan poderyoj cashganta gueshyaycajcunata jampishgancho y demoniucunatapis gargushgancho. Waquincuna ichanga contrancho churacargan y wanuchiytapis munapäcurgan. Cuyapaylapa runacunata yanapashganta y shumaj ali yachachicushganta ricar, más runacuna discipuluncunaman ticrargan y 12 discipuluncunata acrargan apostulnincuna cananpaj.
Pichga caj: “Yachachicushganta wiyar, almirashgaraj quedacärirgan”
Jesús achca runacunata jampircurna runacunata yachachir galaycurgan, maygan yachachicojcunapis paynoga manami yachachicurganchu. Payga Diospita carguta chasquishga carmi ali yachachej, tincuchicuycunawan tantiachej y imano cawaynincho rurapäcunanpaj yachachejpis.
Sojta caj: “¿Gamtachu Dios acrashushcanqui shamunayquipaj?”
Jesús poderyoj carmi wanushgacunata cawarachimurgan. Almiraypaj milagrucunata ricar y ali yachachicushgantapis wiyar, waquincuna payman yäracurgan y waquincuna mana. Jesús tincuchicuycunawan Diospa Gobiernunpita yachachicurgan.
