Ntontholo wabwino wolewa va Yesu
Pfunzirani vizinji va Yesu Khrisitu Mwana wa Mulungu yemwe ni mpulumusi wa makhaindi yose ya wanthu, m’mavidiyo yolewa va Yesu.
Gawo 1: Luju chaiyo yovunikira dziko
Ko wanthu adzapulumusiwe tani ku uchimo womwe Adamu adauyambisa? Mesiya ndiye chidikhiro chaicho cha wanthu
Gawo 2: “Uyu ni Mwana wangu”
Yohani M’batizi adakonza njira ya Mesiya. Onani vinthu vodabwisa vomwe vinkuwonesa chiyambi cha utumiki wa Yasu pano padziko yapasi!
Gawo 3: “Munthu muyo ndinepanoletu”
Yesu adaulula va udindo wake kwa Nikodemo, kwa nkazi wachisamaria na kwa wanthu wa mu nthaundi ya ku Nazareti. Koma ni wanthu ang’onong’ono womwe adamukhulupirira. Ndipo adachita vizindikiro vomwe chidachinja moyo wawo, ndipo iye adauza asodzi wa ntsomba odzichepesa kuti akhale ateweri wake.
Gawo 4: “Ndawa nidabwera kudzachita vimwevi”
Yesu adawonesa mphanvu zake mwa kupolesa wanthu na kuchosa viwanda. Koma wanthu anango ambazondana naye ndipo adakonza vakuti amuphe. Ndawa yochita vinthu mwachifundo na kupfunzisa mwabuya, Yesu adasankhula atumi 12.
Gawo 5: “Adadabwa maninge na momwe iye angapfunzisira”
Padapolesa gulu ikulu ya wanthu, Yesu adayamba kuwapfunzisa munjira yakuti palibe azipfunzisi anango omwe adachitako kale teno. Ulamuliro wake, vitsanzo vake na momwe ambathandizira wanthu momwe angaphatisire basa vomwe ankupfunzira, vimbadabwisa wanthu.
Gawo 6: “Ko Mesiya yemwe tinkumudikhirira uyo ndimwepo?”
Yesu adawonesa mphanvu zake pakumukisa wanthu wakufa. Basa zake zodabwisa na nzeru zake pakupfunzisa, viwoneseratu vifukwa vomwe vimbachitisa wanthu kumbamubvera. Pakuphatisa basa vitsanzo, Yesu ambafotokoza bwino nkhani ya Ufumu wa Mulungu.
