Hesus su sirbishi riba Tera
E serie di video emocionante aki ta yuda nos siña mas cos tocante Hesucristo, kende ta Yiu di Dios y Salbador di humanidad.
Episodio 1: E berdadero luz pa mundo
Con humanidad por ser libra di pica y morto cu nos a hereda di Adam? E Mesias ta e unico speransa pa humanidad.
Episodio 2: “Esaki ta mi yiu”
Juan Bautista a prepara e caminda pa e Mesias. Wak e sucesonan asombroso na cuminsamento di Hesus su sirbishi riba Tera!
Episodio 3: “Ta e ta papiando cu bo”
Hesus a revela na Nicodemo, na un señora Samaritano y na algun hende di Nazaret cu ta e t’e Mesias. Ta solamente un grupo chikito di hende a acept’e como e Mesias. Despues cu Hesus a haci un milager impresionante, el a invita algun piscador humilde pa bira su siguidor.
Episodio 4: “Ta pa e motibo ey mi a bini”
Hesus a demostra cu e tin poder pa cura hende y saca demoño. Pero, algun hende tabata opone su trabou y a traha complot pa mat’e. Ademas, Hesus a demostra compasion y a predica y siña e hendenan na un manera sobresaliente. El a scoge 12 apostel.
Episodio 5: E manera cu e tabata siña hende a laga nan keda babuca
Despues cu Hesus a cura un multitud grandi di hende, el a cuminsa siña hende na un manera cu e lidernan religioso nunca a yega di haci. Hesus su autoridad, su ilustracionnan y e manera cu el a aplica esakinan den bida di tur dia a laga e hendenan keda babuca.
Episodio 6: “Ta abo ta e persona cu mester bini?”
Hesus ta mustra cu e tin poder pa lanta morto. E milagernan cu e ta haci y e siñansanan profundo cu e ta duna ta saca na cla kico ta motivacion di e hendenan cu ta scuch’e. Hesus ta uza ilustracion pa splica varios cos tocante e Reino.
