Uthenga uweme unena za Yesu
Phunzilani vinyinji va Yesu Khilisitu, Mwana wa Mulungu komasoti Mpulumusi wa ŵanthu, m’mavidiyo okondwelesha amene aŵa.
Vidiyo yoyamba: Kungweleŵela kwa chendi kwa chalo
Kansi ŵanthu azapulumushiwe tyani ku uchimo wechiyambisha Adamu? Chiyembekezo chimozi tyala changankhale nacho ŵanthu kuti apulumushiwe ni Mesiya.
Vidiyo yachiŵili: “Uyu ni Mwana wangu”
Yohani M’batizi ekonzela Mesiya njila. Onani vochitika vodabwisa vamene viwonesha chiyambi cha utumiki wa Yesu pano pa chalo!
Vidiyo yachitatu: “Ni newo”
Yesu eulula udindo wake monga Mesiya kwa Nikodemo, mwanakazi wachisamaliya, komasoti kwa ŵanthu a mu tauni ya Nazaleti, koma ni ŵanthu atontho tyala a mitima iweme amene emulondela. Pechichita chodabwisa chichinja moyo wake, yove esenga ŵanthu okasha nsomba amene enze olichefya kuti amukonkhe.
Vidiyo N.° 4: “Niwela kuzachita vamene ivi”
Yesu owonesha mphamvu zake popojeka ŵanthu nofumiya viŵanda. Koma ayakine eshusha ntchito yake ndipo enzekonza chiwembu chofuna kumupaya. Na ntchito zake za chifundo chikulu na luso yophunzisa yenze nayo, Yesu epanga ophunzila nosankhilatu atumwi 12.
Vidiyo N.° 5: “Edabwa na mwenzephunzisila”
Pavuli pakuti epojeka gulu ikulu ya ŵanthu, Yove eyamba kuphunzisa ŵanthu anyinji mu njila yamene aphunzisi achipembezo aliye phunzisileko. Ulamulilo wake, mafanizo ŵenzepeleka na venzechita pa moyo wake wa nsiku na nsiku venzeŵachitisha kunkhala odabwa ngako.
Vidiyo N.° 6: “Kansi Mesiya wala watuyembekezela ni mwewo?”
Yesu ewonesha mphamvu zake pousha akufwa. Luso yake yophunzisa na vinthu vodabwisa venzechita, venzewonesha volinga va ŵanthu amene enzemumwishila. Pokatishila ntchito mafanizo Yesu efotokoza mbali ziyakine za Ufumu wa Mulungu.
