Mitthenka Sooreera Voohima sa Yesu
Musuwele vantxipale woohima sa Yesu Kristu, Mwaana a Muluku ni Nvuluxa a Atthu, va eviidiyu ela ekhaanene.
Episodiu 1: Waara Weekhaikhai wa Mulaponi
Moota heeni atthu enrowaaya ovuluwa wa yoottheka ya Adamu? Mesiya ori meekhaawe onwehereriwa ni atthu.
Episódiu 2: “Ola mwanaka”
Yohani annareherera ephiro ya owa wa Mesiya. Moone itthu sootikiniha seiyo sinoonihera opatxera wawe Yesu muteko woolaleera valaponi!
Episódiu 3: ‘Miyo ti yoowo’
Yesu aamuleela Nikodemu muritti aaraaweno wookhala Mesiya, muthiyana mmoha oSamariya, ni atthu akina yaakhala esidade ya oNazareti, menento atthu paahi a murima wooreera yaamwaakhulenle. Apakakaru miiriira saatxentxale ekumi awe, owo aahaawopa anamatotha weera emutthare.
Episodio 4: “Ti yeeyo kaawenlaaka”
Yesu oonoonihera owera wawe woowaalamiha areetta ni wiikara minepa soonanara. Atthu akina khansiveliwa ni muteko awe ni annatthuna omwiiva. Miteko sawe sa ikharari ni oxuttiha wawe wootikhiniha, Yesu onnapaka atthareli ni onnathanla arummwa 12.
Episodio 5: “Atthu yaatikhiniheya mwaha wa moota aaxuttihaawe”
Amalihakaru waalamiha atthu atxipale, Yesu aapatxera waaxuttiha atthu mwa mukhalelo ohitonko oxuttihiwa. Masu awe yaari oowera ni maphwanaphwaniho awe oovareleya muteko mweekumini, nto yannatikiniha atthu.
Episodio 6: “Nyuwo muri Mesiya aalaiherinwe weera aamoowa elapo ya vathi?”
Yesu onnoonihera owera wawe woowavinyereriha alipa ookhwa. Miirira sawe ni oxuttiha wawe wootikiniha wannaweriha ale yanwiriyana opaka etthu. Moowela mwa matakihero, Yesu anuuluma woohima sa Omwene.
