Engulhu Yuwene Ngoku Yathulhawa Na Yesu
Minya bingyi ebihambire oku Yesu Kristo, Mughalha wa Nyamuhanga kandi Omulhamya w’abandu, omwa vidiyo eyikendi hulhuka omwa bitsweka-bitsweka eyi.
Ekitsweka 1: Ekyakakalha ky’Okwenene eky’Ekihugho
Abandu bakendi syalhamibwa bathi okwa kibi ekya Adamu aletha? Masiya w’amaha masa w’abandu.
Ekitsweka 2: “Oyu Ni Mughalha Waghe”
Yohana Omubatizya akathegheka eriasa lya Masiya. Lhangira ebindu ebikaswekaya ebikakanganaya eritsuka ly’omubiiri wa Yesu okwa kihugho!
Ekitsweka 3: “N’Ingye Iyo”
Yesu akaminyikalhaya olhukwamirwa lhwiwe nga Masiya oku Nikodemu, omukali Omusamaria, n’abandu b’omwa tawuni ye Nazareti, aliwe abake buyira ab’emithima myolho bo bakamuligha. Akabya abirikolha ekithiko-thiko ekikasisimulha, akakokaya abasohi abayikehirye athi bamukwame.
Ekitsweka 4: “Eki ky’Ekyaleka Ingasa”
Yesu akakanganaya amaaka wiwe w’erilhamya abandu n’ow’erihighitha esyombinga. Aliwe abandi bakahakanisaya omubiiri wiwe n’erithegheka erimwitha. Busana n’olhukeri lhunene n’eribya iniasi erikangirirya ndeke, Yesu akayira abigha n’erisombolha abakwenda 12.
Ekitsweka 5: “Mubasweka Kutsibu Busana n’Emibere Yiwe y’Erikangirirya”
Akabya abirilhamya abandu bangyi, Yesu akatsuka erikangirirya abandu omwa mibere eyo abakangirirya babo bathe bathakolesya. Obuthoki bwiwe, emikya, n’emibere akaghendera okwa eby’akakangiriraya omwa ngebe yiwe bikaleka ibasweka.
Ekitsweka 6: “Niwe Wukayasa?”
Yesu akabisulha aho ak’iha amaaka wiwe w’erilhubukya abaholi. Ebithiko-thiko biwe n’esyongangirirya siwe bikabisulha amalengekania agho abamuhulikirire bawithe. Omw’ikolesya emikya, Yesu akasoborera emyatsi muthina-muthina eyihambire okwa Bwami.
