Michaka Saphaama Mwawiiwanana ni Yesu
Muhuserye sincipale vooloca sa Yesu Kristu, Mwaana a Muluku ni Mvuluxa a achu oothene, mu ixilema seiha sootannya murima.
Exilema Yoopacerya: Eparipari ti Omwaleela wa Mweelaponi
Ti mwawiihai achu anahaalaaya ovuluxiwa wa yoocheka yeeyo yaapacerihiwe ni Atamu? Mesiya ewehereryo emoha wa achu.
Exilema Yanaawiili: “Ola ti Mwanaka”
Yohani Mpatisi onnarehererya ephiro ntakhara Mesiya. Moone saweereya sootikhiniha sinooniherya mapaceryiho a muteko wa Yesu veelaponi yavathi!
Exilema Yaneeraru: “Ti yoomi Ene”
Yesu onnuupulula wi owo ti Mesiya wa Nikotemu, wa muthiyana o Samariya ni wa achu o Nasareti; nyenya avakhaani a murima waphaama yaamweemererya yoowo. Amanle opaka yootikhiniha yeeyo yaatoronke ikumi saya, owo ahaawopa alipa oototha wi emuchareke.
Exilema Yaneexexe: “Woona wi Kirweenle Nthowa na Yeeyo”
Yesu aahooniherya owerya wawe wa waapenuxa achu ni wiikara masololo. Nyenya akina yaaniica muteko awe nave elakelela omwiipha. Yesu aahaapaka oohuserya, aahaathanla arummwa 12, aanooniherya niphwanya ntokweene nave aari muhusiha mutokweene.
Exilema Yaneethanu: ‘Yaatikhina ni Mukhalelo wa Ohusiha Wawe’
Amanle waapenuxa achu ancipale, Yesu aapacerya ohusiha muloko wa achu mmukhalelo yoowo ahusiha aya ahintonkwaaya weerano. Owerya wawe, maphwanaphwaniho awe, ni ohusiha wawe waahiweeriha achu okhala ootikhiniheya.
Exilema Yaneethanu Namoha: “Ti Nyuwaano Mwaahaala Orwa?”
Yesu aahooniherya owerya wawe wa waaviha alipa ookhwa. Miteko sawe sootikhiniha ni ohusiha wawe waahuupulula miyoonelo sa yaale yanwiriyana. Moorweela wa maphwanaphwaniho, Yesu aathariha ichu vooloca sa Omwene.
