Mukandu wibuwa pabitale Yesu
Longa pabitale Yesu Nkidishitu, Muana a Efile Mukulu na Mupaashi a bantu, mu uno mulongo wa ma video.
Video 1: Etaata dia binyibinyi bua ba pa nsenga
Mmushindo kinyi aukapashibua bantu ku muluisho wabadi batueshe kui Adame? Masiya nyi mpenda lukulupilo lumune bua bantu.
Video 2: “Uno nyi Muan’ande”
Yowano Mubatshishi alumbuula eshinda bua Mesiya. Tala mianda ya kukaanya ayilesha mbangilo a mudimo wa Yesu pa nsenga!
Video 3: “Nnami’ye”
Yesu afumbula mudimo waye wa bu Mesiya kui Nikodeme, kui mukashi a mu Samadiya na kui bena kibundi kia Samadiya, anka penda bantu bapeela ba sha mashimba alulame nyi abamukumiina. Kunyima kua kukita kilengieleshi akishintuula nshalelo a bantu, atekie balobi beyishe buabadia kumulonda.
Video a 4: “Kino nyi kiandi mufuile”
Yesu alesha bukome buaye bua kupaasha bantu na kubinga ba demo. Anka bangi bantu t’abakumiina mudimo waaye nya na abadi lukuku bua kumupaa. Na bikitshino abilesha lusa lukata na mayele e buwa a kulongiesha, Yesu nkufuisha bantu bu balongie na nkutuula batumibua 12.
Video a 5: “Babakaanyine bua mushindo waye wa kulongiesha”
Kunyima kua kupaasha kibumbu kia bantu, Yesu babanga kulongiesha bantu mu mushindo wabashebalongieshe ku mungi mulongieshi aabo. Matuala aaye a kulongiesha, bileshesho biaye, na kulesha bia kuibitumikila mu nshalelo a kuifuku n’efuku, bibaadi bibakaanyishe ngofu.
Video a 6: “Obe nyi baadi na kia kufika?”
Yesu aleesha’shi e na bukome bua kusangula bafue. Bilengieleshi biaye na malongiesha aaye aanyingisha boso abamuteemesha. Ku bukuashi bua bileshesho, Yesu apatuula mianda itale Bufumu.
