Ũvoo Wʼonthe Ĩũlũ wa Ũtavanyʼa wa Yesũ
Ĩmanyĩsye maũndũ maingangĩ ĩũlũ wa Yesũ Klĩsto, ũla nĩ Mwana wa Ngai na Mũtangĩĩi wa andũ, nthĩnĩ wa vitio ĩno ya kwendeesya.
Ũvoo Wʼonthe Ĩũlũ wa Ũtavanyʼa wa Yesũ—Kalungu ka Vitio Iatĩanĩe
Ĩloele maũndũ ma kwendeesya ala Yesũ Klĩsto weekaa e va ĩũlũ wa nthĩ vitionĩ ii iatĩanĩe mawetetwe Mavukunĩ ma Ũvoo Mũseo.
Vitio Na. 1: Kyeni kya Wʼo kya Nthĩ
Andũ makatangĩĩwa ata kumana na naĩ ĩla yaetiwe nĩ Atamu? Masia nowe wĩkwatyo wʼoka wa andũ.
Vitio Na. 2: “Ũũ Nĩwe Mwana Wakwa”
Yoana Mũvatisi nĩwaseũvisye nzĩa kwondũ wa Masia. Sisya wone maũndũ ma mwanya ala meekĩkie mwambĩĩonĩ wa ũthũkũmi wa Yesũ e vaa ĩũlũ wa nthĩ!
Vitio Na. 3: “Ninyie We”
Yesũ nĩwavuanĩisye Nikotemo, mũndũ mũka Mũsamalia, na andũ ma ndũa ya Nasaleti kĩanda kyake kya kwĩthĩwa e Masia, ĩndĩ no anini ala maĩ na ngoo nzeo mamwĩtĩkĩlile. Ĩtina wa kwĩka kyama kya mwanya mũno, nĩwathokisye atei ma makũyũ matwʼĩke aatĩĩi make.
Vitio Na. 4: “Nookie Kwondũ wa Ũu”
Yesũ nĩwoonanisye kana aĩ na ũtonyi wa kũvosya andũ na kumya ndaimoni. Ĩndĩ andũ amwe nĩmamũvĩngaa na mendaa kũmũaa. Yesũ nĩwanyuvie atũmwa 12, nĩweewʼĩaa andũ ĩnee na nĩwamanyĩasya na ũtũĩka.
Vitio Na. 5: ‘Nĩmasengʼiwʼe Nĩ Nzĩa Yake ya Kũmanyĩsya’
Ĩtina wa Yesũ kũvosya andũ aingĩ, nĩwamamanyĩisye kwa nzĩa ya mwanya. Andũ nĩmasengʼiwʼe nĩ ũkũmũ ũla waĩ nawʼo, ngelekanyʼo ila watũmĩaa, na ũndũ kĩla wamanyĩasya kyakonanĩtye na maũndũ moo ma kĩla mũthenya.
Vitio Na. 6: “We Nue Ũla Wũkĩte?”
Yesũ nĩwoonanisye kana e na ũtonyi wa kũthayũũkya akwʼũ. Syama ila weekie na maũndũ ala wamanyĩasya nĩmavuanasya woni ũla eethukĩĩsya make maĩ na wʼo. Nĩwatũmĩie ngelekanyʼo kũelesya maũndũ ma vata ĩũlũ wa Ũsumbĩ wa ĩtu.
Ũvoo Wʼonthe Ĩũlũ wa Ũtavanyʼa wa Yesũ—Kalungu ka Vitio Iatĩanĩe
Ĩloele kalungu kaa ka vitio ũelewe nesanga maũndũ ala mawetetwe Mavukunĩ ma Ũvoo Mũseo.
