Zitsangu Zimboti Zitedi Yesu
Mu kikhuku akiki ki video, wunkuiza longuka matedi Yesu Klistu, Muana Nzambi ayi Mvukisi wu nza yimvimba.
Kitini 1: Muinda wu Kiedika mu Nza
Buidi batu bavukusulu mu disumu di Adami? Mesia nandi to kivuvu ki batu mu nza.
Kikhuku 2: “Awuwu Muan’ama”
Yoane Ḿbotiki wukubikila Yesu nzila. Mona mangitukulu Yesu kavanga bo katona kisalu va ntoto.
Kikhuku 3: ‘Minu Mutu Beni’
Yesu wu yizabikisa ti nandi widi Mesia kuidi Nikodemi, kuidi nkietu muisi Samalia ayi kuidi basi divula di Nazaleti. Vayi kheti bobo, mua ndambu to fi batu bakikinina. Ava nandi kuvanga mangitukulu, wutumisa minlobi mi batu muingi banlandakana.
Kikhuku 4: “Kibila Diawu Yiyizila”
Yesu wumonisa mangolo mandi kuidi batu bo kaba belusa ayi bo kakukisa ziphevi zimbi. Vayi kheti bobo bankaka banlenda ayi baba tomba kumvonda. Phila kamonisina mamboti ayi kiadi yidi, mu kulonga batu ayi kuvanga minlonguki. Mvandi wusola 12 di Bapostolo.
Kikhuku 5: “Bayangalala mu Phila Nandi Kaba Longila”
Bo kamana kubelusa nkangu batu, Yesu wutona kulonga mu phila yi kukuitukila yo ni mutu mu thangu’awu kabasa longilanga ko. Kibakala kamonisa, kusadila bifuani ayi mambu ma lumbu ka lumbu muingi kulonga, kuvanga batu kukuituka.
